تفيدوني.
أنا كنت بحب زميلة لي في الكلية (كنا ندرس في كلية الطب)، وهي كانت بتحبني. كنا الاتنين متفقين أن أتقدّم لها بعد ما نخلص الكلية. لكن لما خلصت، أهلي رفضوها بحجة أن عيلتها “عادية”، مع أن أبوها وامها دكاترة أسنان. أنا أبويا في رتبة أركان حرب، وامي دكتورة صيدلة، وعيلة أبويا وامي كلهم في الشرطة و الجيش. عيلتي كانت عايزة عروسة من عيلة كبيرة، كلها رتب ومكانة كبيرة. فمعرفتش أعمل أي حاجة، وعيلتي اختارتلي عروسة من عيلة كبيرة (أبوها في المخابرات العسكرية)، وهي دكتورة، وعلى قدر كبير من الجمال والأخلاق، يعني حاجة مثالية. وهي بتحبني جدًا، مع أني أنا محبتهاش، لكن تزوجتها.
من بعد ما اتجوزنا، هي تعلقت بيا جامد، وحبها ليا ملوش حدود. لحد ما من فترة، جابت القايمة بتاعتها وقطعتها، وجابت دهبها كله (مع أني كنت جبتلها 200 جرام دهب، وأبوها جابلها 300 جرام)، فجابتلي الـ500 جرام وقالتلي: “أنا مش عايزة الدهب، خدهم ممكن تحتاجهم في أي وقت”. أنا رفضت، لكنها قالت: “أهم حاجة بالنسبالي إنك تكون معايا، دي أكتر حاجة بتفرحني”. لما برجع من الشغل بلاقيها مستنياني، ويمكن تقعد يوم كامل بالجوع مستنياني علشان نأكل سوا، مع إنها ممكن تاكل لوحدها. وبقول لها إني بتأخر، وهي مش بترضي. دلوقتي هي حامل، لكن المشكلة إن أنا محبتهاوش خالص، وبقت أتعامل معاها كاني بعمل واجب مفروض عليا. أنا لسه بحب زميلتي من أيام الكلية لحد دلوقتي.
