امي بتـ,ـهزق مراتي
السلام عليكم
مشكلتي اني متجوز ف بيتـ,ـ عيله بقالي 7سنين عايش ف نقار مش عارف امي بتحب مراتي ولا بتكرهها. كل شويه تعمل معاها مشاكل من غير اسباب وتشتمها بافظع الالفاظ وتشتمها بأهلها وابوها وامها اكتر من مره. ومراتي للأسف مبتعرفش تدافع عن نفسها بأي كلمه حتى ولو تقولها بلاش شتيمه. المشكله إني ف اوقات ببقى موجود وقاعد فوق وسامع اللي بيحصل بس مش بنزل علـ,ـشان عارف ان امي مش هتقدر اني نزلت وتسكت وساعتها هبقى شكلي مش كويس قدام مراتي لانها بتتهزق من امي قـ,ـدامي بدون سبب وانا مدافعتش عنها. ممكن تشتمها مثلآ ع اكله
عملتها او علشان لو حد من اخواتي الصغيرين قالولها عملولها حاجه وهي اتنرفزت عليهم. تقوم امي تزعق فيها وتهينها قدامهم وتقولها ملكيش كلام عليهم تقولها ده قل آدبه عليا وانا زعقت فيه. مع العلم اخواتي 12 و13 سنه.. المشكله من كتر كلام امي بالطريقه دي واخواتي بيسمعوها وعارفين انهم ممكن يعملو اللي هم عايزين ومراتي مش هتقدر تعملهم حاجه. بقو يزيدو اكتر واكتر.. وحاجات كتيره قـ,ـوي. المشكله دلوقتي اني مسافر بره مصر وكل شويه المشاكل تحـ,ـصل من امي. ومراتي نفسيتها بقت تحت الصفر من كتر الضغط وكل شويه صداع بسبب الضغط اللي عليها.
المشكله اني لما باجي اتكلم مع امي بتبقى مش عايزاني ادافع عن مراتي يعني آخر مره مراتي كانت بقالها ٣ شهور مراحتش عند اهلها بسبب ان امي مش راضيه ولما قالتلها روحي إديتها ميعاد ترجع فيه. كلمتني مراتي ف اليوم اللي المفروض ترجع فيه وقالتلي عايزه اقعد كمان يوم علشان الجماعه ماسكين فيا. جت امي لما رجعت بهدلتها. واتصلت عليا قالتي مراتك راحت عند اهلها وانا مكنتش راضيه وقولتلها روحي وتعالي بعد المغرب. مراتي كانت قايلالي انها كانت مديها يومين وحلفت ع كده.
المهم علشان انا طولت عليكم. الموضوع كبير قوي قوي ومش عارف اعدله ازاي ومش عارف ادخل ابويا ف الموضوع لان ابويا مبيسمعناش ولو اتكلمت معاه مش هعرف احكيله ولو فهمني ممكن يضرب امي. انا تايه ومش عارف احل الموضوع ازاي ومش عايز اعزل علشان اخواتي متجوزين ومحدش هيخدم اهلي مع العلم مراتي بتعمل اكلها لوحدها فوق ومبتاكلش تحت خالص.بتنزل الساعه 7 الصبح تفضل اليوم كله تحت تطلع تاكل وتنزل تاني. لو حد عنده حل بالله عليكم.
استغفرك ربي واتوب اليك
