رواية كأس الغرام (كاملة حتى الفصل الاخير) بقلم منال عباس

البارت السابع

بعد أن وقعت غرام العقود وأخذت حقيبه الاموال وكادت أن تغادر ليستوقفها صوت اسد

اسد غرااام

توقف قلب غرام وتسمرت مكانها ظنا منها أنه قد تعرف عليها إلا أنه كان يناديها بالاسم الذى اختاره لها

الټفت إليه ببطئ لتجده منكسر ….وينظر إلى الأرض على غير عادته …

اسد خسرتها يا غرام ..بقلم منال عباس

غرام بحذر هى ايه

اسد ممكن تقعدى معايا شويه انا مخڼوق ومش عارف اتصرف ازاى …مش احنا اتفقنا نكون اصحاب يا غرام

هدأت غرام وتذكرت الاتفاق بينهم

غرام ايوا طبعا ..قولى ممكن اساعدك ب ايه ..وذهبت وجلست أمامه على مكتبه

اسد انا حكيت ليكى أن بنت عمى اسمها غرام ..لكن ما قولتش أنها تبقي مراتى ..

استغربت غرام ذلك الشخص المتعجرف كيف بعد أن اهانها كل تلك الإهانات ..أن يعترف بزواجهم ..

غرام مراتك !!

اسد ايوا يا غرام …بالرغم أن اول ما عرفت انها انفرضت عليا …ودا من خلال بابا للاسف ..لكن من جوايا فى حاجه بتشدنى ليها …حاجه بتقولى أنها تخصنى ..دى غرام اللى كانت زى الوردة اتولدت فى الفيلا ..كانت بنت زى القمر ..لدرجة من جمالها صورها وهى طفله انتشرت على صفحات المجلات …

غرام طب فين المشكله دلوقتى ..

اسد مش قادر انسي ان مامتها هى السبب فى مۏت امى …

مش قادر ابص فى وشها لدرجة انى فرضت عليها النقاب …

غرام طب ما يمكن مامتها مظلومه ..انت سمعت كلام لكن ما اتأكدتش منه …بقلم منال عباس

اسد وهتأكد منه ازاى وكلهم ماتوا ..

غرام انا برضو اللى هعرفك يا حضرة الظابط ..

اسد باستغراب فى نفسه محدش يعرف انى ظابط !! ليه حاسس ان وراكى حكايه انتى كمان وتظاهر أنه لم يأخذ فى باله حديثها

أما غرام تحدثت فى نفسها ايه اللى. انا قولته دا المفروض انى معرفش حاجه عنه يارب ما ياخدش فى باله …

اسد بتمثيل انا بټحطم مش عارف اعيش لحظه من غيرها ..

غرام بارتباك لحديثه خلاص روح ليها وعرفها بمشاعرك دى

اسد ما هو للاسف انا معرفش راحت فين ..نفسي ترجع لينا ..وخصوصا أن

والدى تعبان وبيسأل عليها

غرام بحزن وقلق على عمها

غرام طب هو عامل ايه دلوقتي ..بياخد علاجه

بدأ الشك يزداد بداخله تجاهها

اسد للاسف مفيش حد يراعيه وهو رافض العلاج ..وبيسأل على غرام

غرام فى نفسها واضح يا ابن عمى انك بتشتغلنى بحس الظابط وانا بقي هلاعبك بحس الكاتب وقالت بخبث

طب ما تاخد اجازة واهتم بيه

اسد بقولك ليل نهار بيسأل على غرام ..

رن جرس هاتف غرام وكانت سلمى المتصل ..

ردت غرام بصوت مسموع لاسد

غرام ايوا انا خلاص راجعه اهو ..لا صدقنى مش هتاخر .اسفه انى خرجت من غير اذنك ..سلام

وأغلقت الهاتف

غرام دا زوجى ..رجع البيت ومش لقانى ..مضطرة امشي ..

اسد باستغراب جوزك !! بعد أن بدأ يشك أنه ولو بنسبه بسيطه أن تلك الفتاة هى زوجته ..ولكن ذلك الاتصال بدد كل الاحتمالات ..

غرام اعذرنى مضطرة امشي مش عايزة مشاكل معاه وخرجت بسرعه قبل أن تسمع رده ..

