السلام عليكم ورحمة الله وبركاته
(الابن الغلط هو اللي مـ,ـات) دى الجمله اللي قالهالي بابا علي الفـ,ـطار النهارده
القصه باختصار من ١٠ سنين ان اخويا الله يرحمه كان لسا داخل جامعه و مشي في سكه وحشه من ادمان و حقن و في الاخر توفاه الله ، طبعا فيه احداث كتير من مصحات و هروب و سرقه و ما الي ذلك بس ربنا يرحمه و يغفرله و يتجاوز عن اخطائه
من اليوـ,ـم ده و ابويا محملنى مسئوليه وفـ,ـاته ، انا اللي مخدتش بالي منه ، انا اللي مطمنتش عليه ، انا اللي مصـ,ـاحبتوش ، انا اللي مطبطبتش عليه ، مع انى كنت ساعتها شاب عنده ٢٠ سنه ميعرفش حاجه عن المسئوليه اصلا و عايز اللي يطبطب عليه هو كمان
بس انا متفهم ان ابويا كان بيدور علي شماعه ، حد يشيل المسئوليه عنه علشان يريح ضميره و يعرف ينام بليل و هو عارف انه مش هو اللي قصر ، انا اللي قصرت!
فضلنا كدا سنين علاقتنا بتبوظ يوم عن يوم لحد ما اتخرجت و سبت البلد و سافرت و بقيت باجي في المناسبات كـ,ـضـ,ـيف كدا اولا علشان امي ملهاش ذنب ثانيا من باب الامل انه يكون سامحنى المره دى و نرجع تانى زى الاول
النهارده انا مكنتش جيت مصر بقالي ٣ سنين و لما نزلت قعدت في شـ,ـقتى علشان وجودى في البيت بيضايقه بس ماما طلبت اروح افطر معاهم و علي اد ما كنت متحفظ جدا و مش عايز افتح اي مواضيع و عامل حسابي مطولش عن ساعه علشان مضايقوش ، افطر و اسلم عليهم و اديهم الهدايا و اتوكل علي الله بس هو مستنانيش اكل حتى علشان يقولي الجمله دى
و مع انى متفق معاه ان الابن الغلط هو اللي مات فعلا لان اخويا كان مقبل علي الحياه و دايما بيضحك و عايز يسافر و يجرب حاجات و انا كنت عكسه دايما مكتئب و مش عايز اخرج و مش مهتم باي انجازات فواقعيا وجوده هو كان يخلي البيت افضل من وجودى ، بس ربنا ليه حكمه في الموضوع و حقيقي مزعلتش من الجمله علي اد ما زعلت
انى قفلت الباب ده تماما ، هو عمره ما هيصفي ، انا اللي قعدت ١٠ سنين في وهم ان المره الجايه هياخدنى بالحضن فانا اخدت قرار انى مش جاي تانى ابدا و ده اللي مزعلنى ، حاسس انى بقيت فجأه بلا هويه معنديش اهل ، معنديش بيت ارجعله ، مصر بالنسبه ليا مؤلمه جدا فحاسس انى هعيش و هموت برا مصر لدرجة انى لما ربنا يفتكرنى مش هيلاقوا حد يبلغوه بخبر وفاتى اصلا
