حماتي

حماتي قلعت امي هدومها في الشارع بسببي

وقبل ما نبدا الحكايه اعرفكم بنفسي

انا يارا عندي 28 سنه وفي يوم كنت وافقه في المطبخ ولقيت بنتي جايه بتقولي

جودي

يا ماما وتيته على الباب وانا مش عايزه ادخلها علشان انت قولتي ما دخلش حد وانتي مش فاضيه

يارا

جدع يا جودي احب كده وانت بتسمعي كلام ماما يا حبيبتي هكون عايزه ايه دي بس ده الواحد زهق وبعدها خرجت والصدمه لما لقيت

ماما هي اللي وافقه

يا خبر يا جودي ايه اللي انتي عاملاه ده ازاي توقفي ستك كده تعالي يا ماما يا حبيبتي معلش

جودي

انت قولت يا ماما لما تيته تطلع اعمل معاها كده

يارا

مش تيته دي يا حبيبتي ادخلي جوه انت مش فاهمه حاجه

وبعدها دخلت وماما قالت

الام

شفتي يا بنتي اللي انت بتعمليه في ناس بيترد فيا ازاي ايه الاسلوب اللي انتي بتعاملي بيه حماتك ده

يارا

بالله عليك يا ماما ما تدخليش انت في الحوار ده انا مش عارفه هي كل شويه عايزه تدخل في حياتي وتطلع عندي تعمل ايه يعني

الام

طب اسمعي يا بنتي بقى انا عايزاك في موضوع واسمعيني كده للاخر انا عايزاكي بدل ما كل يوم تعملي ليا اكل واجي اخده من هنا تساعديني بقرشين اعمل بيهم مشروع

وهو برضه جوزك مش ملزوم بيا

يارا

الكلام اللي انت بتقولي عليه ده اي فلوس انت عايزاها انا تحت امرك فيها يا ماما بس شيلي الموضوع ده من دماغك خالص ارجوكي

الام

با بنتي الإنسان تقيل برضه مهما ان حصل

وانا مش عايزه اسمع كلمه ملهاش لازمه من ا

حماتك يعني

يارا

والله تفكر كده تفتح بقها معايا وتشوف انا هعمل فيها ايه اصبري يا ماما لما اجيب لك الاكل وكمان هجيب لك فلوس تخليها معاكي بس مش عشان تعملي مشاريع علشان تشربي على نفسك وفي الوقت ده نزلت صفاء سلفتي

لحماتي وقالت

صفاء

تعالي شوفي يا حماتي اللي بيحصل من ورا ظهرك انا اهلي لازم يستاذنوا قبل ما يجوا وانما سبتها لنا من اللي فوق امها هتيجي في اي وقت وتنزل شايله ومحمله

الحما

ما لكيش انت دعوه يا صفاء انا مش عايزه مشاكل مع احمد ابني انت سامعه ولا لا

صفاء

لا بقى وربنا انا ما هسكت على الحوار اللي بيحصل ده ولو ما اخذتيش موقف معاها انا اللي هتصرف يا حماتي

الحما

فكري تعملي حاجه كده يا صفاء عشان يكون اخر يوم ليكي في البيت ده انتي سامعه ولا لا

انا مش عايزه اي مشاكل بينك وبينها

صفاء

نفسي افهم بس فيه اي البت دي

عامله ليكم سحر ولا اي حرام والله اللي بيحصل

ده

الحما

مش قولتي الكلام اللي عندك اطلعي شقتك

بقي يا حبيبتي وبعدها طلعت وخرجت رقيه بنتها

رقيه

انا اللي عايزه افهم يا ماما بجد في ايه ما بينك وما بين البنت دي ليه بتخافي منها قوي كده

الحما

بقولك ايه يا رقيه مش خلاص يا حبيبتي اتصلحتي مع جوزك اتكلي بقى على الله روحي

هو انتي هتفضلي عايشه عندي العمر كله ولا اي

رقيه

لو انت ما اخذتيش موقف فعلا معاها يا ماما انا لما يجي جوزها هقوله دي ما بترضاش تخلي واحده فينا يطلع شقتها

الحما

فكري تعملي كده يا رقيه وهتعرفي انا هعمل معاكي ايه ساعتها اتفضلي يلا روحي وبعدها مشيت رقيه وحماتي بدات تفتكر اللي حصل