جلس اسد على مقعده وهو يفكر …هل حقا يتفقد وجود غرام زوجته أما أنه مجرد شعور بالذنب …

ليخرج من تفكيره على صوت رنين هاتفه ..وكان المتصل

اللواء حسان ازيك يا اسد ليه مش موجود النهارده فى مكتبك ..

اسد انا اسف يا حضرة اللواء عندى ظروف طارئه حصلت ومقدرتش احضر

اللواء حسان عرفت دا من والدك عادل وعرفت أنه تعبان اوووى دا العذر الوحيد اللى يخلينى اسامحك ..

المهم دلوقتى حضر شنطتك النهارده عندك مأموريه مهمه جدا فى اسكندريه

اسد مأموريه ايه !!بقلم منال عباس

اللواء حسان هتعرف كل حاجه اول ما توصل ..هننتظرك فى القسم الساعه السابعه والسفر هيكون بعد ما نتقابل اعمل حسابك فى هدوم علشان المأموريه اسبوع ..

اسد تمام يا فندم واغلق الهاتف

عند غرام وسلمى

سلمى طمنينى عليكى اتاخرتى ليه مش قولتى انك هتوقعى وتمشي بسرعه

غرام اسكتى دا انا قلبي وقع فى رجليا ..وبدأت تقص لها ماحدث …

سلمى تصدقى اسد بدأ يصعب عليا ..معقول دا اسد بجبروته

غرام لا يا سلمى ما تقوليش كدا ..انا عمرى ما هنسي اللى عمله فيا …

سلمى ربنا يسعدك يا حبيبتي يلا نروح بقي

غرام نروح

ايه ! …فرصه أننا هنا فى المول عايزة اشترى هدوم وشويه طلبات محتاجاهم ..النهارده انا قابضه ومعايا فلوس كتير. .

سلمى إذا كان كدا يلا بينا …بقلم منال عباس

عند مديحة

مديحة متاكد انها مارجعتش البلد

المتصل ايوا يا هانم ..دا حتى اسد باشا كان هنا امبارح وملقهاش..

مديحة المهم تخلى عينيك مفتحين

ولو لقيتها فى اى وقت تعرفنى بسرعه

المتصل تحت امرك

أغلقت الهاتف وجلست تفكر

مديحة يا ترى افرح انك غورتى من هنا ..ولا ازعل انك ممكن تظهرى من جديد و الماضى ينفتح …لازم الاقيكى

ولازم اخلص عليكى بايديا علشان اخلص من قرفك …

قامت بالاتصال بأحد الأشخاص

مديحة هه طمنى الشحنه هتوصل امتى

الطرف الآخر هتوصل بكرة مع شحنه الورق اللى هيوصل المطبعه الخاصه بدار النشر حاولنا نتصرف فى اى حاجه بعيدة عن المؤسسه علشان اسد ما ياخدش باله …بس قولنا فرصه أنه طالب طلبية ورق ومستوردها من نفس المكان ..

مديحة مع أن دا فى مخاطرة كبيرة

بس المكسب من ورا الصفقه دى هنكسب من وراها الملايين ..خودوا حذركم وانا ماليش دعوة بأى حاجه لو جد فى الأمور أمور ..

الطرف اطمنى يا ست هانم كله معمول حسابه …بقلم منال عباس

أغلقت الهاتف ..وتنهدت

من سنين طويله ماجتش ليا صفقه زى دى بسببك يا اميرة

فلاش باااااااك

مديحة انت متاكد ان الصفقه مكسبها مضمون ومحدش هياخد باله …

الطرف الآخر سعيد زوج مديحة اكيد طبعا طول ما حسام اخوكى عامل لينا توكيل باستلام الشحنه ..يبقي احنا فى امان ..المهم دى صفقه ما تتعوضش

مديحة افرض الشرطه اخدت بالها …

سعيد ما يبقاش قلبك رهيف كدا ..كل اوراق الصفقه باسم اخوكى ..انا مجرد مستلم ..وقتها لا انا ولا انتى لينا دخل ..وفرصه أن حسام والكل مشغولين پوفاة سحر .

مديحة عندك حق … المهم انا نصيبي زى ما اتفقنا النص بالنص

سعيد طبعا يا روحى

مديحة وانا ايه يضمن ليا حقى

سعيد انتى مراتى وحياة هايدى بنتنا

كانت أميرة تقف خلف الباب واستمعت كل حديث أميرة ..ودخلت عليها لتواجهها ..

