قصه عمارة أبليس 

 

 

القصه كاملة

 

أبطال القصة :

 

(حسن . محمد . خالد . أحمد)

 

انا اسمى حسن عندى 19 سنة

 

حكايتى ابتدت لما انا و صحابى تنسيقنا رسى على جامعة المنيا . أول سنة مكناش بنروح الجامعة عشان بيقى مشوار علينا و سفر

 

انما مع بداية السنة التانية قررنا نأجر بيت قريب من الجامعة و يبقى خاص بينا .لأن مساكن المغتربين كانت حاجة زبالة و احنا حالتنا المادية كويسة اوى و الحمدلله

 

دورنا على سمسار عشان يشوفلنا بيت صغير على قدنا . السمسار ورانا بيت قديم و شكلة عتيق كدة عبارة عن دورين و جنينة تقدر تقول فيلا بس على محندق

 

دفعنا المقدم و جيبنا الشنط بتاعتنا و البيت كان محتاج نضافة كتير أوى

 

لأنه زى ما السمسار قال ان البيت دا كان مهجور اكتر من سنتين و صحاب البيت هاجروا بره و عاملين توكيل للسمسار عشا يأجرها

 

المهم خلصنا تنضيف ع الساعة 11 بالليل صحابى التلاتة محمد و خالد و أحمد كانوا خلاص جابوا أخرهم و كل واحد دخل أوضته و نام ألا انا قفلت عليا أوضتى و شغلت اللاب شوية قبل ما انام .

 

و انا مندمج أوى مع اللاب فجأة !!

 

سمعت صوت خربشة فى الحيطة الى فى أخر الأوضة اه سمعت خربشة فى الحيطة تقولى ازاى اقولك الى حصل بدأت اقرى ايه الكرسى و الصوت مشى

 

صحينا كلنا تانى يوم و احنا بنهزر مع بعض و مبسوطين الا انا

 

بالليل حلمت ان زى ما يكون فى شيطان خانقنى و عايز ينتقم منى بس انا مكنتش عارف انا عملت أيه …..

 

بدأ حسن ينسى الحلم و يهزر مع صحابه و عدى تانى يوم ليهم و كل واحد غلبه النوم و كانت الساعة 1 بالليل .

 

الا حسن و محمد

 

محمد كان سهران مع حسن فى أوضته و قاعدين يضحكوا سوا و فاتحين الاب

 

مرة واحدة محمد و حسن سمعوا نفس الصوت بتاع امبارح

 

محمد : حسن انتا سامع الى انا سامعه ؟؟

 

حسن : اه ياحج سامعة و حصلى امبارح نفس الكلام بس قريت ايه الكرسى و نسيت الموضوع

 

محمد : لا الموضوع دا مش هاينفع يتسكت عليه مدام حصل معاك امبارح تعالى نولع النور و نشوف فى ايه …..

 

حسن و محمد ولعوا النور بس برده الصوت موقفش . و لقوا حاجة غريبة فى الحيطة الى طالع منها الصوت

 

لقوا الحيطة فيها دواير صغيرة حمرة و بارزة عن الحيطة

 

محمد كان فاكر ان الحيطة كدة هوا و حسن لان حسن مخادش باله امبارح من الدواير دى

 

المهم حسن و محمد نسيوا الموضوع لانه مكنش مرعب اوى يعنى كان بالنسبالهم حاجة ملهاش تفسير يبقوا يخافوا منها ليه

 

محمد راح على اوضته و حسن كمان طفى اللاب و نام

 

( اليوم الى بعده اول يوم ف الدراسة و كلهم كانوا ناويين يروحوا الجامعة )

 

كله صحى و راح الجامعة الا خالد عشان كان حاسس ان جسمه مكسر و كأن فى حد كان بيضرب فيه طول الليل !!!

 

خالد قام يغسل وشه و أول ما دخل الحمام كانت المفآجأة !!

 

لقى الحمام كله عنكبوت و مترب و شكله كأنه مهجور من سنييييييين

 

مش دا الحمام الى لسه متنضف من يومين بس

 

خالد قرر يغسل وشه الأول و يفوق و بعد كدة يشوف الى حصل دا حصل ازاى

 

خالد نزل ع الحوض عشان يغسل وشه و أول ما رفع وشه و بص فى المراية !!

