اللي زاد المشكلة أكتر إن زميلتي اتنقلت للمستشفى اللي أنا شغال فيه، فبقيت قدامي طول الوقت. والمشكلة إنها بيتقدّم لها أشخاص كتير أحسن مني بمراحل، وهي بترفضهم علشان هي مستنياني. أنا حاسس بالذنب لأني كنت واعدها بالجواز من أيام الجامعة، وأهلي رفضوها. فقررت إن هتجوزها، وقلت لعيلتي، لكنهم رفضوا. فقلت لهم: “مش محتاج موافقتكم”، وأصرّيت إن هتجوزها بعد العيد.
المشكلة دلوقتي في مراتي، من أول ما قولتلها إن هتجوز تاني، وهي دايما بتبكي. حتى لما بتكون نايمة بتكون عيونها مليانة دموع. ولما أهلها عرفوا إن هتجوز تاني وشافوا حالتها، كانوا عايزين ياخدوها معاهم ويطلقوها، لكن هي رفضت وقالت: “أنا بحبه وعمري ما هسيبه”. لدرجة إنها اختارتني على أهلها، وموافقة إن أتجوز عليها. لكن حالتها بقت صعبة، كانت عبارة عن وردة بترسم البهجة، والحياة بقيت حزن دائم مع نفسها. أنا حاسس بالذنب، وخايف يحصلها حاجة بسببي. شايف إن بظلمها، لكن في نفس الوقت عايز أصلح غلطتي علشان ظلمت زميلتي بسبب ضغط أهلي. دلوقتي مش عارف أعمل إيه. أتمنى تفيدوني.
