في محـ،ـاضرة لمعـ،ـالجـ،ـة العـ،ـلاقات الز.و.جية يحضرها رجال و نساء ..
وقف المحاضر بيسأل لو انت كزوج زعـ،ـلـ،ـت مـ،ـراتك تصالحها و تسترضيها ازاي؟؟؟؟
كل راجل جاوب اجابة من دول :
1) اتكلم معاها و اشرحلها وجهة نظري و اقولها حقك علي انت صح .
2) افكرها بالايام الحلوة اللي بيننا و اراضيها و اقولها اني بحبها و ما اقدرش استغنى عنها .
3) اغني لها الاغنية بتاعتنا و اروح استناها قدام شغلها و في ايدي ورد و اخدها اليوم دة اغديها برة و اكـ،ـسـ،ـر روتين حياتنا عشان تحس اني سايب الدنيا عشانها .
4) اعملها زي شباب اليومين دول و اقف اغنيلها و ابعت لها رسايل حب و احضر مفـ،ـاجأة كبيرة لها و اصورها و انزلها عالفيس بوك عشان تلم likes بالهـ،ـبل و تبقى مبسوطة .
المحاضر قرا كل الاجابات وسط تنهدات السيدات و ابتسامات الرجال لغاية ما وصل لرجل في الثلاثينات من عمره و لقى ورقته فاضية ما كتبش حاجة!!!!
المحاضر سأله قاله ما جاوبتش ليه؟؟؟؟ مش ناوي تصالح مراتك لو زعلتها؟؟؟؟ .. طبعا جملة زي دي خلت كل الموجودين مترقبين .. الرجالة خايفة انه يقول حاسيبها تنفلق و هم كدة يطلعوا رومانسيين و حبيبة .. و الستات مترقبة عشان لو غلـ،ـط في مراته ياكـ،ـلوه مع انهم ما يعرفوهاش،،،،
بعد لحظات صمت الشاب اتنهد و قال للمحاضر ( تعرف حضرتك انا بحب مراتي اوي اوي لكن عمري ما عرفت اصالحها) طبعا الاجابة لم تلاقي استحسان الحاضرين و ابتدى الغمز و اللمز حتى المحاضر بدا يتافف و يستعد للسؤال المتوقع و عايز يقوله امال انت جاي ليه!!!!!!! وقبل ما يسأل بدا الشاب يتكلم تانى ويقول :
انا مراتي قبل ما اتجوزها كانت حلم جميل باحلم اوصله و يوم لما فاتحتها في الارتباط و ابتدت تديني امل كنت حاسس اني ملكت الدنيا .. و يوم خطوبتنا كان قلبي حيقف من السعادة و حاسس اني باحلم .. و يوم الفرح و انا ماسكها و بارقص بيها كنت شايفها اجمل ست في الكون و ان كل اللي حواليا حاسدني عليها و على حبها لي… لغاية بعد الجواز بكام شهر كنا بنختلف كتير و نغضب كتير بس كانت هي بتستحمل و تصبر و تسامح لغاية ما خذلتها و اتخليت عنها مرة .. و كانت اول مرة تثور علي لانها حست بعد..م الامان و ابتدت تتغير معايا بقت عنيفة عصبية ردودها مش حنينة بقت بتنجح في شغلها عشان تعوض احساسها بالفشل في حياتنا ..
لغاية ما مرة قالتلي انا مش شايفاك و انت مش فارق معايا .. صهينت و طيبت خاطرها بكلمتين و سيبتها تهدي…. بعدها بمدة مش كبيرة حصلت مشكلة كبيرة .. و مراتي اللي كانت واثقة في خذلتها للمرة التانية بس المرة دي هى ما ثارتش و ما قالتش لحد وبطلت تتكلم و تحكيلي حاجة بقى التعامل بيننا في الحاجات اللي تخص ولادنا بس و ابتدت تبعد……
انا بصراحة قلت طالما في البيت و الاولاد كويسين يبقى فترة و تعدي ..
و صحيت بعدها باسبوع على احزن يوم في حياتي .. مراتي ما بتردش علي و ساقعة متلجة….. ماتت و هي نايمةجنبي و ما حسيتش بيها زي ما كانت عايشة معايا و ما حسيتش بيها و لا فهمتها…. ماتت و هي نفسها تعمل حاجات كتير انا مش عارفها….
انا اما شوفت صحاب و زمايل مراتي في العزا و حزنهم عليها و الكلام الحلو اللي بيتقال عليها حسيت قد ايه انا عشت غافل عن نعمة كبيرة كانت معايا….. انسانة كانت تتمنالي الرضا ارضى بس انا خذلتها .. انسانة كان نفسها تعمل كل حاجة معايا بس انا سيبتها لوحدها…. واحدة كانت بتحبني و بتحب اهلي بس كنت اناني ما حبيتش غير نفسي و شكلي و بس. …..
عرفتوا ليه ما عرفتش اجاوب لاني لو كنت تعبت نفسي و فكرت ايه اللي يرضيها و عملته يمكن ما كانتش اتقهـ،ـرت يمكن ما كنتش اكتئبت و خبت على الناس كلها انها مش سعيدة معايا…. لو بس كنت فهمتها ..
انت عارف انا جاي هنا ليه ؟ لان هي ياما اتحايلت علي نيجي هنا عشان نقرب من بعض….. لو رجعتلي تاني هاتعرف عليها و اعرف تفاصيل حياتها عشان اعرف اسعدها…. مش حاضحك لما الاقيها بتتفرج على king kong و بتعيط .. او ازهـ،ـق و هي بتشوف (تيمور و شفيقة) للمرة المليون .. و هاخليها تشغل الاغاني اللي بتحبها و ترقص عليها من غير ما اقولها ايه الهـ،ـبل ده ….. حعملها كل اللي نفسها فيه بس هي ترجع تاني) .
لمحاضر سكت و كل اللي قاعدين اتاثروا .. فيه منهم د.موعه غلبته و فيهم اللي صوت بكاها كان مسموع…. وقف المحاضر و قالهم دي اجابة سؤال النهاردة .. لما تزعل مراتك صالحها بالطريقة اللي هى بتفهمها و بتحبها حتى لو انت شايفها طريقة تافـ،ـهة بس هي حتشوفها منك اهتمام…. صالحها و ما تطنشش نظرة الحزن اللي في عينها طالما شايفها بتتكلم و مش عاملة نكـ،ـد…..
خليك زوج ذكي و اوعى تفقد ثقة مراتك لان الست لما تفقـ،ـد ثقتها في جوزها بينزل من نظرها و بتحس انها ضيـ،ـعت عمرها مع الشخص الغلـ،ـط بالنسبة لها…..
خليك ذكي .
يستحق الشير .. يمكن يفرق فى حياة اتنين غاليين
