الرقصة_الأخيرة

حياة :

ـ ولا حاجه يا استاذ انا معنديش مشكله معاك لوسمحت سيبنى في حالى انت راجع ليه دلوقتى عايز اي

تميم :

ـ عاوز صاحبتي وبنت عمي

حياة :

ـ واتخليت عن  صاحبتك وبنت عمك وسافرت ليه ومفكرتش حتى تسال عنها طول السنين دى كلها وراجع دلوقتى عايزنى

تميم :

ـ انتى عارفه أنه غصب عني وكنت دائما بسال عمى عنك ومتابع أخبارك

حياة :

ـ وبتسال عمك عنى ليه ما تسالنيش انا ليه ما تكلمنيش انا ليه

تميم :

ـ خفت ترفضي تردي

حياة :

ـ خفت ؟!! ليه اي إلى هيخلينى ارفض

تميم :

ـ المشاكل اللى كانت بين بابا وعمي

حياة :

ـ واحنا مالنا انا وانت مالنا بس اظاهر أن انت إلى اخترت البعد ودلوقتي جاي عايز تقرب ومستني حياة البنت الصغيرة اللى كنت بالنسبه لها كل شئ ابعد عنى خليني فى حالي كفاية مبررات

تميم :

ـ حياة بلاش تظلمينى

حياة :

ـ انت عايز اي دلوقتى يا تميم

تميم :

ـ عاوز اعرف فيه حد فى حياتك

حياة :

ـ هتفرق معاك

تميم :

ـ اكيد

قبل أن تجيب استمعت لصوت ريان يناديها لتتركه وتغادر وجدت والدها ووالدتها ينتظروها لتناول الإفطار معا ليجدوا تميم خلفها

❈-❈-❈

حسناء بابتسامه :

ـ أنا رفضت أنهم ينادوا عليك قلت أكيد مش هتقدر تنام بسهوله

تميم وهو يجلس بجانبها :

ـ يومين بالكتير هكون منتظم بس فعلا التوقيت مختلف جدا النهار عندكم بيكون ليل هناك

ليهتف وهو ينظر لعمه :

ـ سامحني يا عمي الأسبوع ده بس وهتلاقيني معاك كل يوم بعد كده

ريان :

ـ هو إنت خلاص هتستقر هنا يعني مش هتسافر تاني

تميم :

ـ لا أطمن خلاص هعيش هنا على طول بس لو وجودي مضايق حد هنا هروح أقعد مع سليم صاحبى

ألقت الكوب بغضب لينتبه لها الجميع لتصعد لغرفتها لحقت بها نادين

شريف بهدوء :

ـ تميم أيه كلامك ده البيت بيتك أنا متأخر على الشركة نتكلم بعدين

اتجه لغرفته وذهب ريان لمدرسته مع السائق بينما رفضت حياة التحدث مع نادين يريد الرحيل مره أخرى يبدو أنه لا يريدها لذلك قررت أن تفكر فى حياتها فقط يبدو أنه أيضاً لديه حياة خاصة اتجهت لقاعة التدريب لتبدأ بالمران مع شريكها فى العرض وضعت تركيزها فى هذا الحفل لأنه سيكون حفل عالمي سيحضره قاده من معظم الدول .. كأنها فراشه تدور على الأرض من يراها بتركيز يقسم أن قدمها ليست على الأرض انتهى التدريب لتجلس بارهاق بسبب عدم نومها الليله السابقة وأيضاً تشعر بأن درجة حرارتها مرتفعه قليلا لتخبر نادين أنها ستذهب لرؤية الطبيب لتذهب معها ..

قرر تميم رؤية سليم فالمنزل لا يوجد به حسناء اتجهت لعملها وريان فى النادي اتجه له رحب به كثيرا وجلسوا كي يتحدثوا معاً

تميم :

ـ أنا مش عارف أخد خطوه يا سليم حياة اتغيرت خالص مش هى دى اللى كانت معايا زمان

سليم بهدوء :

ـ تميم السنين بتغير الشخص وكمان نصحتك كتير تتواصل معاها كنت بترفض متوقع منها أول ما تشوفك تجري عليك غلط طبعا .. إنت خلاص رجعت انقذ حبك لها قبل أى شخص تاني ما يقت.حم حياتها بلاش تضيعها منك تاني

تميم :

ـ أنا حاولت أتكلم معاها النهارده ردها صدمني لكن نظراتها بتقول كلام تاني

سليم :

ـ يبقي حاول معاها أعطيها فرصه تكشف غضبها وسبب زعلها منك