2
انا عاوزك انتي
وفجأة طلع منديل من جيبه وحطه على وشها
صرخت وحاولت تقاوم وتقاوم وهو بيضمها ليه
وبعد شويه ابتدت قواها تضعف والدنيا تلف بيها
والرؤية تقل بالتدريج
وهو شالها بين ايديه ودخل بيها جوه المقابر
وهي مستسلمه تماما فاقدة الحركة والسيطرة على نفسها
ورايحة معاه لمصير مجهول ومخيف
قبلها بساعة
على قهوة بأطراف قرية جهاد كان مرعي قاعد مع صاحبه سيد
ايه يا عم الزهق دا مفيش حاجة جديده
في ايه بس يا مرعي ..مالك الليلة دي مقريف كدا
اتخنقت ..مفيش شغل ولا فلوس ولا نسوان
طب مانت اللي سبت التاكسي
ياعم هي دي شغلانه بفضل بال ١٤ ساعه مكفي على الدركسيون لغاية ما ضهري اتقطم
وغير المناهده مع الزباين ع الاجره وحاجه تقطع القلب
وكمان صاحب التاكسي راجل نتن ومش مقدرني
طب مانت برضو بتخنصر في الايراد
اعمل ايه ماهو اللي مبيفهمش
الف مره بقوله عاوزين نغير جوز الكاوتش اللي قدام
واظبط كام حاجه يقول بعدين
هو مش عاوز يصرف على عربيته
هبكي انا عليه وعليها ما يولعوا
على رأيك يستاهل راجل بقف ..طب وناوي على ايه
مفيش هدور على حاجه تاني القط بيها رزقي
طب واللي يدلك على شغلانه تانيه
فين لايمني عليها !
هظبط واقولك
حبيبي يا سيد انا تاعبك معايا
ياض احنا اخوات ..طول عمرنا ضهرنا في ضهر بعض
وبنقسم اللقمة بالنص
اخويا وصاحبي ..طب همشي انا بقى
على فين بس ؟
اهو مطرح ما رجلي توديني ..سلام يا سيد
ولع سيجارة الحشيش الأخيرة اللي كانت معاه
واتمشى وهو مخنوق وساخط على عيشته واوضاعه
لغاية ما قابل جهاد وهي راجعه من الدرس متأخر
بص حواليه وتأكد أن مفيش غيرهم في المكان
وقف على جنب وعدت من قدامه
مشي وراها وهو ناوي على الشر وبيقول جواه
شكلها سهره حلوه مع القطة دي
شالها بين ايديه دخل بيها المقابر ..وفضل يمشي
بيها وهي قلبها بينبض بسرعه
وكان بيبص لها بنهم وبياكل بعنيه كل مفاتن جسمها
سمع صوت نباح كلب ..وقف وبص وراه
شاف كلب واقف بيبص له وبينبح عليهم
غور من هنا ..امشي هتفضحنا
والكلب مستمر في نباحه
نزل البنت على الأرض ومسك طوبه ضرب الكلب بيها
جري وهو بيعوي والصوت بيتردد في كل مكان
شالها تاني واتلفت حواليه
وكمل مشي بيها كانت فاقت
وقالت ..ارجوك سيبني اروح
متخافيش منا هروحك
انت عايز مني ايه ؟
عايزك يا حلوه
طب سيبني… ابوس ايدك ارحمني
دموعها نزلت على خدها
متخافيش قولتلك هو انا هاكلك
وصل بيها لحتة فاضية اخر المقابر
كانت منطقة زراعية ..حطها على الأرض
وشغل كشاف موبايله عشان ينور المكان
وقرب منها وقال
يخرب بيت جمالك ..دا انتي جامده يا بت
انتي اسمك ايه
في اللحظة دي شهقت وهي بتبص ورا الشخص اللي خاطفها
اللي في نفس الوقت حس بأنفاس حد في ضهره
التفت وراه بسرعه وشاف …
يتبع
سيب لايك وكومنت عشان يوصلك باقي القصه
جهاد
Hamada M Nagi كتابة
جهاد ٣ والأخير
طب سيبني… ابوس ايدك ارحمني
دموعها نزلت على خدها
متخافيش قولتلك هو انا هاكلك
وصل بيها لحتة فاضية اخر المقابر
كانت منطقة زراعية ..حطها على الأرض
وشغل كشاف موبايله عشان ينور المكان
وقرب منها وقال
يخرب بيت جمالك ..دا انتي جامده يا بت
انتي اسمك ايه
في اللحظة دي شهقت وهي بتبص ورا الشخص اللي خاطفها
اللي في نفس الوقت حس بأنفاس حد في ضهره
التفت وراه بسرعه وشاف صاحبه
سيد هو انت
اومال مين يعني
يخرب بيتك وقعت قلبي في رجليا
بقى كدا عاوز تستفرد بالحتة دي لوحدك
ها ..لا ازاي بس انا
قرب منها وقال
مش احنا قولنا هنقسم كل حاجه بينا بالنص ولا انت ..
بص في عنيها وسكت فجأة
في ايه مالك يلا
اتفزع سيد واتنفض فجأة وعيونه جحظت وهو بيبص على جهاد
استغرب مرعي من ردة فعل صاحبه
وقاله باندهاش
ياض في ايه ..هي أول مره ليك
ولا انت خايف منها
دا حتى البت حلوه ولسه بخيرها
بلع سيد ريقه بصعوبه وهو بيشاور عليها
وقال
دي جهاد ؟
هو انت تعرفها
ايوه اعرفها طبعا ..دي بنت عم واحد صاحبي
انا عارفها ساكنين في بلد هنا جنبنا
بصت له جهاد بغضب شديد
فمرعي قاله
معنى كدا أنها عارفاك ..دي مصيبة كدا هتبلغ عنا
طب والحل ايه ؟
مرعي قال
الحل أننا بعد ما نخلص معاها وناخد اللي عاوزينه منها
نقت*لها ونتاويها
لا ياعم انا مليش في اللبش دا دي سكة عوء وممكن نتكشف
انا مش عاوز منها حاجه سلام
خد هنا يا جبان
مسكه من كتفه فالتاني ذقه
وقال شيل ايدك من عليا
ايه هتخلع وتسيبني
البنت قدامك اهي خدها انت الاول يا سيد
وانا قولت مش عاوز
سيبها تمشي .. فقالت جهاد
ايوه سيبني امشي واوعدك مش هجيب سيرتكم ابدا
بس اسكتي يا بت ولا كلمه
انت اتجننت يا سيد ..دي خلاص عرفت اسامينا
وحفظت اشكالنا..يعني كدا كدا فيها قضية وكلبوش
خطف انثى ومحاولة اغت*صابها
انا لا خطفت ولا لمستها صح ولا لا قولي
ايوه انت معملتش حاجه
بصلها مرعي
وقالت وانت كمان اوعدك مش هقول عنك لحد حاجه
ارجوك سيبني اروح زمان اهلي قلقانين عليا
نزل ع الارض ومسك شعرها وشدها منه وقال اخرسي خالص مش عاوز اسمع صوتك
عيطت وقالت انا اسفه خلاص بلاش تاذيني
وانت يلا يا جبان انت مش هتمشي من هنا
لا همشي ومش هتمنعني ..ولسه هيمشي
شده مرعي من كتفه
تعالى هنا يا جبان وضربه بكلمه في أنفه سال منه الدم
مسح سيد الدم بايده وقال هي بقت كدا
طلع مطواه من جيبه وفتحها وحاول يضربه بيها
مرعي رجع لورا ومسك ايد مرعي ولفها
وتنى دراعه جامد ..سيب يا سيد ولا اكسرلك دراعك
حاول سيد يقاوم ولكن ضغط عليه اكتر فصرخ بقوة ورماها من ايده ..ذقه مرعي ومسكها وهجم عليه
خبطه سيد برجله تحت الحزام ووقعه ع الارض
ولسه هيهجم عليه مسك مرعي شوية تراب ورماهم في عنين سيد ..مبقاش شايف ..جري على مرعي اللي استقبله بالمطواه في قلبه وقف سيد مصدوم وهو بيبص للمطواه المغروسه فيه وجهاد صرخت بصوت عالي أما انفجر الدم من سيد ووقع ع الارض جنبها جثه هامدة
في اللحظة دي مرعي فاق وانهار جنب جثة صاحبه
واستغلت جهاد انشغاله وجريت بسرعه ع المقابر
لغاية ما فاق مرعي واكتشف هروبها وجري وراها
وهي بتجري بكل قوتها وهو بيطاردها والشر متمكن منه
وناوي على اذاها
وبعدها وصل لأول مدخل شارع المقابر والبنت اختفت
وملهاش أثر
كان في شجره على جنب الطريق
واقفه جهاد مستخبيه وراها ..اول ما قرب منها مرعي
لفت وراه ومسكت حجر كبير ونزلت بيه على دماغه
طب ساكت في ساعتها ..وهي كملت جري على بيتها
وهي بتحمد ربنا اللي نجاها من الشر
تمت
لايك و شير عشان يوصلك كل جديد
كتابة Hamada M Nagi
