بيفرق في الجوازات دا قسمه ونصيب لا لا ي رب لا ي رب متبقاش احسن مني..انا مكملتش تعليم ليه كان زماني احسن منها لا لا انا احسن علي الاقل معايا بنتي وجوزي وعندي عيله..هي لا هي محدش بيجيلها هي احسن ولا انا احسن
دلالمريم مش بتاكلي ليه
مريمباكل اهو
خلصنا اكل ودخلت اوضتي بعد ما ماما اصرت ان ناريمان تنام معاها..كلهم كانوا بيحبوا ناريمان وفرحانين بيها جدا واشترولها لعب وشوكولاتات وفضلوا معاها وانا كنت مرتاحه من عياطها وزنها…
مسكت التليفون ولسه بفتحه لقيت
هشام بيتصل عليا
مريمالو
هشامالو ي حبيبتي ازيك وحشاااني اوي
مريم وانت كمان انت فين دلوقتي
هشامانا نزلت من الطيارة من ساعتين وفي الاوتيل دلوقتي..المكان وحش اوي من
غيرك كان نفسي تبقي معايا
مريموانا والله كان نفسي اسافر معاك بس انت الي مرضتش
هشاموالله ڠصب عني ي حبيبتي..بس وعد مني اول ما اخلص هاجي اخدك ونسافر اسبوعين سوا
مريمطيب ي حبيبي هسيبك ترتاح بقي
هشامخلي بالك من نفسك واقفلي الباب بالمفتاح عليكي
مريممتخفش انا روحت عند ماما..بدل ما ابقي في البيت لوحدي
هشاماي دا والله طيب كدا احسن انا كدة مطمن عليكي هرن عليكي تاني بكرة الصبح
مريمماشي ي حبيبي عايز حاجه
هشامعايز سلامتك في حفظ الله
مريممع السلامة
هشاماستني
مريماي
هشامبحبك
قفلت مع هشام وكنت فرحااانة جدا بمكالمته وادركت ان الي عملته صح واحسن انا عندي جوزي بيحبني وبنتي وعندي عيلة مش مهم التعليم الواحدة ملهاش غير جوزها وبيتها في الاخر ..
عدت الايام علي الحال دا ..كنت مرتاحه علي الاخر مكنتش بعمل حاجات
كتير في البيت..وناريمان مع ماما وبابا دوما بس كانوا بيتضايقوا بس ساعات من صريخها وعياطها..وهشام الي كان بيتصل بيا اول ما يصحي وقبل ما ينام وبيكلمني فيديو ويبعتلي صورهه هناك والايام جميلة وهادية وكل حاجه تمام !
بعد شهر
هشام اتصل بيا وقالي انه نازل مصر تلات ايام فرحت واخدت بنتي ورجعت شقتي نضفتها ورتبتها وروحتله المطار و استقبلته وكانوا احلي تلات ايام في عمري خصوصا اني وديت ناريمان عند ماما وسيبتها هناك خرجنا واتفسحنا لحد ما هو رجع تاني وانا رجعت لماما تاني
وفضلت عندها والايام حلوة لحد ما في يوم حسيت اني تعبانة ودايخه روحت للدكتور
مبرووك ي مدام..انتي حامل
مريمحامل!
