الفنان حسين فهمي

الفنان حسين فهمي كان من عيلة كبيرة جدا قبل 52 وكانت أمه وصيفة الملكة ، وكان وهو طفل شبه الملك فاروق جدا لدرجة ان الملك فاروق كان بيقوله يا مولانا .. جده كان يمتلك معظم أراضي حلوان اللي اتبنت عليها أهم المرافق الحيوية هناك ، واتعملتله سكة حديد مخصوص علشان توصله مجلس الشورى .. ثورة يوليو أممت كل ممتلكاتهم تقريبا ، في لقاء قديم لحسين فهمي مع المذيعة هالة سرحان سألته والدك مزعلش لما خ،ـسر كل ثروته ، رد عليها حسين فهمي رد في منتهى العظمة .. كمل معايه للآخر وهقولك .. تعرف ان مؤلفة رواية هاري بوتر كتبت أول مسودة لروايتها على ورق تواليت ؟ آه والله العظيم ، كانت مطلقة وبتعول طفل صغير ، وراكبة القطر وبتفكر هتعمل ايه في أيامها اللي جاية ، جاتلها الفكرة وهي في القطر ، ملقتش معاها أي ورق تكتب عليه ، كتبت على ورق التواليت .. بعد كدا روايتها دي اترفضت من 12 ناشر ، لكن بعد كدا وزعت ملايين النسخ على مستوى العالم وكانت أكتر رواية في التاريخ كله تقريبا توزع الأعداد دي ، واتعمل منها سلسلة أفلام نجحت في السينما العالمية نجاح كاسح .. نفس اللي حصل تقريبا مع الدكتور أحمد خالد توفيق الله يرحمه لما قدم أول عدد ليه في سلسلة ما وراء الطبيعة للمؤسسة العربية الحديثة واترفـ،ـضت وكان رأي الناشر انها غير متماسكة وغير صالحة للنشر ، واتنشرت بعد وساطة من الدكتور نبيل فاروق الله يرحمه وحققت نجاح كبير جدا في مصر والوطن العربي واتربت عليها أجيال ، ومؤخرا اتحولت لأول مسلسل مصري وتاني عمل عربي من إنتاج منصة نتفليكس العالمية .. _ الكاتب الصحفي محمد سلماوي كان قاعد مع عمنا نجيب محفوظ لما جاله تليفون من دار نشر في أمريكا كانت بتختار روائع الأدب العالمي عشان تطبعها طبعات فاخرة جدا وطلبت من الأستاذ نجيب محفوظ يرشحلهم رواية من رواياته علشان يطبعوها طبعة فاخرة جدا وخاصة وبتتوزع على شخصيات معينة أوي ، وبمبالغ طائلة ، ضحك عمنا نجيب محفوظ وافتكر أول رواية كتبها وهو لسه طالب ، وكانت عبث الأقدار ، ساعتها الرواية مكانتش بتتباع ، واضطر عمنا نجيب محفوظ ياخد نص النسخ من الناشر ويلف بيها على عربية يد زي بتوع الخضار يوزعها بنفسه .. فيلم shawshank redemption اللي كان رواية للكاتب ستيڤين كينج واتحولت بعد كدا لفيلم ، الفيلم دا سقـ،ـط سقـ،ـوط مدوي على شباك التذاكر ، لدرجة أن مخرج الفيلم كان بيقف في الشارع قدام دور السينما يصطاد الناس ويتحايل عليهم يدخلوا يشوفوا الفيلم ولو معجبهمش بيوعدهم هيرجعلهم فلوس التذكرة .. الفيلم فشل تجاريا لدرجة ان الأديب ستيڤين كينج صاحب الرواية رجع لصناع العمل المبلغ اللي أخده منهم مقابل حقوق روايته لأنهم كانوا صعبانين عليه .. الفيلم دا دلوقتي مصنف ضمن قائمة أفضل 100 فيلم في تاريخ السينما ، وفيه آراء كتيرة جدا بتعتبره افضل فيلم في تاريخ السينما .. الشاعر صلاح چاهين ، كان طالب في كلية الحقوق وكان والده رئيس محكمة استئناف المنصورة ، بس ابو صلاح مكانش بيحب دراسة الحقوق وكان بيسقط فيها دايما ، تخيل انت بقى لما تكون ابن قاضي ومش عارف تنجح في امتحانات كلية الحقوق ، كارثة طبعا ، المهم الطالب صلاح چاهين قال إيه لابوه ؟ قاله انا مش عايز الناس تشاور عليا وتقول دا إبن المستشار ، انا عايزهم يشاوروا عليك ويقولوا دا أبو صلاح چاهين .. بعد الجملة دي بسنين طويلة كان الرئيس جمال عبد الناصر بيكرم القضاة ، وكان صلاح چاهين وقتها شاعر ثورة يوليو وكان محبوب جدا من رجالة الثورة زي ما كلنا عارفين .. بعد ما عبد الناصر سلم على ابو صلاح چاهين واحد من اللي واقفين وراه همس في ودنه وقاله دا أبو الشاعر صلاح چاهين ، فسلم عليه تاني تحية لإبنه .. واتحققت نبوءة الولد البـ،ـ،ـايظ .. الكولونيول هارلند دافيد ساندرز ، الراجل العجوز صاحب أشهر وجه في العالم ، اللي بتشوف وشه على علب وجبات كنتاكي .. عايز اقولك انه بيسف تراب من وهو عمره ست سنين بالظبط ، أبوه مات وأمه خرجت تشتغل ، وهو شخصيا اشتغل في حاجات كتير جدا عشان يلاقي ياكل هو وأمه وأخواته .. ومكانش نهاية المطاف لما أنشأ أول مطعم ليه لأن المطعم دا خسر واتحجز عليه وهو أشهر إفلاسه أكتر من مرة ، بس في النهاية قدر يخترع خلطة الدجاج السرية بتاعته اللي دمج فيها 11 نوع توابل مختلفين بكمية مدروسة بدقة شديدة جدا ، وبقى صاحب أشهر سلسلة مطاعم في العالم كله ، وليه فروع في كل دول العالم تقريبا .. النجاح أو الفشل مش ظروف ، النجاح أو الفشل قرارك انت .. اللي انت بتقوله لنفسك طول الوقت هو اللي بيحصل .. لو فضلت تقول لنفسك انا هنجح فأنت هتنجح لا محالة ، ولو فضلت تقول لنفسك أنا هفشل فمستحيل تحصلك نتيجة تانية .. انت هتنجح لما تتعلم تبص لنفسك في المراية وتشوف إنسان ناجح .. هتنجح لما تتعلم تقف على كلام الناس اللي بيشككوا فيك وبيقولوا انك هتفشل .. هتنجح لما تكون مؤمن ان ربنا حط فيك أعظم أسراره ، سر الروح .. ويسألونك عن الروح قل الروح من أمر ربي وما أوتيتم من العلم إلا قليلا .. وقال ونفخنا فيه من روحنا .. لما هالة سرحان سألت حسين فهمي ، والدك مزعلش لما خسر كل ثروته .. شاور على دماغه وقالها أبويا ساعتها قال هما أمموا فلوسي بس معرفوش يأمموا دي .. د.فاطمه أنور

شغل جوزي

الرقصة_الأخيرة

مقالات ذات صلة

اترك تعليقاً إلغاء الرد

أنت تستخدم إضافة Adblock