ثاني يا وفاء انت جايه هنا ليه قولتلك الف مره انا مش هرجع البيت الا لما امك تمشي منه انت سامعه ولا لا
وفاء
مش فاهمه بس ازاي هعمل الكلام اللي انت بتقول عليه ده وانت عارف ومتاكد كويس قوي ان ماما هي اللي شاريه الشقه بفلوسها يعني المفروض ان احنا اللي ضيوف عندها
يسري
طيب خلاص انت عايزاني في البيت ليه بقى اما كفايه امك اللي شاريا الشقه بقولك ايه ما توجعيش دماغي لو عايزاني ارجع شقه امك تكتبها ليا باسمي انتي سامعه ولا لا ومعنديش غير كده
وفاء
انت بتقول ايه يا يسري شقة ايه اللي تكتبها لك دي طيب ما كان أولى تكتبها لي انا مش انت بطل كلامك ده
يسري
خلاص يبقا مش راجع وانتي حرة بقا مع امك
وفاء
يعني انت حتى مش عايز تشوف بنتك يا راجل والله حرام عليك البنت في سن المراهقه ولازم تحس ان ابوها جنبها يعني لازم تبقا موجود انت سامع ولا لا
يسري
بقول لك يا وفاء كلامي خلص لحد كده وما ينفعش حد يشوفك موجود هنا اتفضلي امشي وبقول لك صحيح اكدي على البنت ان هي ما تخرجش من غير الحجاب وتصلي قبل ما تنزل
وفاء
انا مش عارفه ادير البنت لوحدي ومحتاجاك جنبي بجد ما ينفعش والله اللي انت بتعمله ده انت ايه اللي عجبك في القاعده هنا يا راجل
يسري
بقولك ايه انا ورايا شغل كتير لو سمحت بقى اتفضلي انت وبعد كده نبقى نتكلم وبعدها مشيت وفي شقه
يسري كانت قاعده بنته نرمين قدام اللاب توب وبتتكلم وبتقول
نرمين
انا واثقه ومتاكده يا احمد ان انت عمرك ما هتبعت الفيديوهات دي لحد مش انت بتحبني برده ولا ايه ارجوك طمني
احمد
بحبك ايه يا نرمين دي كلمه بحبك دي قليله قوي على احساسي من ناحيتك انا بمو*ت فيكي
ربنا يخليكي ليا
نرمين
طيب طالما كده بقي مش عايز تيجي تتقدم
ليا ليه انا مش عارفه اخرج تاني من ورا
ماما دي دي بقت علي طول شكه فيا
ان بعمل حاجه غلط والله
احمد
قريب باذن الله بس انت عارفه الظروف اللي انا فيها وبابا دلوقتي مش عايز يساعدني باي حاجه عايزاني اجي لمامتك ايه ايد ورا وايد قدام ولا ايه ماينفعش طبعا كده لازم يكون معايا قرشين
نرمين
يا حبيبي هو انت بتحبني قوي كده يا احمد وعايز تجيب لي حاجات كثيره ربنا يخليك ليا وما يحرمني منك ابدا
احمد
هو انا عندي اغلى منك يا نرمين ده انا حتى والله بحس ان انت اغلى من اهلي ده وانا دلوقتي مزنوق في مبلغ جدا وبفكر اكلمك انت ومش بفكر اكلم اهلي
نرمين
طبعا يا حبيبي انا اهلك وناسك وكل حاجة ليك بس قولي انت عايز كام وانا تحت امرك في اي حاجه وهبعتهم لك كاش دلوقتي حالا
احمد
انا مش عارفه المبلغ اللي انا عايزه ده هلاقيه معاكي ولا ايه اصلا مبلغ كبير شويه يعني انا محتاج 6000 جنيه اصلي عايزهم ضروري جدا
نرمين
يا خبر ابيض فعلا انا مش معايا المبلغ ده انا مصروفي كله على بعضه ما يكملش 2000 جنيه
احمد
طيب خلاص يا نرمين وبعدين اصل انا متخانق مع بابا وماما وابقى افكر ان انا اخد مكان لوحدي يعني حتى بفكر ان اقابلك فيه بدل ما اقابلك في الشارع
نرمين
طب سيبني كده وانا هتصرف في الحوار ده و وبعدها دخلت جدتها وقالت
الجده
ايه يا بنت اللبس اللي انت لابساه ده وبعدين هو انتي عماله بتكلمي مين كده
نرمين
الله جرا اي ي تيته في اي هو انا لابساه في الشارع يعني ولا اي ده انا قاعده في اوضتي اهو وبعدين ده انا بكام واحده صاحبتي لو سمحتي يا تيتة انا عندي مذاكرة
الجده
طيب ولما هي واحدة صاحبتك ليه قفلتي اول اما انا دخلت عليكي الاوضة
نرمين
وبعدين بقا يا تيتة هو انا في تحقيق ولا ايه الله يخليكي سبيني اركز بقا في المذاكرة لو سمحتي انا مش فاضية للكلام الكتير ده
الجدة
بقا كده طيب يا نرمين انا بقا اروح لأمك وتشوف لها صرفه معاكي وتشوفك انت ازاى تكلميني كده
وسبتها وخرجت من الاوضة وفي الدار عندنا ياسمين قالت لي
ياسمين
في ايه يا اسماء انتي ليه كل لما بتيجي تتكلمي مع الاستاذ يسري بتكلميه بطريقة مش لطيفة
اسماء
عشان هو راجل عايز كده وبعدين انا اشتكيت لحضرتك قبل كده من تصرفاتة مع البنات بس لسه مفيش اي حاجة خالص ولا عملتو حاجة
ياسمين
ومين قالك ان انا ساكتة يا اسماء على فكرة بقا انا بفكر له في خطة متخرش المايه وعايزاكي تساعديني فيها بس لما يجي وقتها هبقا اقولك تنفيذها ماشي
اسماء
