السلام عليكم لو سمحتم اقروا كلامي واحكموا بالعدل فيه بالله عليكم وتقولولي على صفحه ازواج لكن سعداء اعمل ايه ،احنا اربع اخوات تلات بنات وولد ابويا وامي ما توا ورا بعض في نفس السنه وبينهم يادوبك تلات شهور ،في اتنين مننا متجوزين اتنين اخوات وقرايبنا ،واتنين تانيين انا اللي مخطوبه واخويا لسه مخطبش ومن يوم مو،ت امي وابويا واخويا حز،ين ومهمو،م وبدأ يشرب سجاير واللي مكنش بيشربها ولا يعرف طريقها طول ما ابويا وامي عايشين ،المهم عشان مطولش عليكم انا جيت اجهز نفسي لاني انا اللي مخطوبه ومع الغلا اللي احنا فيه ومعاش ابويا بيكفينا بالعافيه لاني انا بس اللي باخدوا ،فجوز اختي الكبيره فكر في فكره اننا نبيع شقه ابويا وامي اللي احنا عايشين فيها انا واخويا وعشان هي موقعها كويس فحتجيب مبلغ حلو ،فعلا بعناها واتقسم نصيبنا بالعدل اختي الوسطانيه اخدت جزء وجوزها كمل وجبلها شقه تمليك لانهم كانوا عايشين في ايجار ،واختي الكبيره وجوزها اخدوا جزء بس عشان جوز اختي مش معاه فلوس فأخد نصيب اخويا وحطهم في شقه تمليك وقال ان اخويا يعيش معاه ولما يفكر يتجوز يا جوز اختي يسبله الشقه يا يديله نصيبه فلوس ،وانا اخدت نصيبي وجهزت بيه نفسي واتجوزت والحمد لله ،بس اللي حصل لاخويا بعد كده صدمنا كلنا اننا اتفاجأنا انه بدأ ياخد ……
مخدرات من كتر حزنه على ابويا وامي وانه شايف ان الدنيا بقيت وحشه وسوده ومفيش مستقبل قدامه فجوز اختي الكبيره اكراما لذكرى والدنا وانه كان دايما بيساعده فكر انه يدخل اخويا مصحه عشان يتعالج وفعلا سعى في المشوار ده واخويا دخل واتعالج الحمد لله لانه يعتبر في بدايه المشوار وبعد كده سعى له في شغل عشان يشغله عن انه يرجع تاني للقرف ده واخويا اشتغل وربنا كرمه وقابل بنت الحلال وتيجه هنا بقى المشكله ان اخويا طالب جوز اختي بفلوس ورثه في الشقه فطلع جوز اختي قالوا اجبلك منين انا صرفت على علاجك وانك انت كنت عايش عندي كتير وده قصاد ده فاخويا كلمني وحكالي فعملنا قعده عشان نعرف الدنيا ايه وفي القعده جوزي اتكلم وقاله بس ده مكنش الاتفاق من الاول حرام عليك اللي انت بتعمله يا تديله شقتك يا تبيعها يا تديله نصيبه فلوس ومع جدال عرض جوز اختي الشقه للبيع وجابت رقم حلو اوي فعطى اخويا نصيبه من غير المكسب فأنا هنا بسألكم في صفحه ازواج لكن سعداء مش ده كده حرام كان لازم يديله نصيبه من الشقه بالمكسب وخصوصا ان اخويا عشان هو ولد فنصيبه كان اكبر في الشقه وهو ده الخلاف اللي واقفين عليه وجوز اختي مصمم على رأيه والا حيطلق اختي وطبعا عمال طول الوقت بيرمي كلام عن اننا مساعدناش وقت ما كان اخويا تعبان وانه هو الوحيد اللي كان واقف جنبه ياريت تقولولي الحل ايه واسفه على الاطاله
