ياريت حد يساعدني في مشكلتي دي لاني مفرحتش بولاده بنتي اللي جايه بعد 6 سنين صبر و لف ع الدكاتره وكم العمليا.ت
دلوقت انا فضلت 6 سنين محرومه من نعمه الامومه و الله كل مليم كان بيدخل جيبنا وسلف كمان كان بيروح ع الدكاتره لحد ما ربنا جبر بخاطري وكرمني ب بنت
حماتي واخوات جوزي من ساعه ما عرفوا و مصممين يسموها ( زينب ) ع عيني و ع راسي الاسم جميل بس قديم والله ومش حابه اسم بنتي كده
محدش دخل اوضة العمليات 12 مره غيري ولا طلع ع الطرق للدكاتره ف عز البرد غيري
لما اعترضت جوزي زعل طبعآ
ولما اتكلمت معاه بكل هدوء تقبل
حماتي بقي قولتلها الاسم جميل و ع راسي و كفايه ان اسم حضرتك بس كل زمن لة اسمه و كفايه زينب واحده ف البيت و دي أول فرحتي نفسي اسميها
اسم جديد يعوض قلبي
حلفت عليا ما تطلع ورايا وقت الولاده
بناتها نفس الكلام
كنت رايحه أولد بطولي انا وجوزي وماما
ومحدش فيهم راح معانا حتي
جيت ع شقتي و قعدت يوم واتنين واسبوع بالظبط محدش فيهم طلع ليا خليت جوزي يجيب تورتايه و اخدنا البنت و التورتة و نزلنا ليها اراضيها
حلفت ما تشيلها ولا تبص ف وشها وقالتلي نصيآ كده ( انتي نازله عشان اديها حلق ولا خاتم ف اقسم بالله ما هتشوفوا مني حاجه ) انا استغربت و خليت جوزي ينسدني وشال البنت وطلعت
جوزي طلع متغير مبيكلمنيش مش مديني وش
ومعاملته معايا اتغيرت جدا
بياكل تحت و بينام تحت بيطلع ليا انا وماما ربع ساعة مبوز و ماشي
المفروض اني اتعامل معاهم ازاي
هو دي فرحتي ولا فرحتهم بيا
اللهم إنا نسألك زيادة في الأيمان وبركة في العمر وصحة في الجسـ،ـد وسعة في الرزق وتوبة قبل المـ،ـوت وشهادة عند المـ،ـوت ومغفرة بعد المـ،ـوت وعفواً عند الحساب وأماناً من العـ،ـذاب ونصيباً من الجنة وارزقنا النظر إلى وجهك الكريم، اللهم ارحم مـ،ـوتانا ومـ،ـوتى المسلمين واشفي مرضانا ومرضا المسلمين
اللهم اغفر للمسلمين والمسلمات والمؤمنين والمؤمنات الأحياء منهم والأمـ،ـوات. اللهم من اعتز بك فلن يذ،ل ومن اهتدى بك فلن يضل ومن استكثر بك فلن يقل ومن استقوى بك فلن يضعف ومن استغنى بك فلن يفتقر ومن استنصر بك فلن يخذل ومن استعان بك فلن يغلب ومن توكل عليك فلن يخيب ومن جعلك ملاذه فلن يضيع ومن اعتصم بك فقد هدي إلى صراط مستقيم اللهم فكن لنا وليا ونصيرا وكن لنا معينا ومجيرا إنك كنت بنا بصيرا.