أميرة انا بجد مصدومه فيكى ازاى اخوكى هان عليكى بالشكل دا ..معقول

انتى يا مديحة تعملى فى حسام كدا !!

أميرة ايه التخاريف اللى انتى بتقوليها دى ..انتى اتجننتى ..

عادل اخويا وحرمتى اسد من أمه …جايه ترمى بلاكى

—

عليا انا كمان …عايزة تكوشي على كل حاجه

أميرة بذهول ايه اللى. بتقوليه دا …سحر ماټت بالسكته القلبية…بعد ما العمليه نجحت بيوم كامل ..

مديحة واحنا ايه اللى ياكدلنا …ما يمكن انتى بالاتفاق مع المستشفى خبيتى علينا ..واقتربت من أميرة بتحذير

مديحة لو فتحتى بوقك بكلمه واحدة انا بكل سهوله هقدر اجيب تقارير تثبت انك السبب فى مۏتها

أميرة كدب وانتى عارفه أنه كدب

جلست مديحة ووضعت قدما فوق قدم

مديحة مش هتعرفي تثبتى اى حاجه يا حلوة ..اتقى شرى احسنلك ويلا اخرجى عايزة انام واخرجتها خارج غرفتها …بقلم منال عباس

عودة من الفلاش

مديحة انتى السبب حذرتك ما تعرفيش اخويا بحاجه لكن برضوا عرفتيه وخسرنا اكبر صفقه انا وسعيد بسببك وسعيد بعد عنى وقال انى فاشله وطلقنى واتجوز عليا ..كان لازم انتقم منك يا اميرة حتى لو كان حسام هيروح فى الرجلين بسببك المهم أشفى غليلى منك ….

عند غرام

بعد أن اشترت غرام كل احتياجاتها

غرام فاضل حاجه واحدة بس

سلمى حرام عليكى حاجه ايه تانى ..دا انا رجليا ورمت من اللف ماكنش يومك يا لوزة ثم انتى اشتريتى هدوم كتيير اووووى انا مش عارفه هتعملى بكل دا ايه

غرام بضحك حقك عليا يا لوزة ههه قصدى يا سلمى فاضل بس البرفان المفضل ليا وأشارت إلى أحد المحلات

الخاص بأدوات التجميل

سلمى أمرى لله ..ادخلى هاتيه على ما اكلم لؤى يجى لينا ..احنا مش هنعرف نتحرك بكل دا لوحدنا ..

غرام تمام حبيبتى …بقلم منال عباس

اتصلت سلمى على لؤى

لؤى لومى حبيبتى ..شكلى وحشتك

سلمى لا يا فالح ..الحكايه وما فيها أننا اشترينا كل اللى فى المول اللى جنبك …تعالى علشان توصلنا …

لؤى وانا اللى قولت البت بقت رومانسيه وبتسأل عليا …

سلمى والله بحبك بس بعد اللى غرام عملته فيا مابقاش فيا حيل اتكلم كلمه واحدة ..يلا اخلص وتعالى قربت يغمى عليا

لؤى طيب انتم فى أى دور

سلمى فى

الرابع تعالى بقي

لؤى امرى لله حكم القوى ..

سلمى بتقول حاجه يا حبيبي

لؤى انا اقدر برضو …يلا انا فى الطريق ليكى سلام …

بعد دقائق قليله وصل لؤى إليهم واستغرب من الكم الهائل من المشتريات ..

لؤى ايه دا كله …انتم احتكرتوا الملابس وهتاجروا فيها بعد كدا ولا ايه

سلمى لا ازاى دى حاجه بسيطه خالص

انا عايزة قطع غيار من جديد

غرام لما نروح هعملك عصير يخليكى فريش ..

