بميت راجل

قصه جديده حزينه اكتر من الي قبلها بس نهايه جميله لانها ست قويه بميت راجل صاحبه القصه من بلد ارياف عندها ٣٢سنه بتقولي اتجوزت من ١٤سنه كان عندي وقتها ١٧سنه جواز صالونات شاب محترم من نفس البلد بيسافر قطر شغال سواق عندو شقه في بيت عيله ليه اربع اخوات صبيان مجوزين هو الصغير خطبني وسافر سنه واجوزنا كانت اجازتو شهر واحد قضينا الفرح وسافر بعدها بعشر ايام اكتشفت الحمل في اول طفل سابني مع اهلو في عيشه واحده اربع سلائف اكبر مني بكتير ولادهم قريبين من سني عيشه واحده بنعمل اكل كل يوم تلت وجبات لاكتر من ٢٢فرد حمايا وحماتي موجودين وزي زيهم يوم

نروح الغيط لو في شغل يوم خبيز يوم غسيل ممرمطنها وانا الصغيره الخفيفه اروح اجي احمي واسرح والبس العيال واجيب الطلبات وخلفت ولد وجوزي برا بيكلمني كل يوم ومفيش حاجه مكنش في فيديو صوت بس كنا بنتكلم علي كمبيوتر عدت الايام ونزل بعد سنتين قعد شهرين وسافر محملتش تاني اخد ما عدا تمن سنين جواز شوفتو فيهم خمس ست شهور وجبت ولد كمان وطلبت منو ينزل بقي ويستقر هنا رفض تماما مع ان هو الي كان بيلح عليا عشان ينزل وانا قولتلو اصبر لما نشتري بيت لوحدنا اشترينا بيت وحته ارض وميكروباص قاعد هناك ليه طلبت منو اخلف المره التالته عشان نفسي في بنت رفض نهاي وقالي كدا كفايه دلوقت عدي علينا ١٥سنه معايا ولدين وهو هناك وانا هنا بينزل كل سنتين مره وايام ال ك رونا قعد هناك اربع سنين مكنش بينزل بدا يقللل السنين الاخيره مكالمات خالص صوت ومفيش فيديو غير كل شهرين تلاته مره بحجه اصحابو في السكن لحد ما بقت المكالمات كتابه بس واتس او مسنجر عاملين ايه الحمد لله ويقفل ولو انا مسالتش ميسالش قعدت مره اسبوع متصلش مهتمش وفين وفين رن يطمن وقفل بدات اشك ان في حاجه مش طبيعيه سالتو مفيش والله الشغل كل ما اكلمو الشغل الشغل اخويا اتوفي عشت اصعب ايام حياتي لوحدي ولاداتي وتربيه عيالي لوحدي عملت كزا عمليه لوحدو ابني انكسر لوحدي ابني عمل عمليه لوحدي وفي يوم كس ر ت  التليفون والخط عشان ميعرفش يوصلي نهاي اسبوعين وكدا ولقيتو نازل فجاه بعد ك سر التليفون وحاول

يصلح علاقتنا وقالي تحملي لو عايزه بنت وكدا وبدات الين وفي يوم تليفونو جالو رساله وهو في الحمام فتحت تسجيل صوتي من واحده بتكلم خليجي بتلومو انو بقالو شهر مبيسالش عليها وعلي علي ابنو وبتقولو دا ابنك زي الي عندك وايه حق عليك بلاش اسال عليا اسال عليه طلع من الحمام علي ثواني ويقولي دي مرات صاحبي مش معاه تليفون وبتكلمو علي تليفوني وكلام اهبل قولتلو طيب اتصل عليها وعلي المكرفون رفض وفضل يقنعني خدت بعضي والعيال وروحت لابويا اعترف انو مجوز من سبع تمن سنين عندو طفل من سني ابني الصغير بحجه امال كنت هعيش ازاي طب وانا عشت هنا ازاي بربي واكبر واعلم بطولي ١٥سنه مليش راجل يكشف عليا يحضر معايا ولاده يشيل عيل يطاهر عيل يحضر امتحان يودي درس وعايش هناك حياتو ومستقر واتاريه مش راضي ينزل يستقر هنا المهم ابويا حكم عليه يعدل بينا وينزل مرتين تلاته في السنه انا رفضت وشوفت ان دا مش عدل اصلا وامي حكمت يخدني معاه هناك وانا رفضت بردو لاني دي اهانه ليا اروح لحد هناك لضورتي عشان اعيش هناك طب ما تجي هي وابنها ويستقرو هما هنا انا مش هسيب حياتي الي بنتها لوحدي بطولي ولعلمكم طول مده سفرو كنت عايشه في بيت العيله خدامه للكل بيما فيهم امو وابو ه وعيالو وكان ابوه وامو الي بيصرفو من الارض علينا كلنا وهو شغلو اشتري بيت وارض وميكروباص باسمو انا ١٥سنه من عمري عملت ايه

كسبت ايه هي الي هناك خدت شبابو وصحتو وحبو وحنيتو وخوفو حضر معاها كل حاجه عايش معاه وانا عشت كل الليالي بطولي لوحدي دموعي علي مخدتي بنام بدري عشان هقوم بدري اروح الغيط وهو حتي المكالمه بقي يستخصرها عشان قاعد مع التانيه وهتضايق هيسيب واحده جنبو عشان يكلم واحده في التليفون مش معقول انا معتش حياتي ولا فرحت يوم وصمممت علي الطلاق وسط رفضهم كلهم سابني متعلقه وسافر رفعت قضيه فضحتو في البلد روحت لشيوخ قعدت ناس كبيره ومسبتهوش الا لما طلق وكان قراراي يا انا وعيالي ويعيش معانا هنا لوحدنا يا يطلق وطلقت وعيالي كبار معايا وعند جدهم وجدتهم طلعت اشتغلت في مصنع كبير بطبخ للعمال سنه كامله اشتغلت  وقفتي علي رجلي شميت نفسي شويه

جالي عريس من سني منفصل مبيخلفش زي العسل راجل وفقت وعيالي معايا ومع جدهم هنا وهنا حب عيالي حنين عليهم فسحني جبلي لبس فرحني احتواني عوضني من نفس البلد وكان عارف بمعاناتي وقد ايه عشت ١٥سنه مخلصه لواحد يعني ربنا كرمني وروحت انا وهو العمره وبنحاول نخلف بنروح لدكاتره وبنشوف حل مبسوطه مرضتش بالامر الواقع مستسلمتش للظلم منو ومن اهلي ومن اهلو الي كانو شايفين اني كسرت التلاتين وخلاص الي جاي مش قد الي راح طب وهو فين الي راح انا عشت راح ولا جاي انتو حكمتو علي الي راح بس انا غيرت الي جاي ونجدت بنفسي وغيرت حياتي نصيحه اكل واحده اوعي اخلي الناس تتحكم في حياتك محدش هيعرف الي هيريحك اكتر منك خليكي شجاعه خدي قرارك ونفزيه ادين بالفضل لطليقي هو الي خلاني كدا من الي شوفتو منو ١٥سنه عايشه راجل وست هو الي خلاني اعرف اخد قرار واتحمل مسؤليتو نشفت علي الدنيا وعلي الظلم الحمد لله 😘😘😘😘😘 ما يخص المرأةوجمالها 💖💖💖💖