رواية بناتي للبيع الحلقة الثالثة
جميع الحقوق محفوظة
وفجأة بنزل فؤاد من الطابق الاعلي للقصر يرتدي روب ابيض عليه نقوش سوداء مرعبه لجماجم واقنعه مخيفة ويحمل قط ابيض شرازي اقدامه مقيده حتي لا يستطيع الحركة ويقترب من رضوي وبناتها وعندما تراه سلمي ابنة رضوي الكبري ذات الاثني عشرة فترتجف خوفا وتمسك ذراع امها بقوة وهي تقول
سلمي .. يا ماما .. الراجل دت مر.عب اوي ؟!
الام مستنكره بشدة .. بس عيب اسكتي
فؤاد يقترب منهم وهو يبتسم فتبتسم رضوي هي الاخري
فؤاد .. اهلا .. اهلا .. اهلا .. ازيك يا مدام رضوي ؟ ازيكم يا بنات ؟
رضوي .. احنا الحمد لله كويسين
فؤاد .. ايه الجمال دا ؟! دول بناتك اجمل من الصورة بكتيير !!
رضوي .. ههه .. ايوا .. فعلا .. اكيد الحقيقة اجمل طبعا من الصورة ..
فؤاد .. اسمهم ايه بقي ؟!
رضوي .. دي سلمي الكبيرة .. ودي انهار الوسطانية .. اما دي بقي سهام اخر العنقود ..
فؤاد .. جميل جداا
البنات ينظرون الي فؤاد وقد تملكهم الخوف من منظره المر.عب وملابسة ايضا المخيفة ..
فؤاد .. طبعا البنات في مدرسة ؟!
رضوي .. لا للأسف معنديش امكانيات اني اعلمهم !! .. الظروف ع الاد .. دا انا يدوب بقدر اكفي اكلهم وشربهم وكسوتهم من العيد للعيد !!
فؤاد .. خسارة .. التعليم سلاح البنت
رضوي .. كان نفسي اعلمهم طبعا .. لكن اعمل ايه العين بصيرة والايد قصيرة واحنا ناس علي اد حالنا ومقضيين عشانا نوم زي ما بيقولوا !!
فؤاد .. ولا يهمك .. اذا اتفقنا هخليهم ياخدوا اعلي الشهادات اللي ممكن تتخيليها .. مالكم يا بنات كاشيين في بعض ليه كدا ؟! انتوا خايفين مني ولا ايه ؟!
رضوي .. لا .. خايفين ايه ؟! دول بس مكسوفين شوية
فؤاد .. اها ..
سهام .. عمو .. القطة دي حلوة اوي .. ممكن اشيلها شوية ؟
فؤاد .. اكيد يا حبيبتي اتفضلي
انهار .. هو حضرتك رابطها ليه كدا ؟! هو انت خايف تهرب ولا ايه ؟!
رضوي .. بنت .. عيب !!
فؤاد .. لا سيبيها تتكلم براحتها .. عايزة الحقيقة ؟
انهار.. اه
فؤاد .. ايوا .. انا رابطها من ايديها ورجليها عشان خايف انها تهرب مني !!
انهار .. وتهرب منك ليه بقي ؟!.
رضوي .. بنت .. وبعدين ؟! معلش يا فندم .. اصل البنت دي بالذات غلباوية جداا وتحب تجادل وتسأل كتير
فؤاد .. وماله .. دا دليل علي انها ذكية وعندها سرعة بديهة .. خسارة انك معلمتهمش !!
سهام تشعر بأن ترتجف خوفا بين يديها
سهام .. القطة بتترعش ليه كدا باين عليها خايفة !!
انهار .. ممكن نلعب معاها شوية يا عمو ؟
فؤاد .. طبعا .. طبعا .. اتفضلوا العبوا معاها
انهار .. طب فكها بقي عشان تعرف تلعب معانا
رضوي .. عيب بقي يا انهار
فؤاد .. بصي انا لو فكيتها ممكن تجري وتهرب !! ومع ذلك مش هزعلك انا هفكها عشان خاطرك انتي وسلمي
وبمجرد ان يفك قيودها وتحملها سهام بين يديها لتلعب معها اذ بالقطة بسرعة عجيبة من بين يديها وتبحث في كل مكان داخل القصر عن منفذ للهروب حتي تتمكن من الهروب بالخروج من اسفل باب القصر ..
سهام خائفة .. مش قصدي والله .. انا مش عرفة ليه نطت من ايدي بالطريقة دي ؟!