سلمى صح يا اما فريش يا اما بلاش

وبدأت الفتيات بغناء كلمات اعلان فريش ليضحك لؤى ويشاركهم الغناء

احنا اللي فرفشنا اللي ما تفرفش واحنا

اللي دلعنا اللي ما ادلعش

اسمع الاخبار فريش اش اش اش اش

الجديد لانج وشديد اش اش اش اش جامد اخر

حاجه وش اش اش اش اش

قش قش قش قش وقش قش انا فريش قش قش قش وقش

قش انا فريش

بيقولوا سمعنا كلام

تراطيش رفرشنا يا ناس وخلاص

هنعيش بس انتوا تسيبوا الباقي علينا واللي

بيعرفنا بيستلطفنا وما يبوذش انزل لي

بمزيكا

لذيذه قول لي جد لك خطوه عزيزه وحياتكم

بقى الجاي مالوش زي نتسلى انما مش زي اللب

مانتقذقش

طب اسمع الاخبار فريش

اشششش الجديد لانج

وشديد جامد اخر حاجه وش

قش قش قش قش وقش قش انا فريش قش قش قش وقش

قش انا فريش…

ظلوا يردووا كلمات الاغنيه حتى وصلوا إلى أمام العمارة

ساعدهم لؤى والبواب فى حمل جميع الاغراض إلى الأعلى …بقلم منال عباس

رحاب والدة سلمى اتفضل اقعد يا لؤى يا ابنى استريح ..

لؤى مش هينفع والله يا طنط اصل اسد مسافر النهارده ولازم اكون مكانه

نظرت إليه غرام تريد أن تعرف إلى اين سيسافر ولكن لؤى استأذن وغادر …

رحاب ايه دا كله يا غرام يا بنتى

غرام هعرفك حالا يا طنط وبدأت بفتح الحقائب حيث أخرجت

ثلاث من الشنط بها ملابس تناسب رحاب

غرام دووول ليكى يا طنط اتمنى زوقى يعجبك ..

رحاب ليه كدا يا بنتى كلفتى نفسك

غرام ما تقوليش كدا ..انا حاسه انى بنتكم على الحب اللى شوفته فى عينيكم

وأخرجت حقيبه بها ساعه يد وبرفان رجالى ودول لحضرتك يا اونكل اشرف وقبلته من جبينه

اشرف كدا كتير ..

غرام كدا هزعل

..انا بهديها لبابا

مش قولت ليا انى زى سلمى

اشرف بحب ربنا يعزك ويزيدك يا بنتى ..

نظرت غرام لسلمى وقسمت الشنط بالنص …دووول ليكى يا سلمى ودول ليا ..

سلمى انتى اتجننتى ..تصرفى فلوسك كلها …انا مش هاخد حاجه ..

غرام وانا لما احتجت هدوم لجأت لمين غيرك يا سلمى ..ثم انا اشتريتهم على ذوقك …كل اللى قولتى عليه حلو وعاجبك هو اللى اشتريته ..ويلا مش عايزة كلام

احتضنت سلمى صديقتها بحب ودخلوا الفتيات لترتيب الاغراض..

غرام سلمى ..ممكن اطلب منك خدمه

سلمى انتى تؤمرى

غرام ينفع تعرفي ليا من لؤى اسد مسافر فين وهيرجع امتى

سلمى شكلنا حنينا ولا ايه

غرام لا بس محتاجه اعرف علشان حاجه فى دماغى ..بقلم منال عباس

سلمى امرك يا جميل

اتصلت سلمى على لؤى

سلمى لولو حبيبي

لؤى لولو وحبيبي كمان !! والله لو قولتى ايه ما هشيل حاجه ليكم تانى

كسرتم ضهرى يا مفتريه ..

سلمى لا مش كدا خالص وابتعدت عن غرام وسألته عن اسد وسفره

لؤى عايزة الحقيقه ولا اللى ظاهر

سلمى الحقيقه طبعا

لؤى كل الحكايه أن اونكل عادل ……..يتبعكاس_الغرام بقلم منال_عباس

البارت الثامن

أخذت سلمى هاتفها بعيدا عن لؤى لتسأله عن اسد وسفره

لؤى عايزة الحقيقه ولا اللى ظاهر

سلمى الحقيقه طبعا

لؤى كل الحكايه أن اونكل عادل عرف كل اللى حصل ل غرام وحب يقرص على ودن اسد شويه علشان يعرف قيمتها … بقلم منال عباس

سلمى طبعا انت اللى نقلت الاخبار ليه

انا خاېفه أن اللى بنعمله دا يزعل غرام منى لما تعرف

لؤى احنا هدفنا خير ..ثم من البدايه اونكل عادل هو اللى طلب مننا نعمل كدا ..

