السلام عليكم
يجماعه احنا مأجرين شقه فاسكندرية والراجل المتخلف دا فعمارة قدامنا كل يوم يضرب ابنه ضرب متخلف لدرجه صوت الضرب بيوصلنا والعمارة بعيد عننا شوية وانهارده مخلعه هدومه ورابطه في البلكونه وعمال رايح جاي يضـ،ـرب فيه ويطـ،ـفي فيه سجاير وبقاله حوالي اربع ساعات رابطو الربطه دي وعمال بيتفرج عليه شير كتير يجماعه لازم المري. ض النفسي دا يتربى وياريت لو حد يقدر يساعد الطفل دا
ده بوست منزلاه وحده علي جروب سيدي بشر وجمال عبد الناصر وللاسف منزله مجهول الهوية ومش بترد علي حد ومش موضحه العنوان فين بضبط وانا مردتشي اعرض الفديو احتراما لمشاعر الولد لو حد عرفة . كبرت الصوره شويه يمكن حد يعرف الكائن ده ويبلغ عنه وننقز الولد منه وحسبي الله ونعم الوكيل في اللي يشوف حاجه مؤزيه لحد ويكتفي بالتصوير بدل مايدخل لإنقاز الطرف المجني علي
تعديل بعد ازنكم محدش يعمل اغضـ،ـبني علي البوست
علشان البوست مايترفـ،ـضش . من فضلكم ويلف على مواقع التواصل الاجتماعي كلها يمكن نعرف ننقذ الواد قبل فوات الاوان
لو عندك ولد و عايزه تربيه انه يطلع راجل ذو مروءة و أدب و ديانه و شهامة و أصالة
دول خطوات_يساعدوكي
يقوم بمهام في البيت فيها شوية قوة بدنيه
زي تغيير قارورة المية / إخراج الزباله(و تبقي مفهماه ان الأصل ان النساء متسترات و ميخرجوش كتير و ان خروجه هو أسهل ) / لو عايزة تزقي حاجه نادي عليه / يشيل طلبات البيت و هكذا
و تبقي مفهماه ان هيكله البدني مختلف عنك و ده يأهله لمهام هو يقوم بيها افضل منك عشان طبيعة خلقته
فده يخليه يبني تصور ذهني ان جسمه زي ما فيه أفضلية فعليه تكليف.
في التعاملات الخارجية ف الشارع صدريه
اي تعاملات فعليا
و هتتفقي معاه ع ال set up قبل ما تدخلوه
يعني هندخل المكان الفلاني انت هتتصرف بالشكل الفلاني و هتطلب كذا و كذا
و حضرتك هتبقي واقفة في ضهره ساكتة تماما حتى لو غلط
ليه بقى هتسكتي لو غلط؟
عشان حاجتين
الأولى: انك تزرعي انه عادي يغلط لو تصدر .. فميخافش من التصدر اصلا
ثانيا:انه يتعود مادام خد دفة القيادة ميبقاش فيه صوت ورا بيعدل عليه ( تلت اربع مشاكل البيوت هي ف الخناقة على مين اللي سايق اصلا)
طيب لو غلط هتعملي ايه؟!
هتسبيه يخلص معاملته غلط عادي خالص
و بعد كده هتقوليله ان التصرف الصح كان كذا و كذا بس انا مقدرتش اتكلم و انت واقف مع الرجالة (بظبط كده)
اما لو هو طلب مساعدتك فتدخلي بصوت واطي و شكل لطيف من غير ما تحسسيه انه مش عارف يتصرف
و قوليله انك واثقة جدا انه هيقدر يخلص اللي ف ايده ده على أكمل وجه
ضروري اوي لما تصدريه .. تزرعي فيه الثقة انه اهل للتصدر .. عشان ميبقاش التصدر فيلم رعب بالنسبة له
لا عادي تتصدر .. و انت اهل ل ده .. و انا واثقة فيك .. و حتى لو غلطت محلولة. .. ادينا بنتدرب.
يتعلم مهارات قتا.لية و فروسية
عشان جسمه ينشف و قلبه يقوى
انا مع جدا الشغل من الصغر لانه بيفتح الذهن و بيخلي الانسان يكتسب خبرات بدري بدري و يبقى سابق سنه و مختلط بالمجتمع
لو في مكان آمن للشغل
ارميه فيه
يقعد في مجالس الرجال
و يتعلم على ايد شيخ مش شيخه
و ياخد درس مع مدرس مش مدرسة
عشان يفهم نفوس الرجال بدري
و يلقط طريقتهم
عشان تخلقي جواه الصلابة العقلية
اتكلمي معاه في مواضيع عامة
و خدي رأيه كأنه استشاري مش طفل
و قوليله تفتكر الموضوع ده يتحل ازاي؟
انا بثق في عقلك جدا
فيحس انه قادر على الحل .. و ان تشغيل المخ مش خطيئة
لما يجي يحكيلك مشكلة خاصة بيه
و انت شايفاه غلط
اوعي اوعي تبادري بالحل
احنا عايزين رجال مبادرين
مش احنا اللي نحل لهم
أسأليه : حسيت بإيه فى الموقف ده؟ وياترى ايه الفكرة المحركة للشعور ده؟
و الفكرة دي بتحاول تقولك ايه
طب و انت شايف الحل ازاي؟
زقيه انه هو اللي يتحرك و يفكر و يحل
مش انتي
لو قالك ابعتي للمس
قوليله لا ابعت انت
كلمي الإدارة .. لا روح انت
و هكذا
علميه انه يواجه و مايخافش من العواقب و انك كده كده في ضهره
بس مش قدامه….