فؤاد .. انا قلتلك انها هتهرب .. ع العموم مسيرها ترجع تاني !!
سلمي .. طب حضرتك مش المفروض ان دي قطة منزلية يعني متعودة ع القصر هنا .. ايه اللي يخليها بقي تهرب من المكان اللي هي عايشة فيه ؟! اكيد فيه سبب ؟!
فؤاد .. اخيرا اتكلمتي ؟! كان نفسي اسمع صوتك زي اخواتك
رضوي .. ما هو سلمي بصراحة كلامها قليل جدا وفي الحدود .. الكبيرة بقي العاقلة اللي فيهم
فؤاد .. ربنا يخليكم لبعض
رضوي .. يااررب ويبارك في حضرتك دايما
سهام .. هو مفيش لعب في القصر هنا ولا ايه يا عمو ؟!
فؤاد .. لا فيه طبعا
سهام .. هي فين بقي اللعب دي ؟!
فؤاد .. حاضر
ثم ينادي علي عم حسن كبير الخدم
فؤاد .. يا حسن
حسن .. اوامر سعتك
فؤاد .. من فضلك وصل البنات لأوصة اللعب اللي فوق وشوفهم خلصوا العشا ولا لسة
حسن .. حاضر يا فندم .. تعالوا يا بنات
رضوي .. مكنش ليه لزوم دا كله سعتك !!
فؤاد .. ازاي .. دا انتم ضيوفي الغاليين .. المهم بقي قلتي ايه في الكلام اللي انا قولتهولك
رضوي .. بصراحة انا محتارة !! طب ممكن اسأل سؤال وياريت حضرتك متفهمنيش غلط
فؤاد .. اتفضلي .. انا قلتلك اني هجاوب علي كل اسئلتك وبكل شفافية ووضوح
رضوي .. هو حضرتك لا مؤاخذة لما تاخد البنات وتديني ٢ مليون دولار .. سيادتك هتستفاد ايه يعني ؟!
فؤاد .. ما انا قلتلك يا مدام اني بحب اقتني كل حاجة جميلة وليها قيمتها مهما كانت .. انتي عرفة القط اللي هرب دا .. دا فصيلة نادرة جداا ودفعت فيه مبلغ كبير اوي وبالعملة الثعبة
رضوي .. ياااه !! طب سامحنا ارجوك البنت مش قصدها والله انه يهرب من ايديها
فؤاد .. ولا يهمك .. لأني عارل انه هيرجع هنا تاني ومش بعيد تلاقيه داخل علينا دلوقتي
وفجأة يدخل القط مرة اخري من تحت فتحة الباب التي هرب منها منذ قليل يبدوا عليه الانكسار والخوف ثم يقترب من فؤاد وهو ينظر اليه كالطفل الذي فعل خطأ ويخشي العقاب ثم يلعق في قدم فؤاد كي يطلب منه السماح ثم يحمله فؤاد وهو يقول
فؤاد .. مش قلتلك هيرجع !! اوعي تعملها تاني يا جيمي؟! .. هههههههه
رضوي مندهشة .. سبحان الله .. طيب بس انا برضوا مش قادرة استوعب الموضوع يعني .. اعذرني سعتك انا تعليمي علي ادي ودول بناتي اللي محيلتيش غيرهم في الدنيا
فؤاد .. طب انتي ايه اللي قالقك وانا هريحك
رضوي .. هو حضرتك هتديني المبلغ الكبير دا عشان تخليهم عندك ٥ سنين زي ما حصرتك قلت .. كل دا عشان هما حلوين يعني ؟!!
فؤاد .. شوفي يا مدام رضوي .. الحقيقة …
وفجأة تصرخ سلمي قائلة
سلمي .. الحقيني يا ماما ؟؟!!
يتبع…
رواية بناتي للبيع الحلقة الرابعة
رضوي بفزع شديد .. سلمي بنتي بتصرخ ليه ؟!
فؤاد .. مش عارف !! يلا بينا نشوف ايه الحكاية
ويصعد كلا من فؤاد ورضوي بسرعة الي الطابق الاعلي ليعرفوا ما الذي حدث وجعل سلمي تصرخ بتلك الطريقة المقلقة فيجدوا كلا من انهار وسهام يقفان امام دولاب اسود كبير وهم في حالة من الفزع الشديد
رضوي .. في ايه يا بنات ؟! سلمي بتصرخ ليه ؟! اومال هي فين ؟!
