الرقصة_الأخيرة

ـ حياة

حياة :

ـ نعم !!

تميم : انتى متضايقه من رجوعى مصر

حياة باستنكار وأرادت أن تعاقبه بسبب حديثه هذا لتهتف :

ـ وانا هضايق ليه يعني ترجع ولا ماترجعش ده حاجه تخصك انا مالى

تميم وهو ينظر فى عينها :

ـ اتغيرتي اوى

حاولت الفرار من أمامه إن ظلت دقيقه أخرى معه تقسم أنها ستكون بين يديه ولكن لن تتراجع عن معاقبته بسبب رحيله لتهتف حياة :

ـ كل حاجه بتتغير مع الوقت ف مابالك بقى بعمر كامل

تميم :

ـ حتى معايا !!

حياة :

ـ إحنا كبرنا يا تميم يعني تصرفاتنا زمان كنا اطفال بنمشي من غير ما نفكر علشان عارفين فيه أشخاص هيكونوا بيدعمونا

تميم :

ـ مكنتيش كده

حياة :

ـ ماقولتلك كل حاجه بتتغير احنا بس الى بنضحك على نفسنا ونوهمها أن كل حاجه سبناها هنرجع نلاقيها زى ماهى .. وانت السبب

تميم بتعجب :

ـ انا السبب !!

حياة :

ـ اه انت اي مستغرب ليه كده

تميم :

ـ ليه طيب

حياة :

ـ ليه مش عارف ليه مشيت وبعدت ونسيت وعود زمان إنك تكون معايا ومتتخلاش عني بس عملت أيه هاه جاوب !!

تميم :

ـ انتى نسيتيني !!

حياة بهروب لن تستطيع التحدث معه أكثر من ذلك :

ـ هاه .. اه نسيتك

تميم وهو يضع يده فى جيب الجاكيت الذى يرتديه :

ـ بس عينك بتقول غير كده

حاولت الهروب لن تستطيع الوقوف من أمامه لتهتف :

ـ لأ خالص اظاهر أنه بيتهيألك انا فعلا نسيتك والدليل على كده انى معرفتكش اول ماشوفتك

تميم :

ـ علشان كده بتهربي منى وطلعتي أوضتك على طول .. والوقتى كمان رافضه ترفعي عينك وانتى بتتكلمي معايا

حياة :

ـ لأ خالص انا ههرب منك ليه يعني

تميم :

ـ طيب أيه المشكله