السلام عليكم
لو سمحتى من غير اسم انا دلوقتى متجوز من 3سنين وربنا رزقني بتوأم ومراتى عندها 24سنة لسة صغيرة وكمان هى ضعيفة شوية .يعنى بعد الولادة اتحجزت فالعناية شوية لحد مابقت كويسة .
دلوقتى الاولاد عندهم 4شهور بس تربيتهم صعبة انا عارف وتقريبا طول الليل صاحية دايما واحد يبطل عياط التانى يشتغل .المشكلة دلوقتى أن انا روحت من يومين كدا لقيتها مغم عليها فالارض والولاد بتصر٠٠خ وبعد ماالدكتور كشف عليها قالى عندها انيميا وحرام عليك كدا ولازم رعاية وكمان هى بترضع طبيعى .فجة باباها لما عرف بعت واحدة تساعدها فشغل البيت والأولاد وقال ملكش دعوة بيها انا ال هديها مرتبها .جت والدتى لما لقت الست دى فالبيت اتخا٠٠نقت معايا وانت مد٠٠لع مراتك
وهى مسـ,,ــيطرة عليك بدل ماتجبلى انا واحدة تساعدنى رايح تجبها للمعدولة بتاعتك وحاولت كتير افهمها أن باباها ال جايبها مش انا .بس هى مش مقتنعة وقالتلى خلاص جبلى واحدة انا كمان وهى ماشاء الله صحتها كويسة مش محتاجة.فدلوقتى قولولى الحل لان ابو مراتى قالى لو الست مشت هاخد بنتى تقعد عندى لأنها بنتو الوحيدة .فعاوز حل من غير مشاكل
من أهم معايير الاختيار فى الزواج :
” اختيار النسب الصالح ”
لأن النسب ليه دور كبير فى استقرار حياتك الزوجية أو هدمها .. و ليه دور فى المشاكل الزوجية ، و ليه دور في تقويم الطرف المخطىء .. و ليه دور فى تربية أولادكم وزرع المبادىء فيهم
متركزش في اختيار شريك حياتك بس، ركز في النسب دى نقطة مهمة جداً بيغفل عنها أغلب المقبلين على الزواج ..ميعرفوش إن في نسب بيكون مؤذى .. ممكن يخرب ويهدم أسرة ويأذى الأطفال
عشان كده لازم تختار الناس الطيبين ، أهل الدين والاستقامة، الناس اللي وقت ما تختلف معاهم يصونوا العشرة ويحفظوا الود، ولو ليك حق عندهم يجيلك من غير ماتسأل عليه.
ركز فى اختيارك جدًا لأنك مش هتتجوز فرد أنت هتتجوز منظومة كاملة بمبادئها وثقافتها وطباعها، ولازم تكون مرتاح فى المنظومة كلها و إلا هتتعب جدًا بعد كده.
ركز فى اختيارك جدًا لأنك مش هتتجوز فرد أنت هتتجوز منظومة كاملة بمبادئها وثقافتها وطباعها، ولازم تكون مرتاح فى المنظومة كلها و إلا هتتعب جدًا بعد كده
ولا حول ولاقوة الابالله العلي العظيم
سبحان الله بحمده سبحان الله العظيم
اللهم صل وسلم وبارك على سيدنا محمد ولا على آله وصحبة وسلم
