الصورة ديه تم إلتقاتها سنة ١٨٧٧ لأختين من مدينة مانشستر الإنجليزية كل واحدة فيهم شايلة ابنها وكان يوم عيد ميلاد واحد فيهم ، ايامها كان التصوير الفوتوغرافي لسه اختراع جديد وعملية استخراج الصور من الكاميرا كانت مـ,ـعقدة جدا لأن كان بيتحط الفيلم على لوح نحاس وبيتم تعرضه لضوء شديد وتفاصيل كتير عشان يقدر المصور يستخرج الصور ، المرعب بقي هو الشخص الي ظهر في الصورة داه، دمـ,ـاغه لتحت ورجله لفوق كأنه متعلق ..
الشخص دا مكانش موجود وقت التقاط الصورة ولا حد كان قادر يفسر سبب ظهوره خصوصا كمان ان وشه عبارة عن سواد مش باين منه أي ملامح عشان نقول انه انسان طبيعي زينا .. المصور ساعتها اما عرض الصورة على الستات ديه استغربوا من الي شايفينه بس ساعتها الكل اعتقد ان دا خلل في تقنية التصوير محدش كان متصور ان الي ظاهر في الصورة دا “جن”
لأن دا مكانش اخر ظهور ليه بنفس الوضـ,ـعية ، بعدها بفترة قصيرة بدأ يحصل لكل واحدة فيهم احداث غريبة بالتزامن في نفس الوقت ومنها ظهور الكائن الي في الصورة في الحمام دايما متعلق بنفس الطريقة واما كانوا بيحكوا لبعض اكتشفوا ان الوقت الي بيتشاف فيه الكائن من واحدة فيهم بيكون هو نفس الوقت الي التانية شافته ، بس الغريب هنا هو اصلا ان كل واحدة فيهم كانت بتدخل الحمام في نفس الوقت الي التانية كانت بتدخله عشان يتشافف فيها المنظر المرعب داه فا هل كان فيه حاجة بتوسوس ليهم انهم يدخلوا الحمام في نفس اللحظة وليه كان لازم يشوفوه بردو في نفس اللحظة .. كل دي اسئلة مكانش ليها تفسير ..
قرروا الاختين انهم يعزلوا من البيت على اعتقاد منهم انهم كده هيهـ,ـربوا من الشبح الي بيطاردهم على حسب تفسيرهم ان دا شبح بس للأسف حتي مع تغيير المكان فضل يظهر في الحمـ,ـام بنفس الوضعية ديه ، طبعا الموضوع كان مسبب ليهم حالة من الذعر والخوف لدرجة ان واحدة فيهم وهي الاخت الكبيرة اصيبت بحالة عصبية كانت بتوصل انها تقطع شعرها ب إيديها.
الموضوع موقفش لحد هنا ،لأن الحمام يعتبر بقي بيت رعـ,ـب بيخـ,ـافوا يدخلوه لدرجة انهم قفلوه بمفتاح ومحدش بقي يقرب منه على اعتقاد بردو انهم كده بيهربوا من الشبح .. بس تقريبا دي كانت بداية اللعنة الحقيقية
لأن الي حصل بره الحـ,ـمام اصعب من الي شافوه جواه والأحداث ديه بردو كانت بتظهر ليهم هما الاتنين بالتزامن في نفس الوقت..
بتحكي واحدة فيهم انها كانت بتشوف دم بينشع من الحيطة في كل شبر فيها لدرجة انه كان بيسيل على الارض والمكان كله حواليها بيبقي لونه احمر ، كانت بتفضل تصرخ وتعيط وتلاقي بعدها الشبح دا ظهر من العدم في نص الاوضة الي بتكون فيها ومكانش بيختفي غير اما تفقد وعيها او يغم عليها و الأخت التانية بردو كانت بتشوف نفس المشهد في نفس الوقت في شقتها
تغيير مكان السكن مش هو الحل دلوقتي لأنه اتغير قبل كده ولقوه بردو في الشقة الجديدة.. بس فاكرين الصورة الي كان فيه الطفلين الصغيرين و الشبح ظاهر فيها
نفس الصورة كانت متعلقة على الحيطة بس المره ديه كان متعلق فيها الطفلين الصغيرين ، الأختين قاعدين و وراهم ولادهم متعلقين من رجليهم لكن بملامح وش مخيفة للأطفال .. بيتقال ان الأطفال من بعد الواقعة ديه اختفت وان الي خطفهم هو الشبح لمكان تحت الأرض، لحد وقتنا هذا مفيش اي حد قدر يكتشف او يفسر اختفوا ازاي ولا راحوا فين .. لكن انتهي المطاف بالأختين في مستشفي الأمراض العصبية من وهل الأحداث الي شافوها واختفاء ولادهم لحد ما اتوفوا في المستشفي .. وتفضل الحادثة ديه متسجلة على انها اكتر الحوادث رعب في التاريخ الي محدش لقي ليها تفسير .
#يحدث_ليلاً
#محمد_المغربي
