السلام عليكم
انا متزوج زواج صالونات زوجتي مكنتش اعرفها قبل كده واتعرفت عليها وكتبت كتاب وسافرت ولما نزلت دخلت علي طول
انا متزوج من 4 سنين بعد اول سنه من الزواج رزقني الله بطفل كنت عايش كويس وفي امان الله بدات مراتي تقصر معايا في حقوقي بسبب الحمل والتعب وكده وبرضو كل اسرار البيت عند حماتي نزلنا جبنا ايه وقالي ايه وقولتله ايه وحماتي ساكنه جنبنا وانا تعبت وانا راجل بسبب ظروف شغلي بسافر كتير المهم الشيطان غواني وعرفت واحده علي مراتي وخطبتها ومراتي خلفت ومعملتش حاجه حرام معاها او مع غيرها المهم مراتي عرفت وطلبت الطلاق وابني لسه مكملش 6 شهور مردتش واخترت اني ارجع لبيتي وابني وسبت خطيبتي المهم قعدت مع اهل مراتي قالولي عاوزين نضمن حقها لو اتجوزت عليها وعشان نضمن انك متعملش كده تاني قلتلهم ازاي قالولي تمضي علي ايصال امانه مع العلم ان مؤخرها 50000 ج ومش ماضي قايمه بالعفش وكان عندي سفريه واحتجت فلوس وزوجتي سعدتني ب 24 جرام دهب المهم مضيت علي ايصال ب 24 جرام دهب ووصل تاني ب مائة الف ج
دول لضمان استمرار الحياه الزوجيه
بعد تقريبا سنه من الموضوع ده وانا عايش كويس مع مراتي وابني بنت عمتي بعتتلي علي الواتس ازيك يا قلبي عامل ايه طمني وانا اصلا مبكلمهاش من كتير المهم مراتي شافت الرسايل وافتكرت في حاجه بينا مع انها متزوجه وعندها اطفال وبدات المشاكل قعدت مع اهلها طلبو مني اسيب البيت شويه لحد ما تهدا مراتي وبعد كده نشوف لو هي عاوزة تكمل او تطلق وانا سبت البيت وكنت ببعت لمراتي رسايل اصالحها بيها وكده لحد ما عملتلي بلوك علي كل حاجه واتنقبت عليا وامها عملتلي بلوك وابوها كل ما اكلمه يهرب مني اصلي في الشغل حبقا اكلمك وكده وفي الفتره دي فقدت الاتصال بيهم حتي ابني مبقتش ببعتله مصروف ده لاني مش بعرف اتواصل مع حد في اول الشهر جالي قـ,ـضيه علي البيت بإيصال الامانه ب 24 جرام دهب وبعدها بكام يوم جالي نفقه مسكن وصغير وزوجه وكلمت المحامي بتعهم وقلتله احنا اهل وياريت يتحل الموضوع ودي بدون محاكم
وبعد كده عمها كلمني وقابلته وسألني عاوز تعمل ايه قلتله نحل الموضوع ودي بس انا عاوز ابني ومراتي ايه رايكم لو وافق ارجع لمراتي وابني والا انفصل واضحي بابني مع العلم بردو انا عايش في شقه حمايا ايجار جديد بس هما مش ساكنين في البيت بس جنبهم مش بعيد وانا مبقتش عارف اعمل ايه ارفع قضايا عليها والا احاول ارجعلها عشان ابني والا اطلقها ومفكرش في ابني والا اعمل ايه
اسف علي الاطاله ورجاء الافاده
