انا اختي الصغيره متجوزة بقالها ١٤ سنة بس عندها اهتمام رهيب بجوزها لسه لغايه دلوقتي وبكل تفاصيله من لبسه وشكله ومظهره تحسوه كده راجل منمق اووي وكل ده بفضل اختي طبعا يا استاذه غاده لدرجه ان جوزي لما بيشوفه كده بيبصلي ويقولي والله انا حاسس اني مش متجوز اساسا
بس اللي احنا اكتشفناه على جوز اختي هو اللي خلاني احزن على اختي واتمنى من صفحتكم ازواج لكن سعداء تردوا على مشكلة اختي وتقولوا ايه الحل مع جوزها اللي شغال مدير مطعم مشهور ويعتبر هو الكل في الكل ومع اهتمام اختي بيه راحت حوشت من مصروف البيت على ورث ابويا وجابتله عربيه بالتقسيط وكتبتها باسمه وعشان تـ,ـسدد تمنها نزلت اشتغلت وبالصدفة ابنها الصغير كان ماسك تلفون ابوه يعمل مكالمه منه زعقت معاه وقالتله انت عارف ان ابوك بيتعصب لما تمسك تلفونه واما جت اخدته بصت فيه عادي ملاقتش لا رسايل غريبه ولا شات ولا فيس الوضع تمام التمام
الواد يسكت لا اخد التلفون تاني وعمل مكالمه وداس على تسجيل المكالمه طلعت تاني زعقت ولاقت المكالمه بتتسجل فداست عشان تمسحها لاقيت مكالمات متسجله من نمر غريبه بتفتحها سمعت صوت واحده بتتكلم في الشغل عادي بس في اخر المكالمه قالتله
سلام يا حبيبي ،هي الشـ,ـك دخل قلبها فغيرت اعداد التلفون انه يسجل تلقائي وتاني يوم سمعت بلاوي بينه وبينها هي واحده شغاله ديزاين للمطعم وعلى علاقه بجوزها حكيتلي اتصرف ازاي
قولتلها شوفي نفسك واهتمي بحالك الاول وبشكلك المكعبل ده سمعت كلامي بس هو كان خلاص فلت
راحت حكت لامه واخته بهدلوه وزعقو معاه راح هو ضرب اختي وشتمها وقالها ملكيش دعوة بحياتي قالتله لا انا حبطل اشتغل ورجعلي العربيه دي بتاعتي بفلوسي قالها ملكيش حاجه عندي قامت نزلت الشارع
كسرت العربيه بوظطها على الاخر وهو مصمم يعمل محضر فيها والموضوع كبر قولولنا على صفحه ازواج لكن سعداء نتصرف ازاي خصوصا ان اخونا مسافر بره مصر وانا واختي بس وابويا وامي متوفين ولو دخلت جوزي حيبقى فيه حزازيات عشان ده عديله ،ياريت لو في محامي يقولنا ايه الحل القانوني خصوصا ان في كاميرات في الشارع جيباها وهي بتكسر العربيه
استغفرك ربي واتوب اليك
لا حول ولا قوه الا بالله العلي العظيم
اللهم صل وسلم على سيدنا محمد وعلى اله وصحبه وسلم
الحمد لله رب العالمين
