رواية ظلمني من أحببت بقلم زهرة عصام

الحلقة الثالثة

أسيل خرجت من الاوضة و قالت لحامد حاجة خلته يزعل

أسيل: بعد اذنكم يا جماعة انا هنزل أشتغل مش هينفع أقعد هنا كدا من غير شغل ..

حامد بزعل: ليه بتقولي كدا يا ست أسيل هو حد كان داس ليكي على طرف

أسيل: معلش يا عم حامد أنا لازم أصرف على نفسي و على الي في بطني

تفيدة بصدمة: إنتي حامل يا بنتي

أسيل بحزن: للأسف أيوة

منه: طب و جاسر بيه يعرف إنك حامل

أسيل: لا ميعرفش حنان هانم هي اللي تعرف و كملت بسخرية كانت عاوزه نعملهاله مفاجأة و انا الغبية اللي مشيت وراهم كانت بتخطط لـ موتي و انا معرفش

تفيدة: منها لله تدوق عملها قبل ما تموت و تشوفه قدام عنيها

منه: طب و إنتي هتشتغلي إيه يا أسيل

أسيل: اي حاجه يا منه مش هتفرق ممكن أقف في محل ملابس أو حتي ادي دروس بس هتبقي صعبة شوية الدروس دي

منه: صعبة ليه مفيش حاجه صعبة بعون الله انا هنزلك إعلان في الحارة و كل الحارة تيجي تاخد عندك درس هما هيلاقوا أحلي و اشتر منك فين يعني

أسيل بتنهيدة: ربنا يقدم اللي فيه الخير يا منه هقوم انام شوية معلش

دخلت الاوضة و قفلت على نفسها و هي بتعيط

ليه يا جاسر تعمل فيا كدا ليه دا انا حبيتك نامت و دموعها على خدها مش مبطلة نزول

——— اذكروا الله ———–

يُسر بتوتر : هو بيتصل دلوقتي ليه بصت لمامتها و قامت عشان ترد بعيد عنها

ياسر: الو يا هانم مبترديش عليا ليه وإلا اخدتي غرضك و خلاص لا اصحي انا ممكن اروح أحكي لجاسر كل حاجه

يسر: ايه اللي أنت بتقوله دا بس يا ياسر و بعدين أنت كل شويه هتهد*يدني عاوز تروح تقوله روح بس عارف ايه اللي هيحصل جاسر هيقتـ*لني انا و انت

ياسر: قولي كدا بقي انتي خايفة على نفسك بس لا يا يسر هقوله و اللي يحصل يحصل

يسر بزهق: انت عاوز ايه دلوقتي يا ياسر

ياسر: اجي اخطبك امتي يا هانم هو مش دا كان اتفاقنا بعد طلاق جاسر و أسيل اجي اخطبك

يسر : بس هما لسه مطلقوش بس يا ياسر اقفل دلوقتي عشان انا مصدعه سلام و قفلت الخط و هي بتنفخ و بتقول يا اخي يخربيت رخامتك لولا الحوجة مكنتش بصيت في وشك حتي

——— اذكروا الله ———–

ياسر: بتقفلي في وشي يا بنت الكـ*ـلب يا ويلك اللي يكون في بالي صح و كنتي وخداني كبري عشان توصلي لـ جاسر صدقيني هقلبها دمار على الكل و اخلي جاسر بيه يعرف حقيقة أمه و خالته المحترمة

——— اذكروا الله ———–

أسيل كانت نايمة بس صحيت من نومها عطشانه خرجت تشرب و رجعت تاني تحاول تنام معرفتش اكتشفت انها نامت من كتر العياط مش اكتر قعدت تفتكر ايه حكايتها مع جاسر و إزاي وافقت على الجواز

فلاش باك

ثريا: ها يا أسيل فكرتي يا بنتي

أسيل بتنهيدة: ما بلاش يا ماما انا مش مطمنه انتي شوفتي مستواهم إزاي و احنا عيشيتنا إزاي

ثريا طبطبت عليها و قالت: يا حبيبتي دول دمنا اكيد هيخافوا عليكي وافقي عشان خاطري نفسي افرح بيكي قبل ما امـ*ـوت

أسيل: مش انتي كدا هتبقي مبسوطه انا موافقة يا ماما

و كملت في سرها بخبث: تشرف يا عريس الغفلة

——— اذكروا الله ———–

جاسر كان قاعد بيفتكر هو كمان ازي وافق على الجواز منها

فلاش باك

إسماعيل: ها يا جاسر أخدت قرار

جاسر بتوتر: ما تجيبها تعيش معانا يا بابا و خلاص مش لازم جواز

إسماعيل: يا إبني انا مش هعيش العمر كله عاوز اطمن عليها و أصون أمانة اختي قبل ما أموت

جاسر بتنهيدة: بعيد الشر عليكي يا بابا طلما هتبقي مبسوط كدا انا موافق و كمل في سره مش هخسر أبويا عشان واحدة مشفتهاش أصلا بس هخليها هيا اللي ترفض كدا أبان في الصورة جيتنل مان و هي اللي تشيل الليلة

يتبع….

