بقالي سنتين متجوزه وربنا يسامحني باخد حبوب منع حمل
لاني اكتشفت حاجه ف جوزي مش متحملاها وعاوزه اتطلق وكل الناس شايفني ست مفتريه
جوزى متيسر ماديا بيجيب كل حاجه محتاجها البيت
ولبس وبرفان و و و
بس كل حاجه علي مزاجه
بمعنى بيشترى الاكل اللي بيحبه ولو انا طلبت اي حاجه بحبها او حتي هو بيحبها يرفض لانه عنده مرض اسمه انا مطلبش ولازم اسقف ولولولولولي لما يدخل عليا مثلا بدكر بط حتي لو مبحبش البط
ويقولي الظروف وانا مش معايا لكن معاه يجيب فسدق
ومره البيت ولىع علي كيس عدس اصفر
وماما بقت تقولي خدى مني اشترى اقولها لا انا بتكلم في المبدأ
يجيبلي اللبس اللي علي مزاجه
راح جاب شيلان وانا مابلبسش شلان ولما قولت طب نرجعهم
بقيت قليله الزوق ولما قولتله هديهم لماما ف عيد الام خدهم رجعهم وخد فلوسهم
مباخدش جنيه في ايدى
ممكن يصرف ١٠٠٠ في مياه معدنيه ومعطرات ولو قولتله هات باكو مناديل يرفض حد جرب شخصيه كده؟
انا انهارده اتضىربت علقه بسبب ان عاوزه السمك مشوى وهو بيقولي اقليه
اقوله طب هشوى لنفسي يقولي لا مبحبش الدخانه
طب هشويه بره ده الشوى رخيص يقولي لا
عارفه اني استاهل الضىرب علشان صوتي ارتفع وفضلت اصرخ قولتله هو كل حاجه لا لا
انا عاوزه اتطلق وبابا وماما عماليين يقولولي هتفضىحينا في العيله ولما اهلي اتدخلوا وكلموه
قالهم دى نور عنيا وحاضر ولما قفل الفون قالي رايحه تشتكيني طيب والله ما هجيب الا اللي علي مزاجي انا مديون قولتله و الدين ده مش بتفتكره وانت بتجيب علب المارلبورو والسنيهات
اهلي شايفني تافهه وصحابي شايفين اني احمد ربنا هو في عرسان، كله باصص للعربيه والمظاهر مش عارفين انه اناني ودكتاتور
وكل ما اكلمه ف وقت هادي يصوت ويقولي اجيبلك منين
انا مديون
اقول له مديون علشان شوى سمك؟مديون علشان عدس؟
عارفه اني عماله ارغي لاني حاسه اني مش عارفه اوصل وجعي
حاجه اخيره
هو بقي مايتقبلش مني كلمه لا او مش قادره يعني بيشرب بال٩ وال١٠ كبايه شاي فاليوم مثلا
ويحب الكرشه والمنبار والمحشي
ولو في يوم قولت مش قادره
يفضل يززززززززززن
ولو صممت بيخا٧صم ويبقي يوم زفت منا بني ادمه برده
وممكن ف يوم اقول تعبانه انا تعبت
لا حول ولا قوه الا بالله العلي العظيم