سلمى طب هقول ايه لغرام دلوقتى

لؤى قولى ليها اللى هقولهولك بالظبط

لان أونكل عادل هو اللى طلب أن اوصلها دا وكويس أن جات منها وهى اللى سألت

وقص عليها ما يجب أن تخبر به غرام …

عند اسد

يصل إلى الفيلا ويدخل للاطمئنان على والده

اسد طمنى عامل ايه دلوقتي

عادل الحمد لله ..فين غرام يا اسد ليه ماجيتش ليا لحد دلوقتي ..اتصل عليها تجيلى

اسد هتيجى يا بابا يعنى هتروح فين يعنى ثم إن الممرضه معاك لو احتجت اى حاجه … بقلم منال عباس

واستأذنه لدقائق وذهب إلى حجرة عمته مديحة ..حيث طرق الباب

مديحة ادخل

دخل اسد ليجدها تجلس هى وهايدى

اسد عمتو كنت جاى لحضرتك اعرفك انى هسافر مأموريه لمدة أسبوع ..وعايزك انتى وهايدى تخلوا بالكم من بابا

مديحة بقلق مأموريه …مسافر فين

اسد اسكندريه ..

مديحة وقد ظهر على وجهها التوتر أكثر كان على عينى يا اسد ..

بس احنا حاجزين مصيف انا وهايدى وهنسافر النهارده

هايدى بغباء بجد يا ماما ..ايه المفاجئه الحلوة دى

مديحة مفاجئه ايه شكلك نسيتى يا هايدى

اسد بضيق فقد شعر بأن عمته لا تريد مساعدة ومراعاة والده ..بالرغم أن والده يعاملها برفق هى وابنته

تذكر غرام وخۏفها الشديد على والده

تركهم دون اى كلمه وخرج ..بقلم منال عباس

هايدى ما قولتليش أننا هنسافر

مديحة مفيش وقت جهزى نفسك

هايدى هنروح الساحل

مديحة لا .. إسكندريه

هايدى باستغراب اسكندريه ايه يا مامى …نروح الساحل والشاليه فاضى ايه يخلينا نروح اسكندريه

مديحة بعدين

—

يا هايدى مش وقتك خالص …

عاد اسد إلى والده ويبدو عليه الخزلان

عادل مالك يا اسد يا ابنى شكلك متغير فى حاجه مزعلاك

اسد ابدا يا بابا بس للاسف مضطر اسافر مأموريه شغل وماكنتش حابب اسيبك فى الظروف دى

عادل ولا يهمك يا حبيبي ..غرام هتقوم بالواجب ..المهم قولى هتغيب اد ايه

اسد بحزن فهو لا يعلم مكان غرام إلى الآن ولا يعلم أين ذهبت

اسد حوالى اسبوع

عادل زى الفل ..المهم ترجع قبل ميعاد النتيجه

اسد نتيجة ايه !!

عادل ايه اللى جرالك يا اسد

نتيجة المؤسسه لاختيار أفضل كاتبه حققت اكبر نسبه ارباح للمؤسسه ..

انا طلبت من لؤى يكلم المدير المالى يجهز نفسه وتصفيه الحسابات علشان نقدر نختار ..وبعدها بنعلن النتيجة ونعمل حفله تكريم ليها مع جائزة ماليه ..

عمك الله يرحمه هو اللى أسس

المؤسسه وهو اللى حط البنود دى عند اى تعاقد مع اى كاتب أو كاتبه ..

تذكر اسد الكاتبه المجهوله وطريقه سردها ..

اسد أن شاء الله اول ما ارجع هظبط معاكم كل حاجه

اعذرنى يا بابا محتاج اطلع اجهز شنطتى ..علشان مفيش وقت

عادل اذنك معاك يا ابنى وتروح وترجع بالسلامه…بقلم منال عباس

صعد اسد الى حجرته وقام بتجهيز حقيبه السفر ..وجلس على الأريكة

ينظر إلى حقيبه غرام …

يشعر أنه يفتقدها …

اسد يا ترى روحتى فين يا غرام ..

معقول اكون ظابط ومش عارف اوصل ليكى …

للاسف مش عايز شوشرة والناس تعرف وبدأ يجادل نفسه

اسد لنفسه ما اللى يعرف يعرف دى مراتى ..افرض جرى ليها حاجه

اسد مراتك ايه انت نسيت الماضى دا غير أنها انفرضت عليك حته فلاحة ما تلقش بمقامك ..

اسد بس انا ماديتهاش فرصه اعرف هى بقت ايه ..

اسد فوق لنفسك وما تنزلش بمستواك

انت اسد اللى الكل بيعمله حساب ..