الحلقة الرابعة

ثريا: يا أسيل اجهزي يا حبيبتي أنا كلمت خالك و قال هيجي يخضبك بكره لبنه لولولولوي

أسيل: انتي لحقتي يا ماما دا لسه قايلة موافقة من نص ساعة

ثريا: خير البر عاجلة يا بت

أسيل: اه ماشي ماشي يشرفوا طبعاً

مسكت تليفونها و قعدت تكتب الخطوات اللي هتعملها تحت عنوان كيفية تطفيش عريس الغفلة إبن خالي العزيز

——— اذكروا الله ———–

إسماعيل: هنروح بكره نخطب أسيل يا جاسر

جاسر بصدمة: انت لحقت يا بابا دا لسه موافق مكملتش خمس دقايق

إسماعيل: خير البر عاجلة و أهو تتعرف على بنت عمتك و خطيبتك

جاسر بغيظ مكتوم: ماشي يا بابا و قال في نفسه انا هكلمها بالزوق عشان ترفض الجوازة دي

——— اذكروا الله ———–

تاني يوم جاسر لبس جلبية بيضه و خرج قال: انا جهزت يا بابا

إسماعيل: جهزت ايه انت هتروح كدا

جاسر: و فيها ايه يعني مش قد المقام مروحش أحسن

إسماعيل: بالجلبية يا جاسر دا انت مبتلبسهاش خالص احلوت النهارده

جاسر بعند: هو دا اللي عندي مش عاجبك خلاص مش رايح

إسماعيل بغيظ: عاجبني امشي قدامي

——— اذكروا الله ———–

أسيل: باااس كدا هو أول ما هيشوفني هينبهر بيا فهيقوم يغور و نفضها سيره عشان أنا فرهدت

ثريا: لبستي يا أسيل خالك على وجهها وصول

أسيل: أيوة يا ماما لبست و كملت بخبث يشرف يا حبيبي

إسماعيل و جاسر وصلوا و ثريا استقبلتهم استغربت من لبس جاسر بس معلقتس

ثريا: نورتنا والله يا جاسر يا ابني

جاسر: أنار الله وجهك عمتاه

إسماعيل بص لجاسر بصدمة من اللي بيقوله و مش عارف يعمل ايه

ثريا: ها اه الله يراضيك يا حبيبي و بصت لـ إسماعيل و هي بتقول خد راحتك يا جاسر يا إبني على ما اكلم أبوك كلمتين

جاسر: أراح الله قلبك و عظم شائنك

ثريا مسكت إسماعيل من ايده و خدته على جنب و جاسر كاتم ضحكته بالعافية

ثريا: هو إبنك بيتكلم كدا ليه يا إسماعيل ليكون يخويا

إسماعيل قطع كلامها و قال: لا اوعي تفهمي غلط هو إبن كلـ* ـب أساساً انا عارف هو بيعمل كدا ليه بصي متخديش على كلامه ولا أي حاجه هيعملها إنتي مش واثقه فيا

ثريا: أيوة يخويا بس

إسماعيل: مبسش تعالي نعقعد انا و انتي هنا و نادي على أسيل يقعدوا مع بعض

ثريا: ماشي

راحت لاسيل الاوضة خبطت و قالت يلا يا أسيل عشان تودي العصير

أسيل: طب روحي انتي يا ماما انا هعصلك

أسيل و هي بتستعد: استعنا على الشقا بالله دي بينها ليله عنب

و خرجت شالت الصنية و دخلت لـ جاسر

أسيل و هي داخل باصه في الأرض كانها يعني مكسوفة و هي بتضحك من تحت النقاب اللي هي لبساه

حطت الصنية و قالت: اتفصل

جاسر: زادك الله من فضله

أسيل لما سمعت كلامه بصتله بدهشة و ضحكت من تحت النقاب و هي بتقول: دي بينها احلوت قوي

جاسر باصص في الأرض و بيقول دا الوقت المناسب إللي افتيحها فيه