انا شاب عندي 36 سنة متزوج من 5 سنين جارتي وحبيبتي من واحنا صغيرين .. قبل زواجنا امي كانت كويسة جدا معاها وبتحبها بعد الزواج الوضع اختلف تماما والمعاملة بقت سي،،ئة جدا من ناحية امي .. زوجتي كانت بتسكت وتحاول تحتويها ومكنتش بتشتكيلي ابدا فضلنا ع الوضع اول 6 شهور من جوازنا وفي الاخر قررت العلاقات تبقي رسمية تجنبا للمشاكل بس حصل ظروف عند امي واضطرت تيجي تقعد عندي هي واخواتي البنات فترة مؤقتة في الوقت ده مراتي كانت حامل في شهورها الأولي
بس الحق يتقال والله شهادة هتحاسب عليها قدام ربنا يوم القيامة كانت شايلاهم فوق دماغها واحسن معاملة بس كنت بلاحظ دايما أنهم برده مش عاجبهم وبيعاملوها وحش اتكلمت معاهم من غير ما تعرف عشان يحسنو شوية من اسلوبهم ومفيش فايدة وبعدين قولت خلاص فترة وهتعدي ويرجعو بيتهم .. وياريتني ماكنت اتخاذلت وسكت ع الوضع
رجعت في يوم من شغلي سمعت صوت ض،،رب وص،،ريخ هستيري دخلت جري لقيت اخواتي البنات الاتنين مكتف،،ين مراتي وامي الله يسامحها ماسكة حد،،يدة نازلة بيها ض،،رب علي بطنها اول ما شافوني اتصد،،مو وسكتو ولسة امي هتتكلم مسمعتش منها وخدت مراتي وجريت بيها ع المستشفي لأنها كانت غارق،،انة في دم،،ها وهناك عرفنا طبعا أن الحمل نزل وياريتها جت علي كده حصلها مض،،اعفات ومشاكل في الرحم ون،،زيف والدكاترة اضطرو يعملولها است،،ئصال لل،،رحم عشان ينقذوها ..
انا طبعا اتص،،دمت وانها،،رت ومبقتش قادر اواجه امي واخواتي ولا ابصلهم حتي مراتي لما فاقت جالها انه،،يار عصبي لما عرفت اللي حصل وكانت مصممة ع الطلاق بس انا مرضيتش وقولتلها اللي يرضيكي انا هعمله بس غير الط،،لاق سكتت ومردتش عليا وفضلنا ع الحال ده فترة كبيرة مبتكلمنيش ولا بتسمعني لحد ما قررت اخدها ونسافر بره مصر وقطعت علاقتي بامي واخواتي نهائي رغم كل محاولات الصلح بس كان غصب عني مكنتش قادر ..
انا معرفش ايه اللي حصل ووصلهم لكده بس اللي واثق منه أن مراتي معملتش حاجة تستاهل اللي حصلها ده وحتي لو عملت حاجة ازاي امي قدرت تعمل كده ازاي قدرت تموت ابني ذنبها ايه مراتي تتحرم انها تبقي ام بقيت عمرها وهي لسة صغيرة في عز شبابها قلبي بيت،،قطع عليها لما الاقيها واقفة قدام المرايا تبص علي اثر الجرح في بطنها اللي بيفكرها دايما باللي حصل وأنها مش هتبقي ام تاني طول الخمس سنين دول حاولو كتير يكلموني واعتذرو كتير بس مقدرتش اكلمهم اخواتي الاتنين اتجوزو وانا برده مكلمتش حد فيهم ومعرفش حتي اتجوزو مين من حوالي سنة ابتديت اكلم امي بس مجرد سلامات بس مش اكتر بعد ما ناس كبار من العيلة اتدخلو
مراتي طول الوقت معتقدة اني هتجوز غيرها عشان اخلف وانا والله العظيم بحبها بعشقها واستحالة اعمل كده ولا ابدلها باطفال العالم كله هي فاكرة اني بقول كده عشان حاسس بالذنب
بس والله ابدا دي اغلي من حياتي مقدرش ابعد عنها
احنا حاليا هنرجع مصر انا مش قادر اقابل امي واخواتي ولا قادر ابصلهم ولا عارف هتعامل معاهم ازاي
وفي نفس الوقت خايف اكون بشيل ذنب اني مقاطع،،هم بس كل ما افتكر المنظر اللي شوفته غصب عني قلبي بيقسي عليهم
عذرا ع الإطالة
٭٭٭┄┄┅✦╭#هدوء_النفسـ╮✧┅┄┄٭٭
