معلش أنا هستسمحكم تنزلوا المشـ,ـكلة علطول من غير انتظار التـ,ـرتيب للضرورة بالله عليكم
دلوقت يا جماعة أنا عندى ٣٥ سنة كنت مطلقة وكنت رافـ,ـضة فكرة الزواج مرة تانية نهاااائى خصوصا انى معايا ٣ أطفال لحد ما اتعرفت على رجل عنده ٤٣ سنة ذو خلق
فى دايرة الشغل ولأنى بشر مـ,ـشاعرى اتحركت ليه بسبب اسلوبه فى التعامل وأدبه وحرصه عـ,ـلى الصلاة وكمان هو أعزب متجوزش لحد دلوقت وفيما بعد عرفت ان التأخير كان بسبب ظروفه
وكان صعب يتجوز علشان كان بيزوج اخواته البنات فدعيت ربنا يجعل ليا نصيب معاه ومكنتش متصورة ابدا انى ممكن اغير قناعتى لكن حصل وهو تقريبا حس إنى بميل ليه فطلب منى الزواج بس اشترط حاجتين
الأول انى اسيب الشغل لو فيه نصيب والتانى انه مش عايز أطفال نهااااائى وبرر انه شايف نفسه كبر خلاص ومفيش وقت فات الأوان يعنى وهيعتبر أولادى عياله بعد ابوهم يجوا ويقعدوا ويباتواا براحتهم خالص فى اى وقت وبدون معاد بالنسبة للولدين الكبار والبنت الصغيرة معايا وتقبلها
وانا وافقت كده كده العيال ابوهم بيصرف عليهم ومش محتاجة الشغل وعمرى أبدا ابدا ما هنساله الموقف الى عمله يوم دخلتنا وانه رفض يخلينى اسيب بنتى الصغيرة علشان نفسيتى متتعبش واكون مرتاحة وانا بقول علشان لو ربنا قدر وشاف البوست ان جميله فووووووق راسى مدى الحياة وربنا يكرمك زى ما اكرمتنى وكنت حنين وكريم معايا
المشـ,ـكلة يا جـ,ـماعة انى حبيته فوق ما تتخيلوا وحبيت يكون ليا طفل منه والستات بالذات هتفهم يعنى ايه تحبى واحد وتتمنى حتة منه المهم بعد ما فشلت فى تغير فكرته حبيت اعملهاله مفاجأة وبطلت اخد منع الحمل وسـ,ـيبتها على ربنا وبالفعل حملت وكنت فاكرة انى هيفرح جدا لانى حسـ,ـيت انه خايف بس من تحمل المسـ,ـؤولية
لكن للأسف حصل العكس ولأول مرة أشوفه بالعصبية الى كان فيها والاسلوب الى اتكلم بيه ودلوقت رجعنى بيت أهلى طالب مهلة علشان يشوف هيتصرف ازاى هل أنا أخطأت فى شئ يا جماعة بما يرضى الله؟
انا والله كان قصدى أفرحه لأنه يستاهل يفرح ويستاهل يكون ليا طفل منه يشيل اسمه..و على افتراض انى غلطانه اعمل ايه علشان ارجعله انا عايزة ارجعله النهارده قبل بكره اعمل ايه علشان ارضيه؟
انا مستعدة اعمل اى حاجة بس هو يرضى عدا المساس بالطفل طبعا وهو برضه انسان مؤمن ومستحيل يطلب حاجة زى كده وحتى لو طلب مش هعمل كده عايزة فايه الحلول المتاحة ايه الى ممكن يتعمل بالله عليكم
علشان انا فى حالة نفسية سيئة جدا
