اتخطبت صالونات من اسبوعين وامبارح خطيبى ومامته كانوا بيفطروا عندى وكنا عاملين ماشاءالله اكل كتير من خيرات الله وكل لقمه حماتى تدوقها تقول الله ايه الطعامه دى دوق كده يا محمود ممممممم وتبص لى وتبص لماما وتقولى ده اكيد مش عمايل ايدك صح اقولها لا يا طنط أنا اللى عملتها تقولى تسلم ايدك دانتى احسن من الشيف شربينى راحت قايله محمود بيحب الملوخيه المتخرطه بتعرفى تعمليها قولتلها ايوه يا طنط طبعا المهم بابا اخد خطيبى وطلعوا على المسجد عشان العشا وبعد ما خلصت اكل قالتلى الاكل جميل تسلم ايدك يا حبيبتى انتى وماما بس أنا عديت على محشى الكرنب كده ما دوقتش كويس ممكن صوباعين قولتلها طبعا يا طنط تحت امرك وامى قاعده هتطق من اللى بيحصل بس عادى ده اكل ودول ضيوف المهم داقت منه وقالتلى هو انتى ليه مش بتعْلى الورق كويس اصلا حساه مِجلد كده ومش بيدوب فى البوء زى محشى ورق العنب طبعا أنا جبت عرق من كل حته ووشى جاب الوان قولتلها والله يا طنط ده طازه وبابا شارى الكورمبه من السوق انهارده قالتلى لا يا حبيبتى مش حلو وماما ساكته مش بتنطق مش عارفه ليه المهم قالتلى طب قومى زى الشطوره كده ولفيلى شويه رقاق وحبه محشى ورق عنب وحته بطايه عشان اخدهم وانا ماشيه لعمك الحج قولتلها عينى يا طنط
المهم قمت وانا على اخرى لفيت الحاجه ونسيت حته البطه وانا متوتره وروحت قولتلها اتفضلى يا طنط قعدت تدور فى الكيس وفتحت العلبه قالتلى هو انتى يا حبيبتى نسيتى تحطى البطه ليه
قامت ماما ردت وقالتلها هو فيه ايه يا ام محمود هو مش انتو كلتو بالهنا والشفا وعزمنا الحج اعتذر عشان تعبان ايه لزمته الاكل ده وكمان زعلانه من البنت عشان نسيت تحطلك منابها فى البطه ماشى يلا يا حبيبتى اتفضلى وبالهنا والشفا المهم قعدت وهى طلبت الحلو وقالت ليه مش عاملين كنافه قولتلها يا طنط الكنافه بقت شيء عادى أنا بحتفل بوجودك انهارده وجبنا حاجات اغلى قالتلى لا يا حبيبتى أنا عايزه كنافه ولا انتى بتعايرينى انك جيبالى حاجه غاليه تحرم عليا والله ما واكله منها وطبعا أنا قاعده مكتومه وماما كذلك
المهم خطيبى رجع بقى مامته قابله وشها قالتله يلا يا محمود نروح قالها طيب يا ماما استنى حتى اقعد شويه مع عمى قالتله لا يلا نمشى
المهم بفهم وبحكى لخطيبى بليل اللى حصل قعد يضحك يقولى معلش استحمليها اصلها بتحبك اوى وبتتمنى مرات ابنها تبقى مهتمه بيها وكده والموضوع تمام وخلاص
ببص لقيته بيكلمنى انهارده قبل الفطار بيقولى كل شيء قسمه ونصيب
مش عارفه فيه ولا أنا عملت ايه وارن عليه ما يردش يا جماعه بجد فهمونى أنا غلطت ف ايه أنا خايفه اقول لبابا عشان الدنيا ما تبوظش وماما حاسه ان فيه حاجه بس أنا ما اتكلمتش معاهم وكمان دى تالت خطوبه ليا
حد يقولى اعمل ايه
