السلام عليكم ورحمة الله وبركاته محتاجه نصيحه لوجه الله
انا في بيت ابويا عانيت كتير يعني تعبت اوي كان عندنا مصنع وكنت بشتغل وتعبانه اوي في الشغل وكمان ابويا وامي كان بينهم مشاكل مريبه اوي والواحد يخاف من دماغهم هما الاتنين لما يخططوا بعض
اتقدملي جماعه كويسين من محافظه تانيه بس ابنهم مسافر بقاله كام سنه وهينزل قبل الفرح بشهرين كدا انخطبت وكانت فكرت اني انخطبت لواحد بيسافر مرفوضه لاكن انا مبحبش موضوع انو يجيلي كل أسبوع ونقعد مبحبش الفكره دي انخطبت فترت خطوبتي كانت 7 شهور وتمت علي خير اتجوزت وارتحت من بيت ابويا وقرف ابويا وامي ومشاكلهم بس الأسوء من كدا طلع جوزي بشخصيته ملوش كبير يعني بيعمل اللي هوا عايزه يش.تم براحته يزعق عادي يض.ربني عادي مبيخفش من حد طبعا كنت بحكيله مشاكل ابويا وامي بعد الجواز بكام شهر بتدات اتعاير بالكلام اللي كنت بقولهوله المهم
هوا قعد كام شهر ورجع سافر قالي شهرين تلاته وهبعتلك قعدت 3 شهور في بيت ابوه طبعا تحكمات من الصغير قبل الكبير ابوه وأمه فلاحين وكنا متفقين اني مليش في الفلاحه والكلام دا وكله كان تمام سافر والكلام أتعرض عليا حاولت مره مقدرتش لما رفضت الموضوع كله شال مني ومقدرتش استحمل عنده اختين اسوء من بعض واحده بتيجي البيت علي طول هيا وعيالها كانت مكرهاني في الحياه والتانيه بتتكلم عليا من ورايا مع جوزي وبتحرضه عليا وانا كنت مفكراها طيبه وكويسه بس طلعوا اسوء من بعض ربنا تمملي علي خير وسافرت جيت كنت مرتاحه اول 3 شهور من الدوشه اللي كنت فيها بس بعد كدا لقيتني لوحدي واكتشفت انو كان بيكلم عليا حريم وبيقولوا كلام وحش اوي مع بعض عرفت انو كان بيكلم 3 كنت كل مره بواجهه كان بيض.ربني وانا في الغربه لوحدي وبلد مبعرفش اتكلم فيها بنفس اللغه ولا اعرف حد فيها اتخطيت الفطره دي وعديتها حاليا بقالي 10 شهور تعبانه نفسيا وبقا عندي توحد لسه ربنا مكرمنيش وبقالي معاه سنه و4 شهور حاليا كنا بنتكلم انو مقصر مع أهله وانه مبيبعتلهمش حاجه وهما بيتصرفوا لما بيحتاجوا حاجه ومش مخلينه شايل هم حاجه قعدت اتكلم واوضحله الفكره اللي مكبر دماغه منها اصلا قالي قعد يقول من ساعة ماجيتي وانا مبقتش شغال زي الاول وبصرف علي طلبات البيت وايجاره كذا وكذا وقعد يعا.ير فيا برغم من ساعة ماجيت وهوا عمال يعزم دا ويعزم دا وبعد ماالناس تمشي يفضل يقول مش هعرف اعمل حاجه وفيه اللي يطمر فيه واللي لا وانا بصرف كذا وبعمل كذا مبيشلنيش غير همه وبس قالي هنزلك وانزلي عيشي معاهم وانا هجيلك كل سنه مره زي باقي الناس وعيشي زي ماهما عايشين وانا معنديش مشكله بس انا ناعيه هم القرف اللي اخواته كانوا معيشيني فيه
وعايزه اقعد لوحدي علشان انا والله نفسيتي تعبانه ومش مرتاحه اما فكرة الطلاق صعبه جدا ومحدش هيكون معايا حتي ابويا اللي اقرب حد ليا بيقولي عيشي زي مالناس عايشه
عيزاكم تنصحوني اعمل اي لما انزل واخد قراري ازاي صح عايزاكم تعرفوني اعيش في حالي ازاي انا لسه 19 سنه بس جالي القولون العصبي وعندي حاله نفسيه لما بزهق برتعش جسمي بيرتعش لوحده ومش ببقي عارفه انا مالي حاسه اني عندي الضغط انا تعبت في سن صغير وخايفه اوصل للسكر في السن دا انصحوني لوجه الله
#baraka_بركة
