كنت مرتبطة بابن عمي من وانا 17 سنة وانا ناو 22 .اتقدملي شخص عنده تقريبا 40 سنة مطلق بس حد واصل جدا وغني وماما فضلت تلعب ف دماغي عشان اوافق وعشان اخلص من زنها قولتلها اني اصلا مرتبطة بابن عمي وهنتجوز لما يخلص كلية فضلت تأنب فيا وانتي وحدة غبية ده لسة ف رابعة طب يعني قدامة 3 سنين تاني غير نيابة وجيش وفين وفين عقبال مايجهز نفسه عارفة وقتها هيبقي عندك كام سنة ومفيش حاجة اسمها حب وبعد الجواز كله واحد واللي بيمشي الدنيا الفلوس اعقلي كده واختاري صح.. للاسف اتأثرت بكلامها اللي كان جزء كبير منه صح وراحت هي كلمته وقالتله كل شئ نصيب وهي مش نصيبك وبعدها اتخطبت..
بس محستش اني مبسوطة ومرتاحة ومهما عمل وجاب ف هدايا مش قبلاه ومفيش حاجة منه بجد تسوي لحظة خناقة مثلا عشان لبسي مش عاجبه او لحظة غضبي منه لما اعرف انه رجع للسجاير واتضايق بجد كلها كانت حاجات بتضايقني بس نفسي ترجع تاني ومش عاوزة اي حاجة تانية .. مقدرتش استمر ف الخطوبة وفسختها وحاولت اوصله وكنت ناوية انشالله ابوس رجله عشان يسامحني وقولت انسي حاجة اسمها كرامتك ومهما عمل فيكي استحملي.. رحتله الجامعة بعد ماحاولت اتصل بيه بالمية مرة مبيردش وفضلت اسال ع ميعاد محاضراته لغاية معرفت اوصله وقابلني وقتها ببرود رهيب كنت متوقعاه وقولتله كل حاجة ف نفسي واني مش قادرة اتوقع نفسي مع حد غيره واني مستعدة اعمل اي حاجة عشان تساحمني رد ببرود قالي اي حاجة حسيت ف طريقة كلامه ايىحاء لحاجة معينه ولقيته بيقول انا عارف ان الفلوس بتغري بردو وحقك بس انا زي مانتي عارفة مش معايا اكتر من 100 جنيه ف جيبي يكفوا مرة وحدة ولا ايه ؟!.
فهمت من طريقة كلامه انه عاوز يوصلي اني رخيىصة وبعت نفسي للفلوس والكلام ده وطريقتىه بجد كانت اهانه لابعد الحدود بس انا كنت عاهدت نفسي اني هستحىمل منه اي حاجة وحاولت اعتذر منه وانها كانت فترة طيش ومكنتش عارفة انا بعمل ايه لقيته بيقولي طب 150 كويس !. ماهو بصراحة اكتر من كده تبقي طمىاعة انتي اصلا اخرك 50 جنيه بس انا مكارمك عشان انتي بنت عمي ولو موافقة البيت فاضي النهارده اتصرفي وتعالي وابقا نتكلم ف كل اللي عاوزة تقوليه براحتنا .قالها بطريقة فيها ايحىىاء مىقرف وقررت اني مش هنزل بكرامتي اكتر من كده وسبته وانا مكىسورة ومىتهانه ابىشع اهانىىه وخسىرت كل حاجة واولهم نفسي وكرامىتي !!