انهار .. سلمي اتخطفت يا ماما ؟!
رضوي .. اتخطفت ازاي انطقي ؟!
سهام .. في واحدة بنت طلعت من الدولاب دا شكلها مرعب اوي يا ماما ووشها كله دم !! قعدت تلعب معانا شوية باللعب دي وبعد كدا قالت تعالو نزحلق هناك ع الزحليقة وبعد كدا شالت سلمي وجريت بيها جوا الدولاب!! .. ومخرجتش تاني
رضوي .. انتي بتقولي ايه يا بنت ؟! اختكم فين ؟!
انهار .. جوا في الدولاب!!
رضوي .. في الدولاب ازاي ؟!
ثم تتوجه نحو الدولاب بكل حذر شديد وتفتح ضلفة الدولاب لتجد ملابس كاجوال لفتاه عشرينية .. تبحث في كل مكان داخل الدولاب فلا تجد سلمي
رضوي .. مفيش حد جوا الدولاب ؟! اختكم راحت فين انطقوا ؟!
سلمي .. دخلت هنا والله يا ماما
فؤاد .. متقلقيش يا مدام رضوي .. اكيد مستخبية هنا ولا هنا
رضوي .. مستخبية فين بس ؟! سلمي !! انتي فين يا بنتي ؟!
وفجأة تأتي سلمي من خلف الام قائلة
سلمي .. ايه يا ماما في ايه ؟!
رضوي مندهشة .. انتي رحتي فين يا بنت ؟!
سلمي .. كنت مستخبية تحت السرير !!
رضوي .. واستخبيتي ليه تحت السرير؟!
سلمي .. بلعب مع الاغبيا دول استغماية !! انتوا مش قلتوا يلا نلعب استغماية ؟!
انهار متعجبة .. لا محصلش طبعا !!
سلمي .. يا سلام .. بتستهبلي انتي صح ؟!
فؤاد .. طب الحمد لله انك بخير ..اصل ماما قلقت اوي عليكي !!
سلمي .. انا كويسة يا ماما متخافيش
رضوي .. الحمد لله .. قلبي كان هايقف والله من الخضة عليكي يا سلمي
سلمي .. مالك بس يا ماما انا كويسة قدامك اهوه !!
فؤاد .. طب مش يلا بينا بقي عشان نتعشي ؟
رضوي .. لا خلاص احنا اتأخرنا اوي ولازم نمشي
فؤاد .. بقي دا كلام ؟! تمشوا من قبل ما نتعشي سوا ؟! وبعدين احنا لسة مخلصناش كلام .. يلا اتفضلوا السفرة جاهزة
وبعد تناول العشاء ترغب رضوي في عودتها الي المنزل ووعدت فؤاد بالتفكير في الامر والرد علي طلبه في اسرع وقت .. وبعد ان عادت الام وبناتها الي المنزل .. لاحظت رضوي ان سلمي ليست كعادتها .. يبدوا عليها التعب والارهاق والميول الي النوم
سلمي .. ماما انا تعبانه اوي وعايزة انام
سلمي .. ايه مش هتسهري معانا زي كل يوم ؟! دا فيلم حلو اوي في التليفزيون انهارده هيتعرض لأول مرة
سلمي .. لا تعبانه جداا .. اسمعوه انتوا بقي وابقوا احكهولي .. تصبحوا علي خير
رضوي .. وانتي من اهله يا حبيبتي
وفي صباح اليوم التالي استيقظت الام علي صوت بناتها الثلاث يضحكون ويلعبون داخل غرفتهم .. فقد استيقظوا مبكرا عكس عادتهم .. فهم دائما يستيقظون بعد الظهيره .. الام تنزعج من اصوات بناتها تنهض مسرعة وتذهب الي غرفتهم لتفاجأ بأن بناتها يلعبون مع القط جيمي وهو ايضا يلعب معهم بكل نشاط وفرح
الام مندهشة .. ايه دا يا بنات ؟! مش دا القط اللي كان في القصر امبارح ؟!
انهار .. ايوا هو يا ماما
رضوي .. ودا جه هنا ازاي ؟!
سلمي .. الله اعلم !! دا حتي هو اللي صحانا من النوم عشان نلعب معاه ؟!
رضوي .. غريبة !! ودا عرف مكانا هنا ازاي ؟!
