انا عاوز الكل يسمع مشكلتى ويدعيلى وينصحنى ويتعظ منى انا رجل عمرى ٣٧ سنه مغترب فى الإمارات ميسور الحال لدى من الأولاد ٣ بنات وولد والولد عمره سته شهور واكبر بناتى فى تالته ابتدائى
طىلقت مراتى من ٦٤ يوم حاسبهىم بالوقت والدقيقة والثانيه بعد ما رفعت عليا قواضى وكانت مصممه على الطلاق بعت توكيل لعمى وخلص إجراءات الطلاىق واخدت حقوقها كامله وزياده كمان وكل شهر ببعت مصروف اولادي ١٥ ألف جنيه من يوم ما طلقىىتها وانا مش بنام وانا مىىيت وروحى طالعه منى محدش حاسس بيا حتى أهلى اللى كان مقوينى عليها وعرفونى ان ده القرار الصح بعد ما رفعت عليا قواضى وكبروا الموضوع فى دماغى اخواتى البنات اللى علطول كل مكالمه كانو يزعقولى انها لسه على ذمتى كل واحده دلوقتي عايشه حياتها مع جوزها ومعاها ولادها وانا اتحرمت من ولادى
ولادى اللى كنت كل ساعتين معاهم فديو دلوقتى معرفش عنهم حاجه بيأكلوا يشربوا جعانين حاسين بايه معرفش عنهم حاجه
بنتى الكبيره قالتلى متكلمنيش تانى احنا ربنا معانا مش عاوزينك بعد ما كانت روحها فيا ابنى الصغير اللي كنت نزلت يوم ولادته وقعدت اسبوع واحد بس وعملتله عقيقه وكنت طاير من الفرحه ان ربنا كرمنى بولد اتحرمت منه علشان العند اتىىحرمت منه علشان سمعت لاهلى اتحرمت منه علشان سمحت ليهم يدخلون بالقدر الكافى فى حياتى
اه نعم مراتى اقصد طلقىىتى مكنتش ملاك كان لسانها طويل بس كانت حنينه كانت بتحس بيا اه كانت بتشتم وتدعى بس ده وقت العىىصبيه بس وقت الخىىناق لما اخواتى يدخلون بينا كانت بتعيط كتير اخر فتره وانا مهتمتش وقولت سبها تتربى كنت بتركها باليومين مكلمهاش واكلم الولاد وهى لا
كنت تارك اخواتى يقووني عليها ومصدقهم ومكنتش بجيبلها حقها منهم
كانت تحىكيلى وكنت بسكت اقول دول اخواتى مش هزعلهم رغم ان تصرفاتهم تحرق الدم بس بخىىاف على أمى لانها فى صفهم
مراتى فضلت تخزن تخزن لغايه اخر خىىناقه وسببها أمى ومشيت واخدت العيال ورفعت عليا قواضى وصممت على الطلىىاق ومن يومها مسمعتش صوتها هى موجوده على الصفحه وممكن تشوف الرساله حقك عليا حقك عليا فى كل مره نمتى زعلاىىنه ومرضتكيش كل مره اخواتى غلطوا فيكى ومجبتش حقك خوفا منهم ومن كلامهم حقك عليا انى ضيعتك من ايدى انا بىىموت والله من غيركوا انا بقيت وحيد زى ما قولتيلى كل ما افكر انك ما بقتيش مراتى ولا بتاعتى ابقى عاوز ان..تح..ر. خايىىف حد غيرى ياخدك منى العمر فيه كام ساعه علشان ادور على واحده غيرك واتجوز واعمل عيله تانى عمالين يدورلى على عرايس علشان يقىىهوروكىى ميعرفوش انك بقيتى اقوى لما بعدتى تعالى نرجع ونتصالح افتكريلى اى حاجه حلوه علشان خاطر بناتنا ابننا اللى فضلنا ندعى ان ربنا يرزقنا بيه أول ما يجى نبعد عن بعض تعالى نلم شملنا تانى واوعدك هكون لبيتى ولعيالى وليكى وبس ومش هسمع لكلام حد بس تيجى وتنورى البيت انتى والعيال هنزل اجازه لمين وادخل البيت ازاى وانتى مش فيه او اتجوز غيرك ازاى واجبها شقتك
انا آسف الف مره انا خىىايف اموت وانتى مش مراتى يالا نرجع ونتصالح والله ما حبيت غيرك بحبك بنكدك ولسانك الطويل وزهقك وعنادك يالا نرجع بقى منضىيعش وقت واحنا بعيد عن بعض ينعل ابو العناد اللى وصلنا لهنا
محدش يسمع لاهله فى خراب البيوت اهلك لو بيحبوك حتى لو مراتك وحىشه هيىخافوا على خىىراب بيتك امك وابوك مش علشان بيكرهوا مراتك علشان خاطر بناتهم تسمع كلامهم وتطلىىق مراتك انت الخسران الوحيد وولادك بيشيلوا معاك ومش علشان متنزلش كلمه ابوك تىىطلق مراتك
