امي عملت في اختي

#مشكله_عضوه
في شاب اتقدم لاختي وامي رفضت بسبب اسلوبه وطريقة كلامه وبما ان ابويا متو,في وامي الى جهزتنا وانا متجوزه بقالي سنين الحمد لله المشكله ان اختي عندي بقالها فتره لان جوزي شغال برا مصر واختي بالنسبالي بنتي الاولى وكل حياتي بس هيا حزينه وعوزه رايكم بالله عليكم انا بعذر ماما وشايفه انها ع حق بصراحه ومحتاجه رايكم

في شاب اتقدم لاختي وجه مع ابوه وامه امه طول القعده تبص عالاساس بتاع بيتنا ومركزه في كل التفاصيل لاني حضرت القعده والشاب قال انا ظروفي مسمحتش اني اجيب تمليك ف هتحوز بايجار جنب اهلي لان امي وابويا ملهمش غيري هو اكبر من اختي ب 7 سنين هيا 19 سنه وامي قالتله كمل قالها انا مرتبي ع قدي بس هقدر ادير البيت ومتكفل بكل شي بس انا مبمضيش ع قايمه وهدفع مهر 50 الف منها الدهب وليا شرط مهم انها بعد الجواز متشتغلش امي قالتله بص يابني بنتي جاهزه من كله يعني ناوي تحدد جوازك امتي ان تمت الموافقه ابوه قال هو جاهز بس ناقصه شوية حجات بالعفش الى عليه يعني هو يجيب اوضتين والعروسة اوضتين امي ردت قالتله ومين الى هتجيب اوضتين وابنك مش هيمضي قايمه قالتله لا ده الصح قالتلها طب خدتوا واجبكم نورتوا معنديش بنات للزواج ومشيوا واختي باين عليها الزعل واما امي فهمتها قدامي براحه مع ان امي مبتحبش تبرر لحد وبتعمل الى شيفاه صح بس اختي مقتنعتش وبجحت في امي وقالتلها يعني اتجوز من وراكي بقا بصتلها بصه ومتكلمتش بس كانت هاديه و قالتلها ع بيت خالك روحي اقعدي اسبوع لحد ما افكر وامي عرفت كده ان اختي بتكلم الولد ده وقالتلي لو متعرفوش مش هتنفعل كده وتعالي انا عارفه طبع امي وقولت مش هيعدي وفعلا متكلمتش والى كنت خايفه منه حصل وطلبت مساعدتي في غياب اختي وطلع عين اهلي وانا موجوعه وحتي هيا كانت مخنوقه بس بتعمل بعصبيه وكلمت اختي قالتلها تعالي انا فكرت وطلعت غلطانه في حقك واختي جات وامي اتلقتها من برا باب الشقه وسلمت عليها وقالتلها انا وضبت الشقه عشان اما العريس يجي تاني امه متبصش على اي حاجه ومتعجبهاش وكله بقا في التمام وكلميه خليه يجي يتقدم وانا موافقه واختي فرحت بس فرحتها راحت لما دخلت لقيت امي فرشة كل جهازها بالشقه وخلت البيت بيت عروسه وقالتلها الشنط والكراتين فاضيه في المنور وطلعت كل الاجهزه القديمه رمتها عالسطح هشوفلها بيعه وقالتلها انتي كده ملكيش قيمه ولا تمن وريني مين بقا هيجي ياخدك بدون جهاز والى يقبلك بطولك نقبله بطوله ولعلمك برضو انا اشيلك ايوا لكن اشيل عيال جوزك اي كان انسى

هل امي كده صح ولا ظلمت اختي لان اختي منهاره وحزينه على حاجتها الى بقت مفروشة بالبيت وكمان قالت لاختي انتي عليكي دين قبل ما تتجوزي تخلصيه قالتلها دين ايه قالتلها انا مش هحسبهالك بالورقه والقلم انا عوزه 200 الف اشتغلي وسديهم ليا وبعدين اسيبك تتجوزي قالتلها بتوع ايه دول قالتلها دول هتراضيني بيهم قبل ما تمشي وتعوضيني عن سنين الدراسه الى درستيها
عشان اما تتجوزي حبيب القلب مش هتشتغلي يعني انا مخدتش حاجه من تعليمك والفلوس دي هجيب بيهم وحده تراعيني كل يوم بأجرتها
انا عارفه ان امي بتعاقبها عشان تفكيرها واسلوبها بس اختي حزينه بس للاسف امي لما بتعاقب مبترحمش
الحل ايه؟