انا الكلام اللي حقوله بغلط نفسي اولا بيه قبل ما اي حد يكلمني بس وقعت في اشكاليه مش عارف اخرج منها فياريت يا استاذه غاده تحكمي في كلامي اللي ببعته ليكي على رسايل صفحتك ازواج لكن سعداء لاني اب ومش عايز اخسر اولادي انا جيت كتير على مراتي ام عيالي والعيب فيها هي دايما اللي كانت بتسكت ومش بترد عليه في اي حاجه ظلمتها فيها جيت عليها جامد لغايه ما بقيت جسد بلا روح
فعلا وانا بقى اتماديت لما وصلتها لكده روحت ادور على اللي تنعش حياتي وتجدد شبابي ، شباب ايه وانا داخل على الستين وروحت اتجوز بنت اصغر مني ب تلاتين سنه لا وايه صممت اتجوزها قبل ما اطلع على المعاش عشان تدخل معاها في المعاش ومراتي لما عرفت بردو معملتش حاجه ، المهم جيت في يوم راجع بيتي بس متاخر اوي قمت متصل بعيالي عشان اصحيهم يحضرولي العشا لان مراتي بقالي اكتر من تلات سنين مش بنكلم بعض بس هي قايمه بواجبتها في البيت والاولاد على اكمل وجه المهم ارن عليهم مش بيردوا طلعت البيت لاقيتهم نايمين قومت بهم طافح زعقت وبهدلت الدنيا وحكمت انهم مش حيشوفي مني لقمه وقولتلهم لا انا حروح اصرف على بيتي التاني وعلى ولاد مراتي هم اولى منكم محدش فيهم رد عليه وسبتهم اسبوعين ولا اعرف عنهم حاجه ولا حد فيهم كلمني ولما رجعت لاقيتهم ملمومين عليه التلات اولاد بيشرطوا عليه شرط قالولي
انت اتجوزت ومحدش فينا اتكلم وامي الله يكون في عونها وادام انت من اقل مشكله تهددنا انك حتسبنا لا اكل ولا شرب وانت عارف ان محدش فينا بيشتغل عايز ترجع بينا تاني تطلق الست دي ونشوف ورقه طلاقها وتحدد مصروف تديه لامي بما انك بتغدر بينا وكل حاجه في ايدك انا اتصدمت من طلباتهم وبصراحه عايز عيالي ومش قادر اعيش من غيرهم وانا جيت عليهم جامد وفي نفس الوقت اللي اتجوزتها دي ملهاش ذنب اطلقها ليه بعد ما اتعلقت بيه وانا اتكفلت بيها وبعيالها لاني مقتدر ماديا وجدا الحمد لله واني عملت كل ده لان مراتي ام عيالي مش بتكلمني ولا عمرها قالتلي لا وحاضر دايما مفيش ليها رأي ولا طلبات بطريقه تعصب الواحد بس اعمل ايه قولولي على صفحتك يا استاذه غاده لان الصفحه عن الازواج اللي المفروض يكونوا سعداء بس انا متجوز اتنين ومش سعيد وعندي اولاد ومش سعيد معاهم وعندي المال وبردوا مش سعيد اعمل ايه واحلها ازاي من غير ما اي طرف يزعل او يتقهر وعلى فكره انا غير الشغلانه بتاعت الحكومه عندي مال خاص بيه من ورثي من اهلي واخواتي اللي ماتوا اسف اني طولت عليكم
