السلام عليكم محتاج رأيكم
دلوقتي انا روحت اشوف بنت رؤيه شرعيه حد قالنا عليها في بيتها
المهم هي مقبوله شكلا حلوه يعني وقوامها حلو بتروح جيم وواضح أن اسلوبها مهذب المهم تحسها هانم ف نفسها كده ع الرغم أنهم ناس بسيطه اجتماعيا وماديا عني وده من موضوعي وده الي لاحظته من طلتها وطريقه ف السلام والكلام مع اختي
المهم لما سابونا لوحدنا نتكلم
هي ٣٥ يعني حد ناضح وانا ٤٠
لقيتها بتقولي اتفضل انا سمعاك مع انها واضح ع وشها الكسوف بجد وقالتلي أنها بقالها فتره كبيره مقعدتش مع حد لظروف عائليه عندهم وده سبب تأخير زواجها
قالتلي اعرفك بنفسي انا فلانه شغاله كذا بنت كذا اهلي كذا
وبحب الوضوح
ف مجمتعنا بنت ف السن ده تعتبر فاتها قطر الجواز خلاص
عشان كده انا محتاجه حد ابقي ف امان معاه ومش مستعده اغامر ف علاقه ف السن ده فياريت حضرتك تكون واضح وصريح معايا م البدايه بحيث بمنتهي الامانه لو مناسبين نكمل ولو مش مناسبين محدش فينا يخسر
قالتلي كمان انا مش هتنازل عن كتابه قائمه بحاجتي حاجتك لا ولا مش عاوزه مؤخر انا مش عاوزه أطلق
والمهر والشبكه انتو حرين فيه مش ف بالي
قالتلي عاوزه شقه افرشها ع ذوقي بسيطه وهاديه
و عاوزه راجل متربي عشرين مره يحترمني ويكبرني
واقول عليه احسن راجل ف العالم
واكون خدامه تحت رجليه مع أن تعليمها عالي جداا جداا ع فكره
عاوزه راجل هادي ومتزن مش عصبي
ممنوع يطول لسانه عليا ممنوع يمد أيده عليه
ممنوع يغلط ف اهلي الناس البسطاء الي ع قدهم
لان اي اهانه انا هنهي العلاقه دي فورااا
وقالتلي عاوزه حد يشوفني احسن بنت ف العالم
هو كلامها منطقي
بس انا ع الرغم من اعجابي بيها وبشخصيتها ليه خفت من الحوار ؟؟
ومحتار ومصدوم حسيتها قويه جدا وف نفس الوقت ضعيفه مش عارف اي ده
بس هي مناسبه ف السن والعلم والعمل هي كويسه ومحترمه جدا بشهاده الكل بس كلامها حسيته غريب
ايه رئيكم
اللهم إنا نسألك زيادة في الأيمان وبركة في العمر وصحة في الجسـ،ـد وسعة في الرزق وتوبة قبل المـ،ـوت وشهادة عند المـ،ـوت ومغفرة بعد المـ،ـوت وعفواً عند الحساب وأماناً من العـ،ـذاب ونصيباً من الجنة وارزقنا النظر إلى وجهك الكريم، اللهم ارحم مـ،ـوتانا ومـ،ـوتى المسلمين واشفي مرضانا ومرضا المسلمين
اللهم اغفر للمسلمين والمسلمات والمؤمنين والمؤمنات الأحياء منهم والأمـ،ـوات. اللهم من اعتز بك فلن يذ،ل ومن اهتدى بك فلن يضل ومن استكثر بك فلن يقل ومن استقوى بك فلن يضعف ومن استغنى بك فلن يفتقر ومن استنصر بك فلن يخذل ومن استعان بك فلن يغلب ومن توكل عليك فلن يخيب ومن جعلك ملاذه فلن يضيع ومن اعتصم بك فقد هدي إلى صراط مستقيم اللهم فكن لنا وليا ونصيرا وكن لنا معينا ومجيرا إنك كنت بنا بصيرا.
