يعنى مش عارفة ابدأ مشكلتى منين انا زوجة عندى ٣٨ سنة متحـ,ـوزة من ١٢ سنة و عندى ٣ اطفال و انا ملتزمة فى كل تصرفاتى و حريصة دايما انى معملش حاجة تغضب ربنا وملتزمة دايماا فى علاقاتى حتى لما اتخطبت كنت ملتزمة جدا مع خطيبى و مراعية حدود ربنا حتى فى الكلام معاه و اتجوزنا و حصل شوية مشاكل ذى اى زوجين و الدنيا عدت و زوجى شخص متفهم و مسؤول و على قدر معقول من التدين و اتولدت بينا قصة حب عميقة جدا بفضل الله و كنا دايما بنقضى وقت خاص بينا كل يوم و الكل كان بيحسدنا على علاقتنا و انا دايما مهتمة بنفسى جدا و بيتى اول حاجة فى حياتى مكنش فيه غير شوية جهل منى بالعلاقة الزوجية بسبب حياتى المغلقة فكانت دايما علاقة من طرف واحد و فجاة بعد ٩ سنين جواز و بعد عيد زواجنا بكم يوم اكتشفت ان زوجى
بيكلم و احدة زملته فى الشغل و بتلف عليه بقالها سنة و نص و بدون اى سابق انزار و لا كان باين على زوجى الهوا و كان بيغدق عليا دايما حب و حنان و كلام حلو و زوجى اصلا انا اول بنت فى حياته و بقت تشاغله تلفونات و تجاوزات فى الكلام و انت قمر و انت و انت الموضوع متجاوزش الكلام و طبعا قريت كل الشات الى بنهم و اتحرق قلبى و اتصـ,ـدمت صـ,ـدمة عمرى عمرى ما تخيلت ان فى وسط الحب الى بينا ده كله اكتشف انه بيكلم واحدة تانية و احنا فى عز سعادتنا ببعض و طبعا حاول يطلب منى انى اسامحه و باس ايدى و راسى وحلف بدينه و صلاته انه بيحبنى و انه كان معزور اول مرة حد يقوله انه جميل و يعجب بيه و انى مش بظهر ده فى العلاقة قلتله بس انت عارف قد ايه انى بحبك و كل حاجة فى حياتنا حلوة مش عارفة اذاى هو عمل كده و فقدت الثقه فيه تماما و كل ما احاول اكون طبيعية و ارجع ذى ما كنت ادخل فى دور اكتئاب شديد و
حزن و افتكر الكلام الى قراته بينهم و افتكر إللى انا كنت بعمله و فى الاخر كله طلع ملوش لازمه و لا ليه معنى و اهو عدى لحد دلوقتى ٣ سنين و بقيت بلا روح بكافح عشان احاول بس مغـ,ـضبش ربنا فى زوجى و اتغيرت ١٨٠ درجة و قفلت على مشاعرى و احتياجاتى كلها و بقى عندى قناعة ان الحب ملوش لازمة و مبيجبش غير الهم و وجع القلب و مبقتش اقرب تانى من زوجى عاطفيا رغم انى انسانة مليانة مشاعر و عواطف بس قفلت قلبى تمام و مبقاش عندى قناعة ان فى راجل ممكن اثق فيه اى كان .ملخوظة هو سابها من ساعة ما انا عرفت غير انه خلال السنة و نص فى عـ,ـلاقته معاها كانت متقـ,ـطعة و فى فترة انقـ,ـطاع يمكن بال٦ شهور بنهم
المشـ,ـكلة كمان دلوقتى انى فى اى مشكلة بسيطة انا بتخـ,ـنق من جوايا جدا و دائما فكرة الطـ,ـلاق فى دماغى و مش قادرة تتأقلم خالص مع زوجى نفسيا و لولا اولادى مكنتش
بقيت على زمنه ثانية واحدة و حاسة أن عندى طول الوقت صراع نفسى و بين نارين مش عارفة اكون زوجة كويسة و اتعامل بطبيعة و بين انى مش عارفة أطلق عشان ولادى ملهومش ذنب
