يارا
اهلا يا حماتي تعالي ادخلي جوه
الحما
اسمعي يا بت انتي تاخدي كام وتمسحي الزفت اللي معاكي ده عشان انا زهقت ده الكل مستغرب من اللي انتي بتعمليه معايا وان انا بسمع كلامك وانتي عارفه انتي مسكاني بايه
يارا
ماهو انا يا حماتي مش هتنازل عن الفيديو اللي معايا ده ابدا اصل طول ما ده معايا انا في امان من لسانك ومن تصرفاتك يا حماتي
الحما
ماشي يا يارا براحتك على الآخر
وفي شقة صفاء قالت لسعد جوزها
صفاء
شوفت يا سعد اللي بيحصل في البيت الست امك مش قادرة تتحكم في مرات اخوك مش عارفه هي ماسكة عليها ايه
سعد
هي مين اللي ماسكة على مين يا صفاء ايه الكلام الغريب اللي انتي بتقوليه ده بس انتي عبيطة يا صفاء
صفاء
لا يا سعد انا مش عبيطة ياحبيبي انا بقول اللي انا شيفاه بعنيا دول امك مبقتش بتقدر تقول بم للبت اللي اسمها يارا دي
سعد
طيب وايه المشكله بقا مش فاهم انا وبعدين انتي شاغله بالك ليه بيهم ما تسيبي كل واحد في حاله ياصفاء وخليكي في حالك
صفاء
اخليني في حالي ازاي بس ياسعد يعني بعد ما كانت مرات اخوك ايديها بأيدي وبتعمل كل حاجة معايا بأمر من امك دلوقتي بقيت انا اللي شايله كل حاجة على دماغي لوحدي ده يرضى مين ده
سعد
يوووه وبعدين معاكي يا صفاء انا مش عايز وش في البيت وبعدين انا مليش في كلام النسوان ده هو انا فاضي لكم يلا روحي بقا خليني انام عندي شغل الصبح بدري
صفاء
طيب ياحبيبي نام نوم العوافي يا سعد نام
وفي بيت رقيه اخت احمد جوزي كانت بتزعق مع جوزها وقالت له
رقيه
وبعدين معاك يا كمال هو انت كل يوم والتاني تعمل معايا مشكلة يا راجل انا لسه راجعة من عند ماما عايزني ارجع لها تاني حرام عليك بقا
كمال
وهو انا اللي بعمل النكد ولا ايه يا رقيه ما انتي اللي كل شوية رايح فين وجاي منين ووريني تليفونك وعايزة تعرفي بكلم مين ومش بكلم مين والغيره واخده حدها معاكي اوي
رقيه
الله هو انت مش جوزي يا كمال ولا ايه وبعدين انا كده بحب اعرف كل حاجة عنك انا كده ياخي
كمال
طيب وانا بقا مبقتش بحب غيرتك ولا تسلطك الزايد اوي ده يا رقيه وياريت يابنت الناس تعيشي وتبطلي تعملي اللي انتي بتعمليه ده انتي سامعه
رقيه
يعني ايه ياكمال يعني مش هتوريني تليفونك اشوف عليه ايه
كمال
لا يا رقيه مش هوريكي حاجة ومش عشان انا بعمل حاجة وخايف منك لا سمح الله لا لا انا مش هوريكي حاجة عشان تبطلي الجنان والهبل اللي انتي فيه ده يلا انا ماشي
