منك لله

انا في موقف صعب ومش عارفه احله ازاي والاصعب ان مشكلتي بتمس شرفي ،وفعلا المثل اللي بيقول مفيش دخان من غير نار ،بس انا مش عارفه اعمل ايه بالله عليكي حلولي مشكلتي ،انا بتابع صفحتك استاذه غاده ( ازواج لكن سعداء) ومحتاجه حل منكم

انا متزوجه راجل غليظ القلب والمشاعر قالولي عشان هو طبيب جراح فمشاعره جامده ،بس مش لدرجه القسوة والاذية ،اتجوزنا من عشرين سنه ومعانا تلات اولاد وصلت معاه لمرحله اننا منفصلين كل واحد عايش في اوضه بعيد عن التاني كل اللي بعمله اني اعمل الاكل وبراعي عيالي والبيت وبس مش بتعامل معاه نهائي وحتى الماديات فعيالي هم اللي بياخدوا منه المصروف والفلوس ويدوهالي وبقالي على

الموضوع ده اربع سنين ورضيت والله ذي ما بيقولوا عشت عشان اولادي ، عرفت بالصدفة انه اتجوز والله ما اتكلمت قولت ربنا يسهله بعيد عني ومشغلتش بالي ،بس اللي حصل بعد كده دمرني لما لاقيته وانا قاعده في البيت لوحدي دخل اتهجم عليه واصر على انه يعمل علاقه معايا وهو اصلا ملمسنيش من اربع سنين حاولت ابعده عني ،عارفه اني لسه على ذمته بس مينفعش بعد القطيعة دي يجي يهجم عليه كده ايه افتكرني فجأة ساعتها ،بس الاغرب انه بعد ما خلص لاقيته بيقولي متخافيش انا مش حعرف حد باللي حصل ،

قولتله ليه هو انت بتعمل حاجه حرام انا لسه مراتك قالي لا عشان انتي متتكسفيش وتزعلي الصراحه انا مفهمتش كلامه ،بس بعد كام شهر عرفت اني حامل ولما جيت اقوله لاقيته بيصدمني بيقولي حامل من مين ،انا لاقيت نفسي بصوت وعيط وهو ولا الهوا وعمال يعلي صوته انتي حامل من مين انا مجتش جنبك من اربع سنين لما عيالي سمعوه واتصدموا لانهم عارفين اننا منفصلين بس عايشين في نفس البيت ،لاقيت بينتي بتقولي ايه الكلام ده يا ماما قولتلها ابوكم كداب وحكيت اللي حصل ،بس الاولاد من نظراتهم مستغربين طبعا قولتله منك لله وكده او

كده انا احلل وحيبان ان الحمل ده منك ،بس المشكلة في السمعه وياريته سكت ده ماشي وسط العيله عمال يقول كده وانا مش عارفه هو بيعمل كده ليه ،انا كده كده حاطلق منه بس سمعتي قدام اولادي واهلي اعمل فيها ايه ،وطبعا كل ده اكيد دماغه ودماغ الممرضه اللي اتجوزها قولولي ايه الخطوات اللي اعملها وخصوصا اني حامل ومفيش طلاق دلوقتي ،وياريت حد ينصحني في التعليقات في صفحتكم الكريمة (#ازواج لكن سعداء ) ويفسرلي هو عمل كده ليه وناوي على ايه