السلام عليكم ورحمه الله وبركاته اتمنى من صفحتكم الموقرة ازواج لكن سعداء تنشروه مشكلتي وحشوف تعليقات المتابعين المحترمين اللي عندكم
انا ف مشكله كبيره اوي و محتاجه حل انا اختي الصغيره كلمتني من كام يوم و قالتلي أن جوزها ضر*بها و حصل بينهم مشكله كبيره اوي و نزل و سابها هي وعيالها من غير اكل ومن غير ولا مليم … ف انا اتضـ،ـايقت بصراحه ازاي يعني يمد ايده عليها المهم قلتلها انا هجيلك و لمي هدومك انتي و العيال علي م اجي و خدتلي بتاع ساعه فالطريق عشان هي بعيده شويه و اول م وصلت لقيتها لسه ملمتش كل حاجه ف لميت معاها علي قد م اقدر و خلاص ماشين لقيت جوزها بيفتح باب الشقه و دخل ف شافني و المفروض انا ف مقام اخته الكبيره لأن فرق السن بينا كبير ف بقوله عيب اللي حصل ده و انا هاخدها اوديها عند ماما و كلامك معاهم فالبيت لقيت ده بيقولي والله لو اتحركتو من هنا ل هيكون اخر يوم ليكو و قفل باب الشقه و خد المفتاح معاه و طلع سكينتين و حطهم علي ترابيزه الصالون عشان يعني يخوفني .. ف انا بصراحه كنت قلقانه بس انا قلبي جامد رحت قلتله هات المفتاح و قربت منه عشان أشد المفتاح راح مكتفني من ايدي و رفع أيده و….. يتبع
ارجوكي يا استاذه غاده ممكن تبعتيلي الردود على صفحة ازواج لكن سعداء
وقام ضـ،ـربني قلم على وشي ودني ساعتها اطرشت ومبقتش سامعه حاجه قومت انا رفعت الفازة اللي كانت على السفرة وكنت حديله على دماغه لاقيت اختي مسكتني من ايدي وقالتلي معلش ياختي مضيعيش نفسك على واحد ميستاهلش واخدني وقعدنا في اوضه النوم وقفلنا علينا الباب انا حسيت الموضوع ممكن يروح في سكه بعيده.
قومت متصلة بجوزي وحكيتله على اللي حصل وانه قافل الشقه علينا لاقيت جوزي مفيش ساعه جايب البوليس معاه وجه عشان يخرجني من الشقه وهنا بقى وقفت عشان اخد اختي وعيالها بس الظابط قالي لا مقدرش ادخل اخد اختك من جوه لكن انتي بس اللي تخرجي خرجنا وروحنا عملنا محضر فيه وبالوسايط وصلناها لوكيل النيابه بس بردو قالنا دي خـ،ـ،ـلافات زوجيه مقدرش ادخل بينهم مش حدخل غير لما جوز اختك يأذيها او الشروع في قـ،ـ،ـتل غير كده غير مسموح فضل اتحايل عليه لغايه ما قلنا خلاص انا حعمل مكالمه لاختك واشوف ردها وهنا كانت الصدمه ان اختي كدبتني وقالت مفيش مشاكل بيني وبين جوزي قوليولي من خلال صفحتكم ازواج لكن سعداء اقطع علاقتي ب اختي ذي ما جوزي قايلي ولا اكلمها واعرفها غلطها ولا اعمل ايه
