حماتي

صفاء

ياسلام وليه بقا ان شاء الله هي على ايديها نقش الحنة ولا ايه وبعدين هو مش اللي راح ده يبقا حمانا كلنا

الحما

انا قولت كلمة وخلاص ومش عايزة كلام تاني انتي سامعه يلا روحي شوفي وراكي ايه يابت امشي من قدامي يلا

ومشيت صفا وفي بيت أميرة اختي حماتها قالت لها

الحما

ايه يا ست أميرة انا شايفاكي كده راجعة من عند امك من غير ما تعدي عليا هو انا ايه مليش لازمة في البيت ده ولا ايه

أميرة

لا طبعا يا حماتي ازاى بس انا اصلي بس كنت راجعة مصدعة من عند ماما عشان كده طلعت على هنا علطول

الحما

لا ياختي سلامتك من كل شر طيب ادخلي جوه اعملي كوبايه شاي انا ووليد جوزك واعملي لك معانا اصلي عايزاه في كلمتين كده يلا روحي

أميرة

حاضر يا حماتي انت عايز يا وليد شاي ولا اعمل لك قهوة

وليد

لا اعملي شاي يا أميرة ماهو طالما ماما هتشرب شاي انا كمان هشرب يلا

ودخلت أميرة المطبخ والحما قالت لابنها

الام

اسمع يا وليد انا كنت عايزاك تاخد حتتي الدهب دول تروح تبعهم عشان تاخد فلوسهم انت واخوك اصل اخوك قالي عايز يعمل مشروع وانا قولت لازم اقسم الفلوس بينكم بحق ربنا

وليد

ايه الكلام ده بس يا ماما دهب ايه ده اللي عايزة تبعيه انسي الحوار ده ياحبيبتي مفيش حاجة هتتباع

الام

يابني اسمع الكلام يا حبيبي واعمل اللي بقولك عليه وخلاص انا هخليه عندي تحت وانت نازل تاخده عشان البومة اللي عندك دي تاخد بالها

وليد

والله يا ماما انا ماعارف انتي ليه بتعملي معاها كده مع تن أميرة طيبة وبتحبك وبتقا عايزة تعملك كل اللي انتي عايزاه

الام

بقولك ايه البت دي انا لا بحبها لله في الله ما انا قولت لك بلاش البت دي تتجوزها وانا هاشوف لك واحده بنت ناس

وليد

يا ماما كل اللي انتي بتقوليه ده ملوش اي لازمة يا حبيبتي عشان أميرة غلبانة ومفيش منها انتي لو تحبيها ربع الحب اللي هي بتحبهولك

الام

انا عارفه اني مهما اقول مش هتسمعني اعمل اللي انت عايزة انا بكرة هستناك عشان تعدي عليا تاخد الحاجة وتعمل اللي قولت لك عليه

انا نازله شقتي قبل ما يجرا لي حاجة ونزلت واميرة خرجت بالشاي وقالت لوليد

أميرة

الله هي مامتك راحت فين انا عملت لها الشاي زي ما طلبت

وليد

ابدا تقريبا حد جالها تحت ونزلت بقولك ايه انا هشرب الشاي انا اقعدي اشربي معايا

وفي بيتي كنت قاعده بشرب قهوة واحمد قالي

احمد

يا سلام على الروقان اللي انتي قاعده هنا ولا على بالك اي حاجة خالص يا ست يارا علي فكرة امي ومرات اخويا بيعملو اكل تحت على روح ابويا ما تنزلي تساعديهم يا يارا

يارا

لا ياحبيبي انا مش قادرة انزل وبعدين انا لو مامتك عايزاني كانت ندهت عليا بس هي شكلها مش عايزاني فخليني قاعده في شقتي بقا ياحبيبي

احمد

ماشي بس انا هتجنن واعرف ماما بقت بتعاملك حلو اوي ليه كده مع ان معروف عن امي انها شديدة مع الكل

يارا

ابدا أصلها بقت تحبني زياده شوية يا احمد وبعدين هو ده يضايقك في حاجة ده انت المفروض تفرح انها بقت تحبني

احمد

اكيد طبعا فرحان يا يارا انا نفسى الدنيا تبقا بينكم كويسة وميكونش في اي مشاكل

يارا

اوعدك انه مش هيبقا فيه اي مشاكل بس لو دي تفضل كده متغدرش بيا ربنا يستر بقا ياحبيبي

احمد

طيب انا داخل اغير عشان نازل تاني عندي شغل بالليل

وخرج احمد وسابني ولاقيت أميرة بتتصل بيا وقالت لي

أميرة

ازيك يا يارا ايه ياحبيبتي عامله ايه وحماتك عامله معاكي ايه

يارا

حماتي يابنتي هو في في الدنيا زي حماتي ولا في قلب حماتي دي حماتي دي ماشية في طوعي زي ما بقولها بتعمل بالظبط عايزة تكسب رضايا ياستي

أميرة

ايوه بقا يابختك اصل انا حماتي بقا عامله زي البومة وماسكة لي على الواحده في الرايحة والجايه نفسي ابقي زيك كده

يارا

ولا عمرك هتبقي زي حتى لو حصل ايه باللذي يا أميرة ههههه يابنتي دي وصفة سحرية ملهاش اي طريقة

أميرة

اقطع دراعي يا يارا انما كنتي عامله عمل الوليه حماتك دي صح اعترفي احسن وعرفيني على الشيخ اللي عملتي عنده

يارا

لا لا مش هتعرفي تعملي العمل اللي عملاه بقولك ايه اقفلي دلوقتي لحسن في حد بيخبط على الباب يلا هبقا اكلمك تاني

ورحت فتحت وكانت حماتي وقولت لها