🔴 الهند وباكستان دلوقتي على بعد “طل.قة واحدة” من حر.ب نو.وية تدخل العالم في كا.رثة، وترجع الكوكب كله لورا عشرات السنين!
دولتين نو.ويتين كبار، واحدة مسلمة والتانية هندوسية؛ بيكر.هوا بعض كر.ه العمى، ودلوقتي على وشك انهم يدبوا ف بعض ويرجعوا الكوكب كله معاهم للعصر الحجري!
وكل ده بدأ من رحلة سياحية كانت المفروض تكون هادية وجميلة في جبال كشمير… لكنها انتهت بمجز.ر.ة دمو.ية، ممكن تكون البداية لأول قصف نو.وي في العصر الحديث!
⚫️ طب أيه اللي حصل بالظبط، وازاي الأمور وصلت لكده؟ تعالى أحكيلك التفاصيل اللي فايتاك كلها خلال الـ 24 ساعة اللي فاتوا من البداية، وازاي هجوم صغير في منطقة جبلية ممكن يجر معاه أكبر كارثة عسكرية على كوكب الأرض، وأول حرب نووية في القرن الـ 21…
شوف يا سيدي 👇
🔴 الحكاية بدأت يوم 22 أبريل، في منطقة طبيعية خلابة اسمها وادي بيساران، في الجزء الهندي من منطقة كشمير المتنازع عليها ما بين الهند وباكستان.. مجموعة من العائلات الهندية كانت في رحلة سياحية بيتفرجوا على المناظر الطبيعية اللي هناك، وبيعملوا Hiking وسط الخضرة والخيول والجداول..
لكن فجأة ومن وسط الأشجار، طلع عليهم 4 مسلحين لابسين زيّ عسكري، وفتحوا عليهم النا.ر بدون رحمة!
المجز.ر.ة دي راح ضحيتها 26 شخص، من بينهم أطفال وستات، وكلهم كانوا سياح مدنيين عاديين جايين يقضوا وقت هادي… وبعدها، طلعت جماعة كشميرية اسمها “جبهة المقاومة” أعلنت مسؤوليتها عن الحا.دث.. بس المشكلة بقى هي إن الحكومة الهندية ما صدّقتش الكلام ده، واتهمت جماعة باكستانية اسمها “لشكر طيبة”، وقالت إنهم نفذوا اله.جوم بدعم مباشر من باكستان!
🟣 رئيس الوزراء الهندي، ناريندرا مودي، قطع زيارته الرسمية اللي كان فيها في السعودية، ورجع على طول للهند عشان يواجه الهجوم ده بردو دبلوماسي فيه خطاب تصعيد مر.عب فعلًا.. وأول ما رجع، بدأ انفجار سياسي وعسكري خطير وغير مسبوق..
الهند أعلنت سلسلة قرارات عقابية تعتبر أخطر تصعيد حصل بين البلدين من أكتر من 25 سنة.. وأول حاجة عملوها؟ علّقوا معاهدة مياه نهر السند اللي ممضية وشغالة من سنة 1960، واللي بتحدد طريقة توزيع المياه اللي جاية من نهر السند بين البلدين..
🔵 الخطوة دي في حد ذاتها محصلتش قبل كده في أي توتر بين البلدين، وتعتبر أول إنذار خطير ومؤشر تصعيد كارثي فعلًا.. لإن باكستان بتعتمد على المياه دي في أكتر من 90% من احتياجات الزراعة والشرب عندها، وأي تهديد ليها يعتبر تهديد مباشر لحياة شعب كامل، ومسألة أمن قومي وقضية بقاء وجودية بالنسبالها!
والفكرة بقى ان قرارات الهند موقفتش هنا!
🟢 دي كمان بعدها قفلت الحدود بينها وبين باكستان، وألغت التأشيرات الباكستانية، وطردت كل الدبلوماسيين والمستشارين العسكريين الباكستانيين، وطلبت رسميًا من أي باكستاني موجود على أراضيها إنه يمشي خلال 48 ساعة!
الموقف اتنقل في لحظة من “مجرد اتهام” لـ”قطع علاقات دبلوماسية كاملة”، وده دايمًا بيكون المؤشر الأول قبل أي حر.ب… وهو نفسه اللي حصل في بدايات الحر.ب العالمية التانية!
🟡 طب باكستان سكتت؟!
لأ طبعًا مسكتتش.. خد عندك بقى قرارات أسوأ كمان من اللي أعلنته الهند…
أعلنت فورًا إغلاق المجال الجوي قدام الطيران الهندي، وعلّقت التجارة مع الهند بكل أشكالها، حتى التجارة غير المباشرة اللي بتتنفذ بين وسطاء، وألغت التأشيرات الهندية هي كمان.. والأخطر من كده؟ إنها أعلنت رسميًا تعليق اتفاقية “شيملا” للسلام، اللي كانت بتمنع أي تصعيد عسكري مباشر على خط التماس بين الجانبين في كشمير!
🟠 ومش بس كده.. دي كمان أعلنت -وركز في دي أوي بقى- إن أي محاولات لإغلاق مجرى نهر السند بين البلدين، هتعتبر بمثابة عمل عسكري مباشر، وإعلان حرب رسمي على باكستان!
يعني بالمختصر كده، كل قواعد التهدئة اللي كانت بتحافظ على توازن الر.عب النووي بين البلدين… اتشالت!
🔴 الكا.رثة بقى هي إن الهند وباكستان مش دولتين عاديين.. ده كل واحدة فيهم معاها ترسانة قنا.بل نو.وية ضخمة، تقدر تمحي مدن كاملة في دقائق.. الهند عندها أكتر من 160 رأس نووي، وباكستان عندها أكتر من 170 رأس… يعني قوة تدميرية لا يتصورها عقل، ممكن لو تم استعمال جزء صغير منها بس، إنها تتسبب في “شتاء نووي” يشل مناخ الكوكب كله لسنين، ويضرب الاقتصاد العالمي، ويدمر الزراعة والمياه وحتى الهواء اللي إحنا بنتنفسه!
والتصعيد بالشكل ده في منطقة زي كشمير – اللي هي أصلاً بؤرة نزاع مزمنة من وقت انفصال الهند وباكستان سنة 1947 – معناها إن أي غلطة، أي استفزاز، ممكن يف.جّر حر.ب نووية تمس مش بس جنوب آسيا.. لكن العالم كله!
🔵 وكل بلد منهم معاها حليف من ضمن القوى الكبرى العالمية.. الهند بتدعمها أمريكا بشكل كامل، وباكستان حليفة جيوسياسية للصين.. وكل طرف دلوقتي شايف إن الطرف التاني هو المعت.دي، وإن الرد ضروري.. وأي تصعيد بالشكل ده في منطقة زي كشمير – اللي هي أصلاً بؤرة نزاع مزمنة من وقت انفصال الهند وباكستان سنة 1947 ممكن يجر معاه نص الكوكب في دوامة محدش هيعرف يوقفها…
والمصيبة الأكبر؟ إن مفيش أطراف دولية فاعلة بتحاول تهدّي! وحتى لغة الإعلام على الطرفين دلوقتي فيها تصعيد غير مسبوق، ولو انت مشترك في أي صفحات هندية أو باكستانية أو متابع أي منصات سوشيال ميديا على أي طرف من الاتنين، هتلاقي ان لغة التصعيد ما بين الشعبين مرعبة بجد فوق أي حاجة ممكن تتخيلها، لدرجة ان في ناس على كل طرف بيهددوا بعض بإنهم هيمحوهم من الوجود!
🟢 يعني ببساطة… العالم دلوقتي بعد ما بالفعل دخل في حر.ب عالمية تجارية بسبب قرارات ترا.مب وتصعيد الصين الاقتصادي، أصبح كمان واقف على حافة حر.ب نو.وية فعلية..
⚫️ ودلوقتي وإنت قاعد بتقرأ، في طيارات عسكرية بتتحرك، وجنود بيتوزعوا على الجبهات، وكل ده بيحصل في منطقة فيها أكتر من مليار ونص بني آدم!
الموضوع المرة دي أكبر من كشمير.. أكبر من الهند وباكستان.. دي أزمة ممكن تغيّر شكل العالم كله.. ولو طلقة واحدة بس اتضربت ما بين الطرفين اللي هما أصلًا في بينهم استقطاب وعداء رهيب، محدش هيقدر يطفي النار…
🟣 ف يا ترى أيه اللي هيحصل في الساعات اللي جاية؟! هل حد هيتدخل للتهدئة قبل ما الوضع يوصل لنقطة اللا عودة؟ ولا هنصحى فجأة على أول قزنبلة نووية تتفزجر قدام العالم في القرن الـ 21… لايف على الهوا وقدام الكاميرات؟
هتلاقي مصادر لكل التفاصيل الواردة في المقال تحت في الكومنتات كالعادة 👇 وفي النهاية لو وصلت لهنا واستفدت من الموضوع، متنساش تسيبلي رأيك في كومنت، واعمل شير عشان يوصل لغيرك ويعرف أيه اللي بيدور في العالم دلوقتي..
#علام
