فيها عشان اسمع من الجيران اللى جنبها انها
مبتخرجش من البيت خالص الا بعد منتصف
الليل ساعتها بتخرج من البيت و بترجع بعد
صلاة الفجر الناس قالوا لى انها بقت
وشها شاحب خالص و جسمها بقى هزيل
و بقت مجرد جلد على عظم مقدرتش
استحمل كل ده عشان اروح بسرعة على
بيتها و اكلم اهلها اهلها اللى مش همهم
خالص حالة بنتهم الغريبة فضلت اخبط
جامد على باب شقتهم عشان امها تفتح
لى الباب و اقعد اتكلم معاها لما سالتها
عن حالة بنتها و انها مش بتروح الكلية
و ان ازاى سايبين حالتها توصل لكده قالت لى
انت مالك انت مين اصلا انت داخل
علينا كده ليه ساعتها بس عليت صوتى
عليهم فضلت اصړخ فيهم و اقولهم
انهم كده بيأذوا بنتهم و انهم لازم يعرفوا
هى ليه بقت كده و ان الوضع ده لو فضل
على كده انا هبلغ البوليس فيكم فضلت
ازعق لحد ما عملت لهم ڤضيحة فى الشارع
الجيران كلها سمعت زعقى و بدأوا يسالوا
عن اللى حصل و بدأوا يسألوا انا مين اصلا
على الرغم من انى مكنش المفروض اعمل
كده لكن انا كنت بحبها جدا و مكنتش عايز
امشى الا لما اشوفها و اطمن عليها فى
النهاية الناس فرقت ما بينا و خدت بعضى
و رجعت على بيتى و اول ما وصلت البيت
لقيت تليفونى بيرن كانت هى ايوه هى
مريم كانت هى اللى بتتصل فتحت التليفون
عشان اسمعها و هى بتقول نبيل انت رحت
على بيتى النهاردة و فضلت تزعق لحد الشارع
كله اتلم صح قلت لها و انا بحاول ابررلها
اللى انا عملته ايوه يا مريم انا عملت كده
كنت قلقان عليكى اوى و عايز اعرف ايه
اللى حصلك وقتها زعقت فى التليفون
و قالت لى و انت مالك انا حرة اعمل
اللى انا عايزاه اجى الكلية و لا مجيش
الكلية انت مالك وقتها قلت لها برضوه
مش هسيبك يا مريم الا لما ترجعى زى
الاول تانى ساعتها قالت لى بقولك
ايه يا نبيل عارف لو مبعدش عنى انا ممكن
اعمل فيك ايه انا ممكن اذيك جامد
انا ممكن اخليك تحصل جوز امى انت فاهمنى
مش عايزة اشوف وشك تانى قلت لها
و انا بحاول ابين انى مش خاېف من لغة
الټهديد بتاعتها برضوه مش هسيبك مش
هسيبك تضيعى نفسك وقتها ضحكت
جامد و قالت لى طب شوف بقى اللى
هيجرى
لك و قفلت السكة و بس ده اللى حصل
ده اللى حصل عشان ادخل فى الکابوس
الحقيقى بعد المكالمة ديه بساعة واحدة
بس لقيت البيت بتاعى كله بيولع البيت
كله كان پيتحرق امى و ابويا كانوا بيجروا
بسرعة هم و اخواتى البنات و انا عمال
ابص للڼار اللى بتلتهم البيت لحظة بلحظة
مكنتش مصدق اللى بيحصل هل اللى بيحصل
ده ليه دعوة بمريم مكنتش عارف فضلت
مستغرب كتير لحد ما جات المطافى و طفت
الحريقة مكنتش عايزة تتطفى خالص
كل ما كانوا يطفوها كانت تولع تانى مرة
واحدة ديه كانت اول حاجة غريبة حصلت
من بعد الحريقة ديه روحنا عشان نسكن
عند خالتى اللى فى طنطا لحد ما يتم
ترميم البيت مرة تانية و هناك انا شفت
العجب بكون قاعد فى الاوضة بتاعتى
لوحدى عشان انام اصحى الاقى نفسى
مرة نايم فى كنيسة ايوه زى ما بقولك
كده صحيت لقيت نفسى نايم فى كنيسة
انا مكنتش عارف ايه اللى بيحصل اول
ما فقت قلت للقسيس اللى هناك انا مش
عارف انا ايه اللى ودانى الكنيسة ديه
و الراجل استغرب جدا و اټصدم لما
عرف انى مسلم مكنش مستغرب اوى
من انى مسلم على قد ما كان مستغرب
انى كنت بمارس الطقوس المسيحية
بطريقة سليمة لما كنت قاعد فى الكنيسة
و على لسانه قالى انى كنت شايل الصليب
الكبير على رقبتى و بخطب فى الناس
جوه الكنيسة بمعلومات محدش يعرفها
غير واحد مسيحى متدين بصيت وقتها
فى الساعة لقيت ان عدى تمن ساعات
و انا قاعد جوه الكنيسة ديه طب ازاى
ده انا من تمن ساعات كنت نايم فى اوضتى
سيبك انت من انى كنت قاعد فى كنيسة
ازاى الوقت عدى بسرعة كده ديه كانت
لحظة واحدة بس ايه اللى بيحصل ياريت
الموضوع كان عدى على كده ده فى
اليوم التانى صحيت لقيت نفسى نايم
فى المقاپر ايوه لقيت نفسى نايم
فى مقاپر ناس مسيحين لقيت نفسى
نايم على قبر قسيس من القساوسة
انا مكنتش مصدق اللى بيحصل لى
و العجيب ان لما بقول لأهلى انا ازاى
نزلت من البيت بيقولوا لى انى بقولهم
انى رايح لواحد صاحبى اسمه بيشوى
مع انى معنديش صاحب مسيحى اصلا
ده كمان انا معنديش صاحب ساكن فى
طنطا اصلا احداث كتيرة غريبة كانت
بتحصل لى من بعد ما كلمت مريم
كلها ليها علاقة بالدين المسيحى ده
غير ان اهلى ساعات بيخوش عليا الاوضة
بيلاقونى بتفرج على الاعياد المسيحية
فى التليفزيون و انا مش فى وعيى
قررت وقتها انى اروح لشيخ اسمه
الشيخ رمضان الطوخى الشيخ ده
كان امام المسجد البدوى فى طنطا
رحت له و قلت له على كل الاحداث
اللى بتحصلى و اللى بمر بيها الشيخ
اول ما سمع الكلام ده قالى انه معمولى
سحر السحر ده منقوش على صليب صغير
فى قبر مسيحى قديم مكنتش مصدق اللى
بيقولوه قلت له و انا مړعوپ و خاېف
مين الشخص اللى عمل السحر ده قالى
ديه بقى انا معرفهاش لكن اللى اقدر عليه
هو انى ابطل مفعول السحر ده الشيخ
رمضان راح جاب جردل مية صغير و مسك
المصحف و فضل يردد ايات قرانية من سورة
الجن و هو بيحط صبعاه فى الجردل ده
و بعد كده قال ايات من سورة قاف وهو
برضوه حاطط صباعه فى الجردل و عمال
