📩- مشاكل مجتمعية …
السلام عليكم ورحمة الله بدون
أسم من فضلك هحكي حكايتي
وانتم تحكموا بما يرضي الله مش هزعل من أي رد دلوقتي انا كنت خاطب وأمورنا كويسة سافرت بره علي ماتخلص تعليمها كان فاضلها سنة وتخلص كلية مخطوبين صالونات مش حب ولا كنا نعرف بعض اصلاً جه أبن خالتها ف نفس المكان اللي بشتغل فيه وبما إني أقدم واحد في الأصطف كله صاحب الشغل خلاني سوبر فيزر عليهم والحمد لله مفيش بيني وبين اي حد مشكلة جبت أبن خالتها معايا واخدنا شهر ونص كله تمام انا وهو بس في السكن لوحدنا هو بيخلص قبلي وعلي ما انا اظبط الحسابات لصاحب الشغل بيكون راح قبلي بساعة ونص تقريباً في يوم روحت زي أي يوم عادي دخلت الشقة لقيته نايم سايب فونه ع الشحن لقيت
المسنجر بيرن وانا والله بحسن نية قلت أشوف مين يكون حد من أهله هرد أقولهم نايم زي ماهو بيعمل ويرد علي أهلي أتفاجي الاقيها خطيبتي سبت الفون يرن عادي عملته صامت بس لقيتها بعد كده بتبعتله رسايل تقوله رد عليا قبل ما فلان يجي عاوزة اتكلم معاك شوية مش بعرف أكلمك وهو جنبك بصراحة كنت بقول يا ارض انشقي وابلعيني وقتها سكت شوية بعد ساعة لقيتها بترن تاني برضو عملته صامت بعتت رسالة بتقوله يا فلان أصحي وحشتني اوي عاوزة أطمن عليك يا حبيبي والله العظيم ده اللي شوفته بالنص تمالكت أعصابي بالعافية وبرضو سكت شوية هو صحي لما بص ف الفون لقي رنات كتير بيقولي أختي رنت كتير ربنا يستر وبعدين دخل اوضته قالي هكلم البيت في نفس الوقت فضلت ارن عليها الاقيها ويتنج فضلوا تقريباً ساعة إلا ربع بيتكلموا جيت كلمتها شوية بقولها كنتي أنتظار مع مين قالتلي كنت بكلم صاحبتي بطمن عليها عديت الموضوع وجه أخر الليل عملت نفسي نايم وأعصابي متوترة جداً مش عارف أعمل إيه لقيته دخل اوضته
وسمعته بيتكلم معاها سمعت جملة ما ترنيش تاني غير لما فلان ما يكونش موجود او نايم او انا ارن عليكي وكلام كتير يعني المهم سبته خالص ودخلت الفجر كده اوضته فتحت فونه كنت عارف الباسورد عملت زي تسجيل شاشة بعته لنفسي وحزفت الرسالة من عنده بس من جهته هو بس عشان ما يحسش عدي علي الموضوع ما يقارب شهر دلوقتي وانا ما بقتش طايقهم خالص ابن خالتها نزل أجازة 4 شهور هي طلبت اننا نفسخ عشان ما بقتش أهتم وي وي الخ قولتلها ماشي بس اخد شبكتي قالتلي لا طالما انت موافق بدون اي حاجة خلاص ملكش حاجة عندي وأخوها الكبير نفس الكلام اللي قالهولي هي قريبة والدتي بس من بعيد ولغاية دلوقتي رافضين يدوني شبكتي مع العلم ما قصرت معاها في أي حاجة وخلوني جبت ب 90 الف دهب بس وكانوا بيتشرطوا عليا قلت مدام لخطيبتي عادي دي هدية مني ليها ويعلم ربنا تعبت إزاي علي ما جمعت الفلوس دي دلوقتي مش عارف هل ابعت التسجيل ده لأخوها وليها ولبابها ولا إيه عشان بجد اتخنقت وسايب ده أخر كارت أهلها صعبين جداً ولو وصلهم حاجة زي دي هيأذوها هي وابن خالتها وانا عايز انسحب بهدوء .