تذكر غرام الكاتبه المجهوله وكيف علمت أنه ظابط ..يا ترى ايه وراكى

وفكر بالاتصال بها ليسألها

عند غرام

رن هاتف غرام برقم اسد

وقفت غرام متسمرة أمام الفون

سلمى فى ايه يا بنتى ما تردى

غرام دا اسد

سلمى طب أهدى وردى شوفى عايز ايه

تماسكت غرام وقامت بالرد عليه ..

غرام الو ..

اسد ازيك يا غرام ..واسف انى اتصلت عليكى من غير استئذان ..لو ظروفك تسمح ممكن اتكلم معاكى

غرام تمام ..بس ما تعملش كدا تانى علشان مش عايزة مشاكل مع زوجى

تضايق اسد وشعر أنه يحرج نفسه بدون داعى مع تلك الفتاة

اسد هو سؤال واحد وعايز اعرف إجابته

غرام اتفضل

اسد عرفتى منين أنى ظابط

ارتبكت غرام لسؤاله

غرام انا ….اصل …هو …لتجد الخروج من هذا المأزق

غرام بثقه ايه يا حضرة الظابط..انت نسيت ولا ايه …مش انت بنفسك اللى قولتلى انك ظابط وتقدر تطلقنى من زوجى …بقلم منال عباس

اسد اوبسس ..آسف بجد كنت نسيت

غرام فى نفسها دا اللى كنت نسيت كويس انى افتكرت فى الوقت المناسب ..

اسد طيب تمام ..مش هزعجك واغلق الهاتف دون انتظار ردها

غرام وهى تضع يدها على قلبها انا هيجرالى حاجه من البنى ادم دا

وجلست على السرير وفتحت الواتس لتفتح صورة البروفايل لاسد

جلست تنظر على الصورة لوقت طويل وقلبها ينبض بسرعه

غرام فى نفسها ليه يا ابن عمى ليه طلعت بالقسۏة دى ..كان هيجرى ايه لو عاملتنى بالحسنى حتى لو رافضنى كزوجه …انت زيك زى عمتو مديحة وبنتها كلكم عاملتونى بقسۏة ..

ليرد عليها ضميرها اسد ڠصب عنه

اسد شايفك بنت اللى السبب فى مۏت أمه

غرام دا مجرد كلام سمعه …ما فكرش يدور على الحقيقه مع أنه ظابط

غرام معقول هتكونى انتى كمان بالقسۏة دى بالحكم على الناس …دا اسد اللى كان ديما بيهتم بيكى وانتى صغيرة

غرام لا كفايه كفايه وأغلقت الهاتف فهى لا تتحمل أن تفكر به أكثر

من هذا ..

عند مديحة

مديحة يلا يا هايدى مفيش وقت لازم نوصل اسكندريه النهارده

هايدى ليه يا مامى الاستعجال دا ..ثم انا لسه هكلم سامر وأعرفه

مديحة بتحذير اياكى يا هايدى تعرفى حد انتى فاهمه

هايدى هو فى ايه ..انا مش فاهمه حاجه ..

مديحة لما نوصل هعرفك كل حاجه المهم دوسي بنزين شويه

هايدى يا مامى احنا كدا هنتخطى السرعه

مديحة مش مهم ..تخطيها المهم نوصل …بقلم منال عباس

عند اسد

حمل حقيبته وهو يشعر أنه مشوش فاقد التركيز ونزل إلى الأسفل ودع والده وغادر هو الآخر وقاد سيارته إلى القسم

فى القسم

اللواء حسان كويس اسد وصل دلوقتى

القي اسد التحية على الجميع

وجلس ليخبرهم اللواء حسان بالمهمه المطلوبه منهم

اسد انا مش مصدق …كل دا بيحصل فى صفقه الورق ..وانا معرفش ..طب مين المسئول عن كدا

مستحيل يكون لؤى …

اللواء حسان هو بالفعل مش لؤى …دا الموظف المسئول عن استلام الصفقه

بس واضح أن فى حد وراه بيحركه ..

الافضل للجميع أن المأموريه تتم فى سريه تامه لان لو حد من المهربين عرف ممكن يلغى الصفقه وبكدا يبقي ما عملناش حاجه ..

الصفقه المفروض توصل بكرة ..

