قصه عمارة أبليس 

حسن و محمد و احمد كانوا خلاص غيروا هدومهم و نازلين ع السلم و اتفزعوا من صوت خالد و نزلوا جرى يشوفوا فى ايه

نزلوا لقوا الاكل بالاطباق مرمية ع الارض و مش لاقين خالد

حسن نده على خالد

حسن : خالد ؟؟ انتا فين

سمعوا صوته من المطبخ و جريوا عليه لقوه قاعد ف ركن من اركان المطبخ و وشه باين عليه الفزع كأنه شاف ملك الموت !

محمد : مالك يابنى حصل ايه و الاكل مرمى ع الارض بره ليه و كنت بتصرخ ليه ؟؟

حسن : استنى انتا يا محمد . خد يا خالد اشرب بق ماية و اهدى كدا و واستهدى بالله و قولنا حصل ايه ؟

خالد ابتدى يهدا و يتكلم

خالد : و انا رايح احط الاكل ع السفرة لقيت ….

حسن : كمل لقيت ايه ؟

خالد : لقيت كلب شكله بشع نايم ع الترابيزة و كان بيبصلى فى هدوء كأنه بيتأمل فيا . كان لونه اسود فحم و عينه حمرا و بقه كان بينزل منه دم

أول ما شوفت المنظر دا و اتأكدت انى مش بحلم جريت استخبيت فى المطبخ

أحمد بعصبيه : و بعدين يعنى ايه اخرة هزارك دا و الفيلم الهندى الى بتعمله علينا دا و الرعب الى معيشنا فيه دا

خالد رد عليه بعصبية و نبرة صوت حادة : انا مش بهزر ولا بعمل فيلم هندى و بطلوا تضحكوا عليا عشان فاكرينى مجنون . بس بكرة هايجى عليك الدور و تشوف بعينيك

احمد : طب يا عم الجميل تقدر تقول هناكل ايه دلوقتى ؟

حسن : بس مش عايزين خناق … محمد خد مفاتيح العربية بتاعتى او بتاعت احمد و روح هاتلنا اكل من اى مكان قريب … و انتا ياعم احمد نضف الى وقع دا على ما محمد يجيب الاكل و يجى .

و انتا يا خالد تعالى نتوضى و نصلى العصر سوا يلا

حسن سند خالد و قوموا و راحوا يصلوا

و محمد لبس و راح يجيب الاكل

و احمد خلص تنضيف الاكل الى وقع و هوا متضايق و قام غاسل ايده و طالع على اوضته ….

و قال يشرب سيجارة على ما محمد يجى

احمد : ادا علبة السجاير كانت ع السرير راحت فين !

احمد افتكر ان علبة السجاير و قعت جمب السرير ( السرير فيه مسافة بينه و بين الحيطة كافية انها تمد ايدك و تلمس الارض)

بدأ احمد يمد ايده و يدور على العلبة

و هنا كلام خالد فعلا اتحقق و احمد ليه نصيب يدوق من الى داقه خالد ….

أحمد بيمد أيده عشان يدور على علبة السجاير من جمب السرير

و حس بلمسة خفيفة ساقعة من تحت السرير و لقى علبة السجاير واقعة فعلا

جابها و قام مولع سيجـــــارة و قعد يفكر فى الجامعة و البيــت و الى حصل لخالد

و محطش فى دماغة موضوع الساقعة الى لمست ايده لما كان بيدور ع علبة السجاير و نسى ……

أحمد : طب خالد هايعمل كدة ليه دا خالد حتى غلبان و طيب ، لو الى بيقوله صح مسيرنا هانشوف زيه و لو طلع تمثيل هيبان

، بس انا لازم اصالحة عشان انا ذودتها معاه حبتين و مكانش يصح اعمل الى عملته دا

طفى سيجارته و قام رايح ع أوضت حسن و خبط و دخل و حسن كان بيصلى ركعتين السنة و خالد قاعد جمبه ع السرير و ساكت و هادى و سآرح فى ملكوت لوحده

أحمد : أنتا لسه زعلان ياض ؟

خالد بصله

خالد : ملكش دعوة بيا يا احمد و سيبنى انا فيا الى مكفينى

أحمد قام رايح ناحيته و قام بايس راسه و قاله

احمد : حقك عليا ياض و متزعلش منى و كانت ساعة شيطان و راحت لحالها ، ميبقاش قلبك أسود بقى

حسن : السلام عليكم و رحمة الله و بركاته ، السلام عليكم و رحــــــــــمة الله

، ربنا يهديك يا عم احمد

أحمد : حرما يا حج حسن

حسن : جمعا ان شاء الله يا لمض ، خلاص اتصالحتوا ؟

احمد : اه خلاص بعدين انتا عارف ان خالد اه جزمة بس بموت ف أهله

حسن : مع ان الاكل كان جاى بالشيء الفلانــــــــــى بس يلا فدا خالد

خالد بصلهم و ضحك أوى

خالد : ماشى يا عم احمد خلاص مفيش حاجة ، حصل خير و عفا الله عما سلف

حسن : كفاية يا جدعان عشان انا دمعتى قريبة و مرهف الاحساس شويتين

ضحكوا كلهم و خالد مبقاش زعلان من احمد و الامور رجعت لسابق عهدها و الحمدلله

حسن : انما ياض يا خالد فاتك نص عمـــــرك انهاردة

كان فيه شوية بنات بس ايه عثل يا معلم …..

أحمد : دا عينة بسيطة بس لسه التقيل جاى احنا لسه فى اول الترم ياجدع:D

خالد : لا ياعم ولا تقيل ولا خفيف انا مقتنع بخطيبتى و بحبها و الحمدلله و مش عايز حاجة اكتر من كدة

حسن : ربنا يخليكوا لبعض جوز عصافير ياربى

خالد : أخرس ياض يا سوسة

حسن : حاضر يا خالد

قطع كلامهم كلاكس عربية حسن ، محمد أخيرا وصل ، على ما خرجوا من أوضت حسن و نزلوا لقوا محمد دخل و بينده عليهم

حسن : الكلاكـــــــــــــــــــــــس دا بتاع عربيتى , هييييييه اخيرا هناكل