…..
وفي يوم كان خطيبي عندى جت مكالمه لبابا أنه عمى أتوفي ، أتوفي وهو ظالم أخوه وواكل حقه ، قالوله أنك لازم تجى توقف قدامه هو وميت تقوله مسامحك يا أخويا علشان مينفعش يقابل ربنا ظالم .
راح بابا وبالفعل عمل كده ، وقابل أبن عمى هناك فتح معاه موضوعنا تانى بابا قاله إنى أتخطبت ، وأن خلاص قربت أتجوز .
….
أبن عمى ساب واجب أبوه وجه خـ,ـبط على بابنا جامد فتحت الباب قالى رنى على خطيبك دلوقتى أفسخى الخطوبه هاخدك غصب.
فضلت أزعق معاه جامد جه بابا وراه بسرعه وطلع من جيبه مـ,ـسـ,ـدس وضـ,ـرب طلقه جت فى رجل أبن عمى مشي وهو سايح في دمه وبيقول ” هاخدها ولله ما حد يلمسها غيري ” .
بعدها رن عليا حكالى قالى
أنا قابلتلك صدفه في العربيه ومشيت وراكى وسألت عليكى عرفت انك بنت عمى ، مكنتش أعرفك بسبب خناقات أبويا وأبوكى وأنك أتولدتى بعيد مننا أصلاً .
*علياء يسري* دى زميلتى فـ الشغل من خلال كلامنا عرفت أنى أخوها هيخطب وحده والوحده دى أنتى ، لقيتنى ببعتلك أحذرك من الخطوبة بس أنتى عنيدة وتعبتينى معاكى كتير شهور ونا بحاول أحنن قلب أبويا عليكم وهو رافض ونتى وأبوكى رافضين تتخطبي ليا ، أنا تعبت ولله أنا حبيتك ، أنا أتغيرت علشانك ، أنا أكتر واحد كنت رافض أرجعلكم حقكم ومشجع أبويا على ده ، بس لما حبيتك عايز أرجعلكم كل حقوقكم اللى ليكم واللى مش ليكم ، أنا بموت فيكى خليكى معايا أرجوكى .
….
منكرش أنه كلامه أثر فيا وقررت أقف جمبه وجمب بابا وأرجعله ميراثه اللى راح .
رنيت على خطيبي فسخت الخطوبة رن على بابا للأسف وحكاله وجه بابا ضـ,ـربنى وحدد معاد كتب الكتاب .
خد منى الفون وكل حاجه ممكن أوصل من خلالها لأبن عمى .
….
وفجأة بابا وقع مننا جرينا بيه أنا وماما على المستشفى قالنا دى جلطه في القلب وأحتمال خروجه من المستشفى قليل جدا وأنه لازم يعمل عمليه حالاً ، العمليه هتكلف أكتر من ٢٠ ألف جنيه .
رنيت على أبن عمى وحكيتله على اللى حصل جه المستشفى ومعاه أوراق كتير جدا
…
رجع لبابا حقه ودفع فلوس العمليه والعلاقات أتصلحت بينه وبين بابا
جالنا البيت وقاله ياعمى أنا طالب أيد بنتك ، وافق بابا ورن أبن عمى فوراً على المأذون وكتبنا الكتاب .
قال المأذون “بارك لكم وبارك عليكم وجمع بينكما في خير”
قام حـ,ـضنى وشالنى من على الأرض وقالى”لم يكن الوصول إليكِ سهلاً ولكنه عظيماً♥️”..
الحب عظيم ، الحب بيخلينا نعمل أى حاجة وكل حاجه مجنونه ، الحب روح بتغامر وقلوب بتتكلم ، الحب أساس رحلتنا في الحياه♥️👌🏻
