كله طلع فنكووووش

انا متجوزه من ٢٠ سنه وكنت عايشه في بيت عيله ولما ربنا فتحها علينا عملنا بيت بره وطلعنا وحماتى جات معانا في بيتنا وسابت البيت الكبير لاخو جوزى وااولاده وهي الشهاده لله بتحبنى وبتحب جوزي ولادي واختارت تكون معانا واحنا رحبنا بيها قعدنا في البيت الجديد مع بعض لغاية ما العيال كبرو

وعاوزين اوض زياده والبت كان اوضين وصاله وربنا كرم جوزى من وسع وجاب لينا

بيت اكبر بكتييير الحمد لله وشطبناه وعملنا كل التجيهزات وقلنا نمشى مرضيتش تروح معانا وقالت انا مش هقعد اتنقل خلاص العمر فيه اد ايه

وسبناها فى البيت الاولانى ومشينا بس احنا بنروح لها كل يوم البيت قريب مش بعيد عندي بنت ١٦ سنه كل يوم لازم وانا بروح من يوم لتانى برضه نشوف طلباتها وللعلم انا بعمل اكل كل يوم وابعتلها منه ونش مقصريين معاها في حاجه والحمد

لله ظروف جوزي حلوه هو مسافر وبيبعت وبيقول متقصروش معاها فى اي حاجه وبيزود المصروف عشان خاطرها وللعلم هي بتقبض قبض محترم وعمرها مدتنا قرش منه بس ليها بنت بتجيها زي الضيفه اول ماتيجى تطلع الفلوس

والحاجه الغاليه لبنتها واحنا ولا اي حاجه بتديهالنا ومعاها دهب كتيير جات فجأه تعبت وجبتها عندى اسبوع وخدمتها انا وبناتى وبنتها وسلفتى التانيه بيجوها زي الضيوف

واول ماتعبت شالت دهبها عند سلفتى للعلم سلفتي جوزها متوفى انا زعلت فى نفسي جدااا هو انا بعمل مل دا وهي مش مأمنه ليا ليه وبعد ماخفت رجعت بيتها انا دلوقتي نفسى مش

راضيه منها وهي معاها فلوس تصرف على نفسها بس جوزى مش راضي نقصر منها في حاجه للعلم معظم الدهب جوزى جايبه ليها من السعوديه انا عاوزه رأيكم اسيبها لسلفتى هى تروح وتخدمها ولا خلينى زى ما انا

👈 سنين الغلاسة عند المراهقين…

هي المرحلة اللي بيبدأ فيها المراهق يتصرف بطريقة مستفزة أحيانًا، بيكون عنده اعتراض على كل حاجة، وبيبقى حاسس إنه فاهم كل حاجة أكتر من أهله. المرحلة دي طبيعية جدًا وبتحصل بسبب التغيرات الهرمونية والنفسية اللي بيمر بيها، وكمان بسبب رغبته في الاستقلال وإثبات نفسه.

أعراض الغلاسة عند المراهقين:

1. الردود المستفزة والمبالغة في النقد: ممكن تلاقيه بيرد بطريقة جافة أو ساخرة على أي كلام، حتى لو كان بسيط.

2. العناد والتمرد: بيعترض على القواعد بشكل متكرر، ويحاول يفرض رأيه حتى لو كان غلط.

3. التقليل من آراء الأهل: بيحس إنه فاهم الدنيا أكتر من أهله، وإنهم قدامُه “مش فاهمين حاجة”.

4. التذمر المستمر: سواء عن الدراسة، البيت، أو أي مسؤوليات، دايمًا حاسس إنه مضغوط وإنه الوحيد اللي بيعاني.

5. التصرف وكأنه لا يهتم بأي شيء: حتى لو كان الموضوع مهم، ممكن يظهر لامبالاة عشان يبين إنه مستقل.

6. الرغبة في العزلة أحيانًا: بيقضي وقت طويل في أوضته، مع السماعات في ودنه، أو على الموبايل.

7. تقليد الأصدقاء أكتر من الأهل: ممكن تلاقيه بيتبنى أفكار أصحابه أكتر من كلامك، حتى لو كانت غلط.

إزاي أتعامل معاه؟

1. ما تخدش الأمور بشكل شخصي: الغلاسة دي مش ضدك، لكنها جزء من تطوره النفسي، فحاول تتعامل بهدوء ومتضايقش.

2. سيب له مساحة شخصية: المراهق محتاج يحس إنه مستقل، فمتضغطش عليه إنه يتكلم أو يقعد مع العيلة غصب عنه.

3. اتكلم معاه بدون أوامر: بدل ما تقوله “لازم تعمل كذا”، جرب تخليه يحس إنه بياخد القرار بنفسه.

4. تجنب أسلوب السخرية أو التوبيخ: لو اتريق عليه أو انتقدته كتير، هيزيد في العناد وهيبعد أكتر.

5. خد رأيه بجدية: لما يعبر عن رأيه حتى لو كان غريب، ناقشه باحترام عشان يحس إن صوته مهم.

6. حافظ على هدوئك: لو رفع صوته، حاول تفضل هادي، لأن الغضب هيخليه يتمسك برأيه أكتر.

7. حدد حدود واضحة لكن بدون ديكتاتورية: لازم يبقى فيه قواعد في البيت، بس تتناقش معاه فيها مش تفرضها عليه.

8. اهتم بعلاقته مع أصدقائه: لو صحابه كويسين، هيكونوا مؤثرين عليه بطريقة إيجابية، فحاول تبقى عارف هو بيقضي وقته مع مين.

باختصار، المراهق مش بيكون غلس عن قصد، لكنه بيمر بمرحلة معقدة بيحاول يكتشف فيها نفسه. كل ما تعاملت معاه بصبر وتفهم، كل ما المرحلة دي عدت بسلاسة بدون مشاكل كبيرة…..