زى ما يكون كان فى مدبحة و لسه خالصة حالا
مش دا الى لفت نظرهم !!
.
.
لفت نظرهم جملة كبيرة فى وسط الحيطة عمرهم ما هاينسوها
>
>
(( أصبح هذا قدركم من الأن , فأهلا بكم فى بيت أبليس العزيم ~
.
الاربعة كلهم اتصدموا من المنظر دا و مبقوش عارفين يعملوا ايه
حسن : دلوقتى فهمت كل حاجة ……….
محمد : فهمت ايه ؟
حسن : البيت دا فيه حاجة مش طبيعية و لازم نعرفها و هانعرفها من السمسار
خالد : انا لسه معايا نمرتوا و هاكلموا
حسن : بس اوعى تحكيلوا على حاجة عشان أكيد هايتهرب و مش هايجيى قوله ان البيت عجبنا اوى و عاوزين نذودله العمولة بتاعته
خالد : اوك
احمد : انتوا مصدقين الهبل دا و البيت مسكون و الحوارات دى ؟؟؟؟؟
حسن : ملهاش تفسير غير كدة ياحمد
.
احمد بالرغم من الى شافه بس مكنش مصدق برده
.
.
محمد : انا لا يمكن اقعد ف البيت دا
حسن : يلا نقعد ف الجنينة بره على ما السمسار يجيى
.
خالد كلم السمسار و فعلا السمسار فرح أوى و قالوا نص ساعة و اكون عندكوا
.كانت الساعة 6 المغرب و فعلا نص ساعة بالظبط و السمسار كان عندهم
السمسار : ازيكوا يا باشاوات
حسن : اهلا اهلا
محمد اول ما السمسار جيه استنى لحد ما دخل و قام قفل الباب بالجنزير
حسن : انتا مش هاتخرج من هنا غير لما تقولنا حكاية البيت دا ايه
السمسار : حكاية ايه يا بيه انت بتتكلم عن ايه !!!!!!
محمد : متعملش الشويتين دول علينا احنا شوفنا كل حاجة بعينينا و تعالى نوريك عشان تتأكد
.
حسن شد السمسار
و اخده و دخلوا كلهم جوا
هما كانوا متوقعين ان كل حاجة هاتختفى كالعادة لكن المرة دى الوضع اختلف لقوا كل حاجة زى ما هيا و الدم لسه موجود ع الحيطة معادا الجملة أختفت .
حسن : زى ما انتا شايف كدة
دا غير الى حصل لكل واحد فينا ، ها هاتتكلم ولا نخلص عليك
السمسار : لا خلاص هاتكلم هاتكلم ،
.
البيت دا يا بيه حكايته حكاية ، المكان دا الاول كان عمارة و كان صحابها ناس كفرة بيعبدوا الشيطان
كانت عيلة كاملة بتعبد الشيطان و بتنفذله كل طلباته
العيلة دى كانت عبارة عن راجل كبير و أولاده ال 8 و كان كل واحد فيهم قاعد فى دور لوحده
البيت دا كانت المنيا كلها عارفاه و عارفين صحاب البيت بيعملوا ايه فيه بس محدش كان بيقدر يقربلهم
.
لأن فى مرة مجموعة كبيرة من الناس اتفقوا انهم هايدخلوا البيت و يخلصوا على كل الى فيه و راحوا فعلا بس مرجعوش لأنهم أول ما لمسوا عتبة البيت
اتفحموا فى مكانهم
و بقوا عبارة عن رماد و مبقاش ليهم أثر و من ساعتها محدش بيقرب للبيت دا
لحد ما فى يوم واحد منهم عصى أمر للشيطان الكبير الى كانوا بيعبدوه
تانى يوم ال 8 مكانوش موجودين ع ضهر الأرض و هاتقولى ازاى هقولك هوا كدة بمجرد ما واحد فيهم بس خالف الأمر كلهم اختفوا …
و مبقاش فاضل غير أبوهم الراجل الكبير محصلوش حاجة
هوا كان بيعبد الشيطان اه بس كان يعرف يوقفه عند حده
و عشان كدة هوا الوحيد الى فضل من العيلة دى
الراجل دا هد العمارة كلها و بنى مكانة البيت الى احنا موجودين فيه دا دلوقتى و افتكر انه لما يعمل كدة الموضوع هايخلص
المهم عرض البيت للأيجار محدش من أهل المنيا قرب للبيت دا لأنهم كانوا عارفين حقيقته
هاتقولى متأجرش لأ اتأجر بس لناس اغراب زى حضراتكوا كدة و كان بيحصلهم زى الى حصلكوا دا و يمكن أكتر
بس انتوا عشان لسه ساكنين جداد فا لسه مشوفتوش حاجة
الراجل زهق من الوضع دا لحد ما ناس كان باين عليهم أغنيا جم و اشتروا البيت دا و بقى ملكهم …………
بعديها بأسبوع الراجل الكبير لقوه مدبوح و مرمى فى المقابر
.
الحكومة فضلت تحقق و لكنهم ملقوش أى دليل أدانة ، و اتقفلت القضية و اتدفن فى مدافن الصدقة
السكان الجداد الى اشتروا البيت ابتدوا يشتكوا انهم بيشوفوا حاجات كتير غريبة
زى اجسام غريبة بتظهر ف الحمام ، صوت صفير مستمر و مخلوقات بشعة تظهر و تختفى
و لكنهم استحملوا الوضع دا 10 سنين لحد ما فى يوم ابنهم الصغير
بدأ يقول كلام غريب و يتشنج زى ما يكون اتجنن
.
لحد ما فى يوم والده جيه داخل الحمام لقى ابنه متشرح
