مشكله عضو
مراتي طلبت الطىلاق بشكل مفاجئ جدا. قبل العيد بيوم كانت بتعمل الكحك ودخلت عليها وبهزر معاها وعمال ادوق من الكحك واقولها ايه الحلاوه دي يا ست الستات وهي مش بتضحك ولا حتى تبص عليا.
حسيت فيه حاجه غلط وسألتها مالك؟ ايه اللي حصل؟ اتوقعت انها هتقولي تعب مامتها زاد او فيه حاجه حصلت بس لقيتها تبصلي بجفاء قبل ما تقول: “دا اخر عيد هنعيشه مع بعض. انا هسىيب البيت وهطلب الطىلاق بعد العيد على طول”.
احنا متجوزين بقالنا 8 سنين وبيننا ولدين وواخدين بعض عن حب. قلت لنفسي يومها كان طويل وامها تعبانة فكانت بتساعد اهلها طول شهر رمضان وتعمل اكل كتير عشان تبعتلهم فقلت اسيبها تهدأ وبعدها نتكلم وافهم منها ايه اللي مدايقها بالضبط
بعدها بيومين فتحت معاها الموضوع تاني ولقيتها مصممة على موقفها. انا عارف اني مكنتش ديما الزوج المثالي بس كمان مش بشع للدرجه اللي ممكن تخلي مراتي تشيل عليا كل دا.
هي اشىتكت اني مقصر معاها في الماديات مع ان معايا فلوس بس بضيعهم على اهلي وعلى صحابي ورفاهيتي زي اني اجيب لابتوب جديد كل سنة. قالت اني كريم مع كل الناس الا معاها وانها مش فاكره اخر مره اديتها فلوس زيادة لمصروف البيت بدون زعىيق وخنىاقات وانها بقالها شهور بتكمل مصروف البيت من مرتبها عشان بس تتجنب الخناق والزعل
قالت كمان اني مىقصر معاها حتى في الجانب العاطفي ومش حاسه ان عندها سند في الحياه ولا لاقيه مني اي احتواء او شراكة واني بتعامل مع البيت زي ما بيكون فندق لازم الاقي كل طلباتي جاهزه بس عمري ما اسأل نفسي هي والولاد محتاجين مني ايه. قالت كلام كتير جرحني اوى وحىسسني ان مفيش امل تكمل معايا.
حاولت اعقلها وقلت اني اتفهم الضىغوط اللي هي حاسه بيهم بسبب وضع مامتها عشان بتتعالج من الكانسر والبيت عندهم مقىلوب ومراتي هي البنت الوحيده وبتحاول تساعد ابوها واخوها بس هي ردت ان تعب مامتها هو اللي فتّح عينها عالحياه اللي هي عايشاها معايا وانها لما لقت نفسها مش هتستحمل الىضىغوط دى كلها قررت اني انا اللي مسىتاهلش تضغىط نفسها عشان تكمل معايا وانها ناوية في الفترة الجاية تعيد ترتيب حياتها وهتهتم بالولاد وباهلها وشغلها ونفىىسيتها ومفيش مكان فاضل ليا في حياتها
انا عارف ان ليا عيىوب زيي زي اي بني ادم وانها كانت مستىحمله عيوبي زي ما امي عاشت عمرها تستحمل عيوب ابويا وزي ما اختي عايشه عمرها تستحمل جوزها وانا والله كنت بقدر انها فعلا مستحملاني بس قرار هدم البيت بالسهولة دي مش قادر استىوعبه. هي شايفه انها مش محىتاجاني خالص ولا حتى لشقتي عشان اهلها عندهم بيت عيله وليها شقه فيها وعشان بتشتغل ومن فترة زودولها المرتب وكمان ابوها وضعه المادي كويس ومش هيقصر معاها.
بس هي مفكرتش في الولاد خالص. بقولها ولادي محتاجين لابوهم في حياتهم حتى لو انتي مش محتاجاني قالتلي انت حر لو عايز تفضل ابوهم او تنفضلهم بس انا مش هعيش معاك عشان انت تفضل في حياتهم
الفتره دى كلامىي معاها قليل وانا مجىروح منها جدا وعارف انه مش فارق معاها اني مجروح عشان هي فاكره انها هتمشي وبتحاول تنظم حياتها عالاساس دا بس انا بحاول اشوف ايه اللي اقدر اغيره في العىيوب اللي قالتها وبرجع البيت بدري وبقعد معاها ومع الولاد وبجىيب حاجات للبيت حتى من غير ما تىطلب وجبتىلها هدية بمناسبة العيد وطبعا ولا فىارق معاها