 

لقى الى مكانش متوقعه

 

خالد اول ما رفع راسه و بص فى المرآية لقــــــــــى

 

جسم برأس تعبان بدأ يخرج من الحيطة

 

و كان بيبتسم ابتسامة مش مفهومة لخالد

 

خالد اول ما شاف المنظر دا نط من مكانة و بص فى الحيطة لقاها زى ما هيا و بعديها خرج من الحمام جرى و أتصل بحسن

 

خالد : حسن الحقنى ..

 

حسن : فى ايه يا خالد مالك ؟؟

 

خالد : انسان براس تعبان فى الحمام يا حسن و الحمام مترب و متوسخ كأننا معملناش حاجة فيه من يومين ..

 

حسن : طب اهدى يا حسن تلاقيك لسه قايم من النوم و بيتهيألك

 

خالد : يا حسن مش بهزر والله العظيم الى بقوله دا حصل

 

حسن : طب اهدى و صلى ع النبى احنا خلاص خلصنا محاضرات و قدامنا نص ساعة و نبقى عندك متخافش … تلاقى عمآر البيت بيهزروا معاك شوية

 

خالد : عمار ايه ياخويا … مين عمآر البيت دول !!

 

حسن : هههههههههههه لما اجى هافهمك سلام ..

 

حسن و احمد و محمد و هما راجعين وقفوا يشتروا أكل و شوية لاوازم كدة و بعديها روحوا

 

اول ما دخلوا البيت لقوا خالد نايم ع الكنبة حسن قايم خضه و خالد قام مفزوع

 

حسن : أركب الهواااا

 

خالد : ياحسن هوا انا ناقص يا جدع دا انتا رزل

 

حسن : طيب استنى هاخش ابص ع الحمام الى بتقول عليه مترب و مهجور دا و ع الناس الى بتطلع من الحيطة دى …

 

محمد و احمد بصوا لبعض باستغراب

 

احمد و محمد : ايه العبط الى بتقوله دا يا خالد ؟

 

حسن : احكيلهم على ما ابص ع الحمام و اجى

 

خالد حكلهم الى حصل و هما الاتنين ماتوا على نفسهم من الضحك و مش مصدقين

 

حسن لما جه من الحمام …

 

خالد : ها صدقت بنفسك يا عم

 

حسن : صدقت ايه يابنى الحمام نضيف و مفيهوش نقطة تراب واحدة و زى الفل . قولتلك دى تهيئات مصدقتش ….

 

خالد : اقسم بالله شوفت دا بعينى . بعدين ايه بقى حكاية عمآر البيت دول ؟؟

 

حسن : ههههههههه

 

بص يا سيدى عمآر البيت دول بيبقوا الجن الى عايش معانا ف نفس البيت بس مش بنشوفهم و مش مؤذين ولا حاجة

 

حسن كان عنده شوية معلومات مش بطالة عن العالم الأخر بس رغم كدة مكانش بيصدق الى بيتقال عن الجن و عمايلهم فى الناس

 

حسن : خد بقى الاكل و ع المطبخ كدة زى الشاطر و حضرلنا الاكل عقبال ما نغير هدومنا و بسرعة عشان احنا ميتين من الجوع

 

خالد : و مين سمعك دا انا من الصبح هابيض ع تفاحة حتى مفيش

 

غيروا انتوا و هاتنزلوا تلاقوا الاكل ع السفرة بس بسرعة

 

حسن و احمد و محمد و هما طالعين ع السلم

 

احمد : انا حاسس ان الواد خال دا اتهبل ايه الى بيقوله دا

 

محمد : ياعم اتلاقيه مكانش مستغطى امبارح كويس بس

 

حسن بصلهم و ضحك اوى و بعدين كل واحد دخل اوضته يغير هدومة

 

خالد دخل ع المطبخ و فضى الاكل و ظبط الدنيا و رايح يحط الاكل ع

 

السفرة !!!

 

خالد : الحقونـــــــى …. يا حسن يا محمد