السلام عليكم
مخطوبين بقالنا خمس شهور وهي بنت محترمة وعيلتهم ناس محترمين .. قالتلي عايزة تروح فرح واحدة صاحبتها قولتلها لا مش هينفع علشان الفرح هيكون مختلط وفيه شباب كتير وانا بغير عليها اوي وبحبها وقعدت تتحايل عليا وقولتلها لأ بردو قالتلي ماشي مش هروح قولتلها كده تمام وده الصح .. واحنا من نفس البلد عادي بس مينفعش نخرج والكلام ده مع بعض غير بعد كتب الكتاب ..
المهم كنت قاعد فاضي بالليل وشوية وهصبح اسافر قولت اما اروح لحد الفرح واشوفها سمعت الكلام ولا لأ .. روحت لقيتها هناك في الفرح وهي طبعا مشافتنيش روحت البيت عندهم بعد ما هي روحت من الفرح وعرفت ابوها وامها باللي حصل وقولتله انا مش هكمل وعايز الدهب ابوها قالي اصبر بس شوية ولحظة غضب والكلام ده قولتله انا مش هكمل مع واحدة هتكون مراتي ومبتسمعش الكلام وكدبت عليا ..
راح قالها قعدت تعيط وتقولي غصب عني وكنت لازم اروح ومش عارف ايه قولت لابوها مش هينفع اكمل بجد علشان هي كدبت عليا وانا مش بحب الكدب وهي عارفة حاجه زي كده .. خلعِت الدهب من ايديها وهي بتعيط علي اخرها وابوها حطه في العلبة وسلمهولي وقولتله انا مسامح في الهدايا مش عايز حاجه وكل شئ قسمة ونصيب ومشيت من عندهم .. هي طبعا رجعت تكلمني تاني وتعيط وترن عليا وانا مصمم اني اسيبها بردو علشان الكدب مش اكتر ..وقولتلها كل شئ قسمة ونصيب وعملتلها بلوك
عايز اعرف اللي انا عملته كده صح ولا غلط
نصائح للمقبلات على الزواج🌹
🌹عزيزتي الفتاة قبل ان تتزوجي يجب ان تعرفي هذه الاشياء!!!
💍• حياتك وأنت في منزل والديك تختلف كل الاختلاف عن حياتك مع زوجك ففي الأولى لا مسئولية عليك.. وفي الثانية أنت مسؤولة تقريبًا عن كل شيء.
💍• أخطر سنوات الزواج هي السنة الأولى ، فإن اجتزتها بنجاح ضمنت لنفسك ولزوجك عيشة هانئة.
💍• لا تنسي أن فترة الخطوبة لا تكشف عن طباع زوجك أو من تقدم لك فكوني على استعداد لمواجهة المفاجآت بحكمة وعقل.
💍• العطاء من جانب الطرفين أمر لابد منه.. فهو أساس الحياة الزوجية.
💍• من أسس الحياة الزوجية الناجحة.. التعاون في مواجهة أمور الحياة وذلك بتدبير شئون البيت دون إرهاق لميزانية الزوج.
💍• مهما يكن الأمر فلا تنسي أن تحرصي على العلاقة الطيبة مع أهل زوجك، فإنك إن أحببتهم أحبوك وأحب هو أهلك وإن وصلتيهم ساعد ذلك على وصاله لأهلك وبرهم.