#فلاش باك

لما كان حمايا تعبان وعنده جلطه وتقريبا مكنش بيتحرك من السرير واحمد جوزي قالها

احمد

اسمعي ياماما انتي لازم تقعدي جنب بابا وتاخدي بالك منه انتي عارفه ان كل واحد فينا مش فاضي وطبعا لا مراتي ولا مرات سعد اخويا هيدرو يساعدوه زيك طبعا

الام

يابني انا ضهري وجعني يا احمد ومقدرش يابني على خدمة ابوك الصراحة بقا

احمد

ايه الكلام اللي انتي بتقولية ده المفروض انك انتي اللي تقولي انك مش عايزة حد يساعد معاكي ده جوزك

الام

يعني انا بقولك اني تعبانة يا احمد تقوم تقولي لازم اكون جنبه ده ابوك عايز اللي يدخله الحمام واللي يغير له انا هقدر على ده كله

احمد

ماما ارجوكي انتي خلاص مسؤلة قدامي عن بابا لازم تاخدي باله منه

وبعدها سابها احمد ومشي وهي قالت لجوزها

الام

هو انت ايه يا راجل مش عايز تروح بقا وتريحني منك هو انا كنت ناقصة همك كتك الهم ياخويا غور بقا وريحنا

وفي الوقت ده حمايا اكمنة مش بيعرف يتكلم كان بيشاور لها بس بغيظ اوي وعايز يتكلم ويزعق معاها لكن مش عارف وهي قالت له

الام

طيب انا هدخل المطبخ اجيب لك الاكل عشان تاكل يمكن تهم وتتخمد تريحنا شوية

وفعلا عملت له اكل وبدأت تأكل فيه وتقوله

الام

خود اطفح الهي يكون آخر اكل ليك يلا كل كل وكان حمايا بيمد ايده عايز ياخد تليفونة هي قالت له

الام

انت بتعمل ايه وعايز التليفون ليه عشان ترن على ولادك صح ده بعينك اوعي كده اوعي

وبتزقه جامد فتحبط في السرير وراح وانا كنت واقفه ورا الباب بصور كل ده صوت وصورة ولما جابو الدكتور قال انه راح بسبب الجلطه وانه اتخبط وراح وفي العزا قولت لحماتي

يارا

بقولك ايه يا حماتي ياريت بعد العزا تطلعي شقتي تنضفيها أصلها عايزة تتنضف ماشي

الحما

ايه يابت الكلام اللي انتي بتقوليه ده انتي اتجننتي ولا ايه يا حيوانة انتي مش عارفه انتي بتكلمي مين ولا ايه

يارا

لا لا لا يا حماتي وطي صوتك وبلاش اللي انتي بتعمليه ده اصل انا عايزة اقولك اني معايا فيديو حلو اوي ليكي صوت وصورة

الحما

ده فيديو ايه ده يابت وريني كده وريني

يارا

لا لا مش هنا تعالي في شقتي عشان محدش ياخد باله اصل لو حد شافو حبل المشنقه هيتلف حوالين رقبتك

الحما

يانهار اسود ده ايه الكلام ده يابت يلا تعالي على شقتك يلا

وطلعت حماتي معايا في شقتي ووريتها الفيديو وقالت لي

الحما

هاتي التليفون ده هاتبه انتي عارفه لو حد شاف الفيديو ده انا هاخد عمرك

يارا

ماهو محدش هيشوفو طول ما انتي بتسمعي الكلام وبتعملي اللي انا اقولك عليه ماشي يا حماتي قولي حاضر عشان سرك يفضل في بير

الحما

طيب وانا ايه اللي يضمن لي انك مش هتقولي حاجة لجوزك يابت انتي

يارا

عيب عليكي يا حماتي انا اتفقت معاكي بقا خلاص يلا بقا قومي نضفي لي شقتي يلا

#باااااااااااك

الحما قالت لنفسها

اه يابنت الجزمة يامين يلايمني على الفيديو اللي معاكي ده ياميين وجات صفاء سلفتي وقالت لها

صفاء

بقولك ايه يا حماتي انا سعد جوزي قالي اني لازم اعمل اكل عشان نطلعه بكرة على روح عمي الله يرحمة بس انا معنديش رز ممكن اخد من عندك شوية رز

الحما

ادخلي ياختي خودي لك شويه من جوه في المطبخ عشان تعملي الاكل وملكيش دعوة بلي اسمها يارا ومتقولهاش تعمل معاكي حاجة انت سامعه