وردتي السمراء
وردتي السمراء بقلم سميه عامر
يا ماما مش معنى انه غني اني هبقى مبسوطة معاه ده مبسوط بفلوس أبوة
– بنت متتكلميش كده عن ابن خالتك انتي حتى مشوفتيهوش غير مرتين و انتو لسا صغيرين
يا امي ده بدوي و اكيد جاهل انا هبقى مهندسة بعد ٣ سنين عايزاني ات,دفن في العادات و التقاليد و اللبس البدوي غير أنه مش متعلم و جاهل
– عيب عليكي اللي بتحكيه مهي سينا ارضي و بلدي ولا انتي ربايه ابوكي و دلعه ليكي نسوكي اصلنا و إن كان على التعليم هو مش محتاجله لانه اصلا معاه فلوس يا بتي
لا منستش بس انتي برضو متنسيش انك وعدتيني اني هكمل جامعتي الاول
– لا خلاص مفيش وعود بكره هتقعدي معاه و توافقي بيه ده ابن خالتك و هيحافظ عليكي
امي سابتني و خرجت عشان تجيب حاجات عزومة بكره و قعدت انا مغمومة و عيطت لاني بحب ماجد زميلي في الجامعة ، فضلت افكر ازاي اخلص من الجوازة دي لحد ما لقيت اليوم عدى و انا قاعدة قدام مرايتي بجهز نفسي و عيوني حمرا من العياط
سمعت صوت امي وهي بترحب بيهم و فجأة انفتح الباب عليا و دخلت ست جميلة في اوائل الخمسينات عيونها مكحله و خضرا
– يا روحي عليكي يا عروسة ابني يا غالية ايه كل الجمال ده
قومت و حض.نتها : ازيك يا خالتو انتي نورتينا
– بنورك يا حبيبتي بس ايه الجمال ده كله نورين شكلك من اسمك بصحيح
ابتسمت و انا حزينة و خرجت خالتي و سابتني اجهز نفسي
– الو يا سيف اخوك فين
معرفش المفروض يكون في القاهرة قبلينا
– طب شوفو فين بسرعة
خرجت نورين من اوضتها وهي منزله راسها في الأرض و دخلت بالشربات و هي ايديها بترتجف حطتها و قعدت و اول ما رفعت راسها شافت شاب في أوائل التلاتينات و شكله كان غريب و بيبصلها بغرابة حتى أنها لاحظت أنه معا.ق و أيده بترجف
امها : رحبي ب ايمن ابن خالتك يا نورين لحد ما نيجي انا و خالتك
عيطت نورين وهي شايفة أهلها بيبيعوها لواحد معا.ق و مش نفس تفكيرها أو أسلوبها
فضلت تبص حوليها وهي بتعيط
ايمن : انتي .. انتي عروسة حلوة … اوي … زي القمر
عيطت اكتر و مستحملتش قامت بسرعة اول ما لاحظت أن مفيش حد شايفها و جريت فتحت الباب و نزلت وهي بتعيط على السلم و فجأة خبطت في واحد ووقعته ووقعت معاه على السلم
اتعصب و بدأ يشتم : انتي يا عميا البسي نضارة
كانت نورين واقعة فوقيه و عيونها في عيونه و بتكلم نفسها : ازاي عيونة بالحلاوة دي ولا شعره ولا شفاي…
خرجت من شرودها على تهزيقة ليها و ضحكه شاب واقف معاه عليهم
سيف : وقع الأسد اللهم لا حسد
قامت نورين و بصتله بعصبية : ابقى بص قدامك يا غبي
سابته وجريت و قام هو يعدل هدومة و بص لأخوه : هي قالت غبي ؟
سيف بخوف : عبدالملك خلاص شكلها اصلا هبلة
نزل وراها بسرعة كانت هي لسا خارجه من العمارة مسكها من دراعها و شدها عليه خب.طها في ص.درة و ضغط عليها اكتر : تاني مرة لما تبقي غلطانة متغلطيش في اللي قدامك يا شاطرة و قر.ب منها اكتر و …
يتبع…
رواية وردتي السوداء الحلقة الثانية
انت مجنو.ن ؟؟
ازاي ماسكني كده
بعدت عنه و فضلت بصاله بقر.ف : انت فاكر نفسك مين عشان تمسكني كده و اه انت غبي عشان وقعتني ع السلم و اتفضل بقى طريقك اخضر
ضحك و نفض هدومة : طيب ماشي خليكي فاكرة كلامك ده عشان لما تبقي تعرفي تقوليه تاني
برقت ووشها احمر : انت مش غبي بس لا و مع.توة كمان
سابته و كملت جري و طلع هو بعد ما شاور للسواق ب أيده عليها
– ينهاااااار اسود فين نورين فين بنتي
ايمن : خر ..جت ..و بتعيط
سمع عبدالملك و سيف صوت خالتهم وهي بتصوت و امهم قاعدة تهديها
– في ايه حصل ايه ؟؟
نورين هربت و سابت البيت انزلو شوفوها
سيف وهو بيضحك : المجنو.نة دي طلعت عروستك بجد الحقها بقى
الحق مين ؟؟؟
امه : عبدالملك انزل شوف بنت خالتك ليجرالها حاجه
خرجوا كلهم يدوروا عليها و في النهاية اختفت من كل مكان
رجعت امها و خالتها للبيت و فضل عبدالملك برا قاعد قصاد النيل لحد ما جاله تليفون و قام خد عربيته و مشي بيها بسرعة
وصل تحت عمارة و نزل
الحارس : رايح فين حضرتك
عبدالملك بحِده : مش شغلك بوليس
اتخض الحارس و رجع لورا و طلع هو و رزع على الباب
فتحله شاب : انت مين؟؟
بعده عبدالملك بأيدة و دخل
الشاب بعصبية : بقولك انت مين و ازاي تدخل كده
جريت نورين لما سمعت الزعيق و برقت اول ما شافته قدامها : انت ؟؟؟
اتع.صب عبدالملك أن بنت خالته و اللي المفروض كان هيتجوزها راحت بيت واحد غريب و مسكها من شع.رها و جرها قدامه بس هدي لما شاف ست كبيرة خارجه من نفس الأوضه
ام ماجد : ايه يا ابني سيبها انت مجنو.ن
هدي شويه و ساب شعرها و مسكها من دراعها جرها لبرا و حاول ماجد يتدخل بس أم.ه مسكته : لا يا ابني تلاقيه اخوها سيبها و بكره نروح نخطبها من أهلها
جرجرها لحد العربية و رماها فيها و ركب جنبها
فضلت تتكلم وهي بتعيط : انت مين و ازاي تعمل معايا كده
فضل ساكت لحد ما وصل تحت البيت و خرج فتحلها الباب و شدها برا العربية و ركب و مشي
شافها ابوها اللي كان بيدور عليها و شدها لحد ما طلعوا بيتهم