بطريقتنا قدرنا نخليها توصل متأخر يومين على ما نوصل احنا ونقدر نرتب امورنا

وفى المينا هنأخرها يوم كمان على ما نفتش البضاعه

اسد تمام فهمتك …

اللواء حسان يبقي يلا بينا …على بركه الله …بقلم منال عباس

وتحركوا جميعا للسفر الى الاسكندريه ..

عند مديحة

قامت مديحة بالاتصال بأحد الأشخاص

مديحة انا كلها ساعتين واوصل اسكندريه عايزاك تجيلى على العنوان دا ..

الطرف الآخر تمام يا هانم هكون فى انتظارك …

عند غرام

تحضر أوراقها وتكمل روايتها فقد كتبت الكثير من فصول الروايه ويبقي الفصل الأخير فهى فى حيرة من أخذ القرار فى النهايه

هل ستسامح البطله البطل لتبدأ حياتهم ..ام تناضل من أجل كرامتها

وتأخذ قرار بالبعد ..

ظلت تكتب وتمزق الاوراق ..فلا أول مرة يعصيها القلم ..دائما النهايات سعيده ولكن هذه المرة دونت كم المرار الذى تذوقته من كأس الغرام

يجعلها ترفض النهايه السعيدة لتبقي النهايه مفتوحة. بالنسبه إليها إلى أن تصل إلى قرار يغير مجرى الأحداث …

أغلقت دفاتيرها ودخلت إلى سريرها لتغط فى نوم عميق

عصام سامحينى يا غرام يا بنتى عارف انك قسيتى كتير بس الظاهر غير الباطن يا بنتى

غرام جدو حبيبي ..انت عايش

عصام ايوا يا غرام عايش هنا وأشار إلى قلبها ..

غرام انا اتبهدلت من بعدك اوووى يا جدو ..

عصام انا عودتك على ايه يا غرام

صبرا جميلا …ديما ردديها زى ما عودتك يا حبيبتي ..

وبدأ يظهر دخان كثيف

غرام جدو ايه الدخان دا ..وحضرتك رايح فين

عصام ما تقلقيش كلنا حواليكى انا وجدتك وباباكى ومامتك …بس شدى حيلك واثبتى الحقيقه …يا غرام

الحقيقه هى اللى هتنور طريقك يا بنتى …أميرة مظلومه وبرائتها بين ايديكى …

غرام پبكاء جدو

ارجوك ما تسيبنيش

جدو. جدو ليختفى من أمامها ويعم الظلام حولها ..لتقوم غرام مفزوعه

بصړاخ شديد …بقلم منال عباس

تستيقظ سلمى وتضئ الاباجورة

سلمى مالك يا غرام فى ايه

غرام وهى تحاول أن تتنفس مخنوقه مش قادرة اخد نفسي

سلمى أهدى حبيبتى دا كابوس

ولكن غرام تختنق وتكح بشده

سلمى بخصه تجرى على حجرة والدها وتطرق الباب بسرعه

شريف فى ايه يا سلمى

سلمى غرام مش عارفه تاخد نفسها

سحر لا حول ولا قوه الا بالله

هاتى الشنطه بتاعتى بسرعه وحصلينى

دخل شريف إلى حجرة غرام وقام بتهدئتها

شريف أهدى يا غرام وبدأ يقيس النبض …وأخرج جهاز قياس الضغط ليقيسه ليجد الضغط منخفض

—

ووجه غرام متعرق

احضر حقنه وحقنها بها ….

وجلس بجانبها هو وسحر وسلمى

شريف انتى كنتى كويسه ..ايه اللى جرالك

سلمى دى كانت نائمه يا بابا وفجأة لقيتها بتصرخ

سحر يا حبيبتي تلاقيكى شوفتى كابوس ..

غرام بصوت متقطع شوفت جدو وقالى أن ماما بريئه

شريف بريئه من ايه …هى ايه الحكايه ..

قصت غرام لهم ما أخبره اسد لها عن مديحة وحديثها بأن أميرة والدتها هى السبب فى قتل والدته

شريف بتعجب انتظرى يا غرام يا بنتى وكأنه يفكر فى شئ ما ثم تحدث بتساؤل

شريف بتقولى والدتك اسمها أميرة وكانت طبيبه وتوفت هى وزوجها

غرام ايوا بابا وماما ماتوا فى حاډثه بالسيارة..

شريف تقصدى أن مامتك تبقي دكتورة أميرة عصام ………يتبع