ارجوكم الحقوني انا عريس جديد مهدد ان حياتي الزوجيه تنتهى
انا لسه متجوز في عيد الحب اللي فات بناء على اختيارها ان يكون جوازنا في يوم عيد الحب اصل مراتي دلوعه شويتين وانا بحب كده الصراحه بس المرادي حبيت اشاركم مشكلتي على صفحه ازواج لكن سعداء لاني من متابعينها وبحب اراء وافكار متابعين الصفحه اللي حيقولولي اتصرف ازاي وانا ساكن في بيت الدور الاول امي وانا عايش في الدور التاني
وامي بصراحه حابت توجب معايا اكمني عريس جديد وقالتلي كل يوم في رمضان حتنزلوا تفطروا معايا انا فرحت طبعا لان مراتي طبخلها لسه على قده انا مبقولش وحش بس مش بطال
المهم جينا تاني يوم ننزل نفطر فأمي طلبت من مراتي تساعدها في كام حاجه في المطبخ وكده كده اخواتي ومرات اخويا وخالتي معاها في المطبخ مش حيحملوها فوق طاقتها يعني واي حاجه مش عرفاها حتسالهم عليها
لغايه ما جيه معاد الفطار واتفرشت حته سفرة تحفه اووي وقعدنا كلنا مع بعض لان مفيش حد غريب بينا
وجيت امي توزع علينا الاكل بتبص كده لاقيت الصدمه اللي مكناش متخيلنها
لامؤخذه الجزء الاسفل بتاع الفرخه مش نضيف خالص اللي بيقولوا عليه (الزلموكه ) طبعا امي صوتت وقالت محدش ياكل يا جماعه ليه ياامي
قالت ادام الفرخه مش نضيف كده يبقى الاكل كله باظ قومنا كلنا ومحدش فينا حط لقمه في بطنه ولاقيت امي مسكت مراتي بهدلتها وقالت لها منك لله بوظتي الاكل اللي مكلفني شيء وشويات وكمان صايمين وقامت طردها قالت لها اطلع بيتك متورنيش وشك تاني
وراحت امي حالف عليه ان مراتي متنزلش تاني عندها وان انا انزل لوحدي افطر معاها من غيرها
انا طبعا مراتي صعبت عليه وعلى كسفتها قدام الكل بس في نفس الوقت مش قادر ارد على امي او اغلطها وفعلا كلنا اللي اكل جبنه وفي اللي روح بيته واليوم اتقلب عكننه
انا المفروض في المواقف اللي ذي دي اعمل فيها ايه
اعوض امي بأكله من بره عشان تسامح مراتي ولا اسكت وافوت والدنيا تهدى
طب ومراتي اعمل معاها ايه واراضيها ازاي على الاحراج ده ياريت الاقي جواب شافي على صفحتكم الموقره ازواج لكن سعداء عشان انا اول مره اتحط في موقف ذي كده بين امي وزوجتي
واسف على الاطاله
والسلام عليكم ورحمه الله وبركاته