سهام .. شايفة يا ماما دمه خفيف ازاي ؟! بس يا جيمي بقي بطل غلاسة .. هههههه
رضوي .. انا مش فاهمه حاجة فعلا !! وبعدين انتوا لابسين هدوم بره ليه ؟!
سلمي .. عشان نروح عند عمه فؤاد
رضوي .. وانتوا مين قالكم انكم رايحين عند عمو فؤاد ؟!
سلمي .. لا والنبي يا ماما ودينا عند عمو فؤاد .. احنا حبينا الراجل دا قوي
رضوي .. غريبة !! انتي مش كنتي خايفة منه امبارح وقلتي شكله وحش ؟! وانتوا كمان !!
انهار.. لا يا ماما متقوليش كدا .. عمو فؤاد دا راجل طيب اوي والقط بتاعة جميل وحبوب اوي
رضوي .. قط ايه وزفت ايه ؟! ارموا القط دا بره يلا
وعندما يسمع القط تلك الجملة يتوقف عن اللعب وتتغير معالم وجه ويبدوا عليه الغضب الشديد وينظر الي رضوي ويبدوا انه ينوي بها شرا يقترب نحوها ورضوي تنظر اليه في ذهول وفجأة يقفز عليها فتسقط رضوي علي الارض حتي تصطدم رأسها بالارض فتغيب عن الوعي ؟؟!!
يتبع…
رواية بناتي للبيع الحلقة الخامسة
وتستعيد رضوي وعيها لتجد بناتها حولها في حالة خوف وقلق شديد عليها .. رضوي لا تصدق ما حدث لها تنظر الي بناتها في دهشة شديدة تسترجع في ذاكرتها ما حدث لها قبل فقدان الوعي ..
سلمي .. مالك يا ماما فيه ايه ؟!
رضوي تبدوا مذعورة .. انا حصلي ايه ؟!
سلمي .. مش عارفة !! انتي كنتي واقفة بتتكلمي معانا كويس وفجأة وقعتي ع الارض مغمي عليكي !!
رضوي .. دا القط هجم عليا وزقني !! ايوا القط اللي زقني ع الارض .. هو راح فين ؟!
انهار.. قط ايه بس يا ماما اللي زقك ووقعك ع الارض ؟! هو فيه قط في الدنيا يقدر يزق بني آدم ويوقعه كمان ؟!
رضوي .. ايوا .. دا اللي حصل .. دا كمان قعد يبرقلي بعنيه لما قلت ارموه بره ؟!
سهام تحمل القط وتقول
سهام .. بقي بالذمه القط اللطيف دا .. هيعمل دا كله ؟!
سلمي .. بس احنا كنا واقفين يا ماما .. والكلام دا محصلش فعلا !!
رضوي .. يعني انا كدابة يا بنت ؟!
سلمي .. مش قصدي
رضوي غاضبة بشدة .. هاتي وريني القط دا
سهام .. هتعملي ايه يا ماما ؟!
رضوي بعصبية وصوت حاد .. بقلك هاتي القط دا
ثم تأخذه منها وتتوجه نحو باب الشقة ثم تفتح الباب وتلقي بالقط خارج الشقة بكل قوة
سلمي .. بترميه ليه كدا ؟! حرام عليكي يا ماما دا روح ؟!
رضوي .. طلعت روحك انتي وهي .. اخرصوا خالص مش عاوزة صوت واحدة فيكم وروحوا اقلعوا هدومكم يلا .. مفيش مرواح عند حد
سلمي .. يوووه بقي .. ايه العكننة اللي ع الصبح دي ؟!
رضوي .. اخرسي يا بنت
وفجأة يطرق باب الشقة وتفتح رضوي لتجد فؤاد امامها يبتسم ثم يقول
فؤاد .. صباح الخير
رضوي مندهشة بشدة .. صباح النور
فؤاد .. ازيكم يا بنات ؟
سلمي وانهار وسهام في صوت واحد .. ازيك يا عمو
رضوي .. هو حضرتك عرفت عنواني هنا ازاي ؟!
فؤاد .. هنتكلم ع الباب ولا ايه ؟!
رضوي .. اتفضل
فؤاد .. شكرا
ويدخل فؤاد متوجها نحو كرسي الانترية يرتدي قميص احمر وبنطلون احمر وحذاء احمر وبمجرد ان يجلس علي الكرسي تجتمع حوله الثلاث فتيات
رضوي .. انتوا لسه هتقعدوا ؟! انا قلت روحوا غيروا هدومكم .. اسمعوا الكلام
